الفصل العاشر

3756 Words

الحلقة العاشرة #نكمل نرجع عندى انا رجعت البيت فى شقه كنت مشتريها فى البلد بس دى كانت اول مره اقعد فيها من وقت ما اشتريتها ..... دخلت الشقه لوحدى ودى كانت اول مره من سنين اقعد لوحدى من غير سليم .... لدرجة انى كرهت الشقه .... دخلت وقعدت فى الصاله وفتحت التليفزيون قولت يمكن يسلينى .... وانا قاعد لوحدى جليله ظهرت انا : خير ايه اللى جابك .... مش مهمتك انتهت .... اللى انتى بتحرسيه رجع لأهله خلاص تقدرى تروحيله هناك جليله : بس انا جيالك انت يا دياب انا : خير عاوزه منى ايه جليله : انسى اللى فات وارجع لاهلك انا : انسى ايه ولا ايه .... انسى ابويا والبهدله اللى شافها .... ولا انسى سنين الغربه والعذاب والالم اللى شفناه على ايديهم .... ولا انسى امى واللى عملوه فيها .... ولا انسى اللى خالى عمله فيا لما شاف ان عيلتى رميانى ..... قوليلى عاوزانى انسى ايه بالظبط وانا ادوس على زرار وانساه على طول .... علشان انا مكنه بيتحكم فيها بزراير جليله : طب افتكر حاجه واحده بس ... سليم انا : سليم فى الاول وفى الاخر ابنهم وكان مسيره هيرجعلهم بس للاسف ماكنتش عامل حساب اللحظه دى خالص جليله : لسه عندك الفرصه انك تعيش مع سليم وتتجوز ريهام انا : من رابع المستحيلات انى اتجوز ريهام جليله : يابنى والدتك اتت علشان عمرها انتهى .... ومحدش ليه يد فى موتها انا : لا فى .... واللى قتلها لسه عايش بيتفس جليله : سامح علشان تعيش مرتاح انا : مش هرتاح غير لما اخد بتارى جليله : وريهام ذنبها ايه فى ده كله انا : وانا كان ذنبى ايه لما اتحرمت من امى .... كان ذنبى ايه لما شوفتها بتموت ومش قادر اعملها حاجه ولا عارف اساعدها جليله : يابنى ده قدرها كده انا : وانا كمان هكون قدرهم .... بس هبقى قدرهم الوحش .... هخليهم يلعنوا كل يوم عايشينه جليله : بس انت كده هتظلم انا : بجملة اللى اتظلم جليله : طب اسمع منى الكلمتين دول وحطهم حلقه فى ودنك انا : قولى جليله : انت طول السنين اللى فاتت ربنا ساترها معاك وبيحميك علشان كنت مظلوم لكن لو عملت اللى انت بتفكر فيه هتبقى ظالم وياويلك من نهاية الظالم واختفت جليله زى ما ظهرت بعد ما جليله مشيت ما استحملتش اقعد فى الشقه من غير سليم .... نزلت اخدت عربيتى وقعدت الف فى الشوارع تانى يوم عند مهيب صقر فى الفيلا .... ريهام صحيت من النوم وخرجت فى البلكونه وبتبص واتصدمت ودخلت بسرعه تصحى سلمى ريهام : اصحى يابت بسرعه سلمى : ايه فى يازفته على الصبح كده ريهام : تعالى وشوفى بنفسك سلمى : عارفه لو طلعت حاجه هايفه من حاجاتك هولع فيكى ريهام : تعالى بس وانتى هتعذرينى وخرجت سلمى مع ريهام وبصت من البلكونه سلمى : ايه فى يازفته ما الدنيا تمام بره ريهام : طب بصى بره خالص بعد السور الكبير سلمى : ايه هيكون فى يعنى ريهام : ركزى شويه وانتى هتعرفى سلمى : ايه ده .... طب ازاى ريهام : انا مش عارفه ..... انا كنت واقفه فى البلكونه قبل الفجر ومكانش فى حد سلمى : طب مهيب فين ريهام : تلاقيه نايم لسه .... احنا دلوقتى الساعه 7 الصبح سلمى : طب روحى صحيه .... تلاقيه نايم عند فاتن وسليم ريهام : طب تعالى معايا وخرجت ريهام وسلمى وراحوا اوضة فاتن وخبطوا عليها وفاتن فتحتلهم فاتن : ايه فى يا زفته انتى وهى على الصبح بدرى كده .... سليم نايم ومش عاوزه اقلقه ريهام : اهدى يازفته علينا فاتن : انا زفته يا ريهام ريهام : ما انتى داخله فينا شمال فاتن : اخلصوا عاوزين ايه ريهام : ادخلى صحى مهيب عاوزينه فاتن : مهيب نايم عند امانى ..... عاوزينه فى ايه ريهام : انا هروح اصحيه وتعالى هتعرفى وراحوا الاوضه عند امانى وصحوا مهيب مهيب : ايه فى على الصبح عاوزين ايه فاتن : والله ما انا عارفه .... الزفتتين دول صحونى وعاوزينك مهيب : خير عوزين ايه يازفته انتى وهى ريهام : تعالى بس بص من البلكونه وشوف بنفسك مهيب : هيكون ايه فى يعنى ريهام : تعالى وانت تشوف بنفسك وقام مهيب وبص من البلكونه مهيب : ايه ده ..... جيه امتى دى ريهام : معرفش انا صحيت لقيته موجود مهيب : طب انا هنزل اشوفه ريهام : استنى هاجى معاك مهيب : لا خليكى هنا انا هنزل اشوف فى ايه وهرجع تانى ريهام : لا انا جايه معاك مهيب : طب اخلصى نزل مهيب وريها وخرجوا بره الفيلا عند عربيه راكنه وفتحوا باب العربيه مهيب : دياب .... يا دياب ... اصحى يابنى ايه اللى نومك كده انا : ايه ده انا فين ريهام : انت جيت امتى يا دياب انا : كنت بلف بالعربيه بالليل وببص فى العربيه لقيت سليم نسى ال I Pad بتاعه قولت اجيبه بس لقيت الوقت اتاخر وقولت اكيد نام .... وانا كنت تعبت ومش قادر اسوق قولت اريح شويه بس الظاهر كده راحت عليا نومه مهيب : طب تعالى ادخل جوه انا : لا مفيش داعى .... خد ال I Pad ده اديه لسليم مهيب : يا عم ادخل اخلص علشان تديه لسليم بنفسك وبالمره نفطر مع بعض انا : اسمعنى بس مهيب : مش هسمع حاجه .... ادخل بس وبعدين اسمعك زى ما انت عاوز انا : حاضر ودخلت معاهم الفيلا .... وكان سليم صحى وجرد ما دخلت جرى عليا واخدته فى حضنى انا : اذيك يا حبيبى وحشتنى سليم : انت كمان وحشتنى انا : خد يا عم ال I Pad بتاعك انت نسيته معايا فى العربيه سليم : بس ال I Pad بتاعى معايا انا : ده الجديد اللى انت قولتلى عاوزه وقولتلك هجبهولك لما تنجح سليم : انا بحبك اووووى يا دياب انا : وانا كمان بحبك اووووى يا حبيبى .... انت اغلى حاجه عندى فى الدنيا دى كلها مهيب واقف مع ريهام وفاتن على جنب ريهام : انت مصدق موضوع ال I Pad ده وان دياب راحت عليه نومه فى العربيه مهيب : لا طبعا .... دياب مش قادر يبعد عن سليم ومن ناحيه تانيه مش قادر يصفى للعيله فاتن : دياب صعبان عليا اووووى مهيب : دياب عاش سنين كتير مظلوم ولما الدنيا عوضته بسليم وعاشوا مع بعض حس ان خلاص هو وسليم مش هيفارقوا بعض بس برضه رجعت اخدته تانى فاتن : الحل الوحيد علشان نحل الموضوع ده ان ريهام تتجوز دياب ريهام : ياريت مهيب : لمى نفسك يابت ريهام : شوفلك حل فى الموضوع ده مهيب : طب اصبرى شويه لحد ما اشوف ايه اللى هيحصل بعد شويه كان الكل اتجمع وفطرنا مع بعض وطول القعده سليم قاعد جمبى وبنضحك مع بعض .... بس طول القعده امل صقر والدة مهيب وريهام مش مديانى ريق حلو خالص عمر صقر : ياريت يا دياب يابنى تسامحنا على اللى حصل وعاوزك تعرف ان احنا ملناش ذنب فى حصل زمان انا : خلاص يا عمى اللى حصل حصل عمر صقر : طب بمناسبة ان احنا اتصافينا خلاص فى كام حاجه عاوزك فيها انا : خير يا عمى عمر صقر : عاوزك تسامح جدك .... كفايه على كده انا : ياريت منتكلمش فى الموضوع ده تانى وبالنسبه للعاصى ده انا عمرى فى حياتى ما هسامحه وياريت نقفل كلام على كده وبالنسبه لأعمامي وعماتى انا مليش دعوه بيهم عمر صقر : طب ارضك وفلوسك اللى معايا انا : قولتلك قبل كده انى مش عاوزهم ولا عمرى ما همد ايدى على اى حاجه فيهم ... وبعدين انا مش محتاج الحمد لله ورثى من ابويا كبير ..... ابويا الله يرحمه سابلى شركه وفلوس كتير لو عشت طول عمرى اصرف طول عمرى مش هقدر اخلصهم .... وبعدين انا لا متجوز ولا مخلف علشان احوش فى الفلوس دى كلها عمر صقر : طب وليه متتجوزش .... هو انت ناقص ايد ولا رجل علشان متتجوزش انا : لا انا خلاص اتعودت على كده عمر صقر : مفيش الكلام ده انا : سيبها للظروف عمر صقر : مفيش حاجه اسمها سيبها للظروف .... المثل بيقول اخطب لبنتك ومتخطبش لابنك وانا عاوز اجوزك لريهام بنتى .... انا مش هلاقى احسن منك لبنتى امل صقر قامت مفزوعه : وانا مش موفقه على الجوازه دى .... مستحيل بنتى تتجوز دياب عمر صقر : ايه اللى انتى بتقوليه ده امل صقر : مستحيل بنتى تتجوز ابن الخدامه مهيب : ايه اللى انتى بتقوليه ده يا امى عمر صقر : انتى اكيد اتجننتى انا : لا بالع** هى عاقله جدا وعارفه بتقول ايه .... هى قالت الحقبقه مهيب .: انا اسف يا دياب على اللى حصل انا : متعتذرش لانك مغلطتش ولا والدتك غلطت .... احنا محدش فينا بيختار ابوه او امه دى حاجه اكبر مننا كلنا .... انتوا كلكم لومتوا ابويا علشان اتجوز امى .... شايفين انها مش من مستوى العيله الكريمه .... طول عمرى بسمع منكم كلمة ابن الخدامه عمر صقر : يا دياب يابنى انا : ارجوك يا حج عمر متقاطعنيش وسيبنى اخلص كلامى عمر صقر : انت من الصبح بتقولى يا عمى ليه دلوقتى بتتكلم رسمى انا : علشان الظاهر كده كنت هنسى نفسى وكويس انى فوقت بسرعه عمر صقر : يابنى انا : سيبونى اخلص كلامى للاخر ..... ايوه انا ابن الخدامه .... بس الخدامه دى عمرها ما خدمت غير فى بيتها .... وعمرها ما خدمت حد غير ابنها وجوزها .... الفقر مش عيب ... وانا فخور جدا با ابويا وامى وشايفهم احسن اب وام فى الدنيا .... انتوا كنتوا بتلوموا ابويا انه اتجوز من بره العيله مع ان كلكم اتجوزتوا من بره العيله .... انت يا حج عمر اتجوزت ابتسام مع انها مش بس من بره العيله لا ده كمان فى مشاكل وتار بين العيلتين واتجوزتها على مراتك ومحدش قدر يكلمك .... وانت يا بشمهندس مهيب اتجوزت امانى من بره العيله وبرضه على مراتك وبرضه محدش قدر يكلمك .... لكن ابويا كل اللى عمله انخ اتجوز الست اللى حبها لكن ازاى يتجوز اللى بيحبها ..... انتوا عارفين مشكلة ابويا مع جدى مش مشكلة انه اتجوز واحده من بره العيله .... عارفين ايه المشكله عمر صقر : ايه المشكله انا : المشكله كانت ان عاصى كان طمعان فى امى وعاوز يتجوزها وبالفعل اتقدملها وهى اللى رفضت وده السر اللى انا عرفته قبل موت امى ولا ايه رائيك يا امل هانم عمر صقر : ايه اللى بتقوله ده يا دياب انا : هى دى الحقيقه اللى انتوا مش عارفينها .... اما بالنسبه لموضوع جوازى من ريهام ريحى نفسك يا امل هانم لان ده من رابع المستحيلات وده مش لعيب فى ريهام .... لا ده لسبب تانى خالص انتى عارفاه كويس عمر صقر : ايه السبب ده يا دياب انا : السبب هو انى عمرى ما هتجوز بنت الست اللى قتلت امى امل صقر : انت اتجننت ولا جاى تلبسنى مصيبه عمر صقر : انت بتقول ايه يا دياب انا : ايوه يا حج عمر .... امل هانم هى اللى قتلت امى ... قتلتها بالحسره والقهر عمر صقر : ازاى يابنى مش فاهم انا : انا هقولكم السر اللى كاتمه فى قلبى بقالى سنين كتير ماتتعدش ... هقولكم السر اللى خبيته عن اقرب الناس ليا .... خبيته على ابويا فلاش باك قبل امى ما تتوفى بيوم .... كنت بلعب فى الشقه مع امى وابويا كان فى الشغل وكنا فرحانين وبنهزر مع بعض لحد ما باب الشقه خبط وامى فتحت الباب امى : امل صقر .... ايه اللى جابك هنا وعرفتى البيت ازاى امل صقر : ايه مش هتقوليلى اتفضلى ولا هنتكلم من على الباب امى : لا طبعا البيت بيتك اتفضلى وبعد ما دخلوا امى : تشربى ايه يا امل امل صقر : انا مش جايه اتضايف .... انا جايه اقول كلمتين وامشى على طول امى : خير فى ايه امل صقر : ابنك ده امى :ايوه ده دياب ابنى امل صقر : طب مش المفروض تحافظى على ابنك وتخافى عليه امى : قصدك ايه يا امل امل صقر : ابعدى جوزك عن العيله ... احنا شيلنا ايدينا من عليه بس الظاهر كده محتج قرصة ودن علشان يتلم امى : احنا بعدنا عن عيلتكم من زمان امل صقر : امال ايه اللى جوزك عمله من يومين امى : عمل ايه امل صقر : قابل عمر جوزى من يومين وعاوز يوسطه علشان يرجع للعيله امى : انا معرفش حاجه عن الكلام ده امل صقر : انتى هتعمليهم عليا ولا ايه .... اذا كان تمثيلك ده خال على عبدالرحمن لكن مش هيخيل عليا امى : قصدك ايه امل صقر : انا عارفه كويس عمى عاصى كان عاوز يتجوزك بس انتى لفيتى شباكك على عبدالرحمن ابن عمى .... حلال عليكى عبدالرحمن .... لكن اياكم تفكروا ترجعوا للعيله ساعتها مش انتى ولا جوزك اللى هتدفعوا التمن .... لا ده الواد الصغير ده هو اللى هيدفع التمن امى : حرام عليكم الظلم ده امل صقر : ده اخر كلام عندى .... فكرى فى كلامى ده كويس وخافى على ابنك بعدها امل صقر مشيت وامى قعدت تعيط واخدتنى فى حضنها لحد ما هديت انا : مين الست دى يا ماما وليه انتى بتعيطى امى : لا مفيش حاجه يا حبيبى انا : انا هقول لبابا اول ما يجى علشان يض*ب الست دى امى : لا يا حبيبى اوعى تعمل كده انا : ليه يا ماما امى : انت بتحبنى ولا لا يا دياب انا : طبعا يا ماما بحبك امى : خلاص يبقى تسمع كلامى ومتجيبش سيره لابوك عن اللى حصل انا : حاضر يا ماما امى بعدها قعدت اليوم كله زعلانه وبتعيط لحد ما جتلها الازمه واتنقلت المستشفى وتانى يوم ماتت ... وعدت السنين بعد كده لكن كنت على طول فاكر اللى حصل ومش قادر انساه وبعد الايام علشان ارجع انتقم عوده من الفلاش باك انا : هى دى الحقيقه اللى عيشت مخبيها طول السنين عمر صقر : ياه يابنى كل ده جواك وانت ساكت .... وبص على امل .... بقى كل ده يطلع منك وانا معرفش امل صقر : انا كنت بنفذ كلام ابويا وعمى مهيب : ابوكى اللى كان عاوز يقتل ابنى ..... ولا عمى اللى كان طمعان فى خطيبة ابنه .... انا دلوقتى بس عرفت جايب قوة القلب دى من فين انا : عن اذنكم انا ماشى ...... قبل ما امشى عاوز اقولك حاجه يا امل هانم .... ابوكى هو اللى حاول يقتل حفيدك .... وابن الخدامه اللى كنتى عاوزه تقتليه هو اللى حافظ على حفيدك وكان بيعامله زى ابنه واكتر .... مع السلامه واتمنى ما اشوفش حد فيكم تانى وسبتهم وخرجت ..... بعد ما خرجت ركبت عربيتى وطلعت تليفونى وانصلت بليندا انا : ازيك يا ليندا ليندا : ازيك يا ديبو وحشتنى انا : انا كويس متخافيش عليا ليندا : امتى هتيجى بقى انا : ادينى كام يوم بالكتير واكون عندك ليندا : ليه كده انا : لسه فاضل كام حاجه لازم اخلصها قبل ما اجى ليندا : ايه فى تانى .... انت مش عملت كل اللى انت عاوزه خلاص انا : لسه فاضل الشركه اللى هنا لازم اصفيها .... خلينا فى المهم ليندا : خير يا دياب انا : عملتى ايه فى الحاجات اللى قولتلك عليها ليندا : متقلقش انا خلصتلك كل حاجه .... وبالنسبه للشقه بتاعتك جاهزه وبعت ناس نضفوها ومستنياك انا : طب تمام ..... هخلص كام حاجه كده وبعد كده هجيلك ونتجوز ليندا : انت بتتكلم بجد يا دياب .... يعنى انت هتتجوزنى انا : خلاص مليش غيرك .... وهنعيش مع بعض ليندا : وانا مستنياك يا حبيبى بعد ما قفلت مع ليندا روحت الورشه لعم صلاح من ناحيه تانيه عند مهيب صقر فى البيت عمر صقر : انا عايش معاكى بقالى سنين وحاسس انى بعرفك لأول مره ريهام : انتى جبتى قسوة القلب دى من فين امل : انتوا ليه بتحاسبونى .... انا كنت بسمع كلام ابويا وعمى .... صح غلط انا مليش فيه ريهام : انا عمرى ما هسامحك عمر : يا مهيب عاوزك تتصرف وتشوف دياب فين لازم نخلص الموضوع ده النهارده بأى طريقه مهيب : حاضر يا حج عمر : اما بالنسبه ليكى انتى كلامنا لسه مخلصش نرجع عندى انا بعد ما سبتهم ومشيت روحت عند عم صلاح وقاعد معاه صلاح : مالك يا دياب انا : مفيش حاجه يا عم صلاح صلاح : همك باين فى عنيك .... اوعى تسلم لهمومك او تهرب منها .... التسليم ضعف والهروب عار .... العود اللى ميهزهوش الريح عود صلب انا : الحموله تقيله صلاح : شيلها وقول يارب تلاقيها مش قاعده وكتفك فاضى انا : المهم طمنى عليك صلاح : انا كويس والشغل ماشى زى الفل انا : بمناسبة الشغل ..... خد ال*قد ده صلاح : ايه ال*قد ده انا : ده تنازل منى عن نصيبى فى الورشه .... جاهز ومتسجل فى الشهر ال*قارى .... يعنى الورشه دلوقتى بقيت كلها بتاعتك صلاح : ليه عملت كده يا دياب انا : خلاص انا مش قاعد فى البلد تانى .... انا هسافر ومش هرجع مصر تانى .... وبالنسبه لمرات خالى وعيالها انا اديتهم اللى يكفيهم .... وخلاص مليش حد اقعد علشانه صلاح : برضه م**م تهرب انا : بالع** .... انا عمرى ما حسيت ان الارض دى ارضى .... ولا ليا عيله هنا تخاف عليا واخاف عليها يعنى هنا زى امريكا .... الاحسن انى اسافر صلاح : متقولش كده عيلتك بتحبك وبيحاولوا يصالحوك بقالهم زمن انا : خلاص ملهوش لازمه الكلام ده ... انا جيت اسلم عليك قبل ما اسافر صلاح : مع السلامه يابنى انا : عن اذنك يا عم صلاح يادوب اروح ازور ابويا وامى قبل ما اسافر بعد ما سيبت عم صلاح .... روحت المقابر علشان ازور ابويا وامى قبل ما اسافر انا : ازيك يا بابا .... ازيك يا ماما .... انا جاى اسلم عليكم قبل ما اسافر ..... وحشتونى اووووى .... الحياه وحشه من غيركم .... سامحنى يا بابا انا مش قادر اعيش هنا ولا قادر اسامح .... انا مهما كان بشر ومش هقدر اسامح .... خلاص انا هسيب البلد دى ومش راجع تانى .... سامحنى من ناحيه تانيه عند مهيب صقر فى الفيلا مهيب : قالب عليه الدنيا مش لاقيه عمر : ممكن يكون رجع القاهره مهيب : لا ماظنش مرات خاله بتقول ان هدومه وحاجته موجودين عندها فى البيت عمر : يعنى هيكون راح فين مهيب : مش موجود لا فى بيت خاله ولا شقته ولا اى فندق فى الاقصر ريهام : انا عارفه دياب ممكن يكون فين مهيب : فين ريهام : اكيد فى المقابر .... هو ده المكان اللى دايما بيروح ليه لما بيتضايق عمر : طب انا هروحله ريهام : انا جايه معاك مهيب .: يلا بينا وخرجوا كلهم وراحوا المقابر ولقيونى هناك انا : عاوزين منى ايه تانى عمر : سامحنا يابنى انا : خلاص ملهاش لازمه ... انا كلها يومين وهسيب البلد كلها وارجع امريكا ريهام : كده بسهوله هتسيبنى انا : انا وانتى عمرنا ما كنا لبعض ريهام : طب انا ذنبى ايه فى ده كله انا : ذنبك ان امك قتلت امى مهيب : سامح يا دياب .... انا مش هقولك علشان خاطرى ولا علشان ريهام .... سامح علشان سليم .... سليم بيعيط فى البيت من ساعة ما انت خرجت واغمى عليه والدكتور بيقول بيقول انه لازم يشوفك انا : مسيره هينسانى مهيب : يهون عليك تسيبه فى الحاله ده ريهام : طب تعالى كلمه وهديه وبعد كده اعمل اللى انت عاوزه انا : انا هاجى بس علشان سليم وبعها همشى على طول مهيب : تعالى بينا وروحت معاهم قعدت شويه مع سليم وهديته ووعدته انى هرجعله تانى .... وانا خارج من الفيلا كان معايا مهيب وريهام وسليم ..... فجأه ظهر طارق الظابط راكب عربيه وماسك سلاحه بس محدش اخد باله منى وبيوجه سلاحه ناحية مهيب وسليم انا : حاسب يا مهيب .... وزقيته هو وسليم والطلقه جات فيا انا بعد ما اتض*بت بالنار وقعت على الارض ولسه طارق هيض*ب تانى ... رجالة مهيب صقر قتلوه ريهام بصرخه : لا يادياب ابوس ايدك اوعى تموت سليم : لا يا دياب علشان خاطرى مهيب : شيلوه معايا العربيه بسرعه بعدها اخدونى بسرعه على المستشفى وعملولى عمليه وخرجوا الرصاصه منى .... بس حالتى كانت خطيره ومش مطمئنه .... ريهام عملت مشكله علشان تشوفنى هى وسليم ودخلوا كلهم ومعاهم مهيب وعمر مهيب : شد حيلك يا دياب وقوم بالسلامه انا : مش باينلها قومه خلاص ريهام : ابوس ايدك ماتقولش كده انا : اسمعنى يا عم عمر فى اللى هقولهولك عمر : خير يابنى فى ايه انا : لو حصلى حاجه ومت عاوز ادفن مع ابويا وامى .... مش عاوز اتدفن فى مقابر عيلتكم ريهام : متقولش كده يا دياب انت هتقوم بالسلامه انا : اسمعوا كلامى ده كويس ودخل الدكتور الدكتور : كفايه كده ياخوانا انتوا زودتوها مهيب : حاضر يا دكتور ومشيوا كلهم وسابونى .... تانى يوم فى المستشفى جاتلى حالة تشنجات ودخلت فى choke ومت فيها دياب مات .... وانا اللى هكمل اللى باقى .... انا مهيب صقر ... طبعا كلكم عارفينى من ايام رواية ( الفتي_الشرير )... دياب مات فى المستشفى ودفناه مع ابوه زى ما طلب بعد 3 شهور من موت دياب .... ريهام كانت حابسه نفسها وبتعيط باستمرار وسليم سرحان على طول ومش بيلعب فى يوم كنت قاعد مع نفسى فى المكتب فى القصر ودخل عليا نصر مدير المكتب انا : ايه فى يا نصر نصر : فى واحده بره اسمها ليندا بتقول ان معاها معاد مع حضرتك انا : خليها تتفضل ودخلت ليندا وكانت لابسه اسود وقعدت انا : خير يا فندم ..... حضرتك كلمتينى وقولتى عاوزانى بخصوص دياب ليندا : ايوه بس مش انت لوحدك انا : عاوزه مين تانى ليندا : عاوزه العيله كلها .... حضرتك ووالدك وسليم وريهام انا : ليه فى ايه ليندا : هقولك كل حاجه قدامهم انا : طب اتفضلى معايا البيت وروحنا البيت واتجمعنا كلنا انا : اهو الكل موجود ... خير بقى عاوزه ايه ليندا : انا ليندا الالفى .... بنت كامل الالفى شريكك فى شركة الادويه فى امريكا انا : طب ايه علاقة دياب والعيله بالموضوع ده ليندا : دياب شريكنا فى نفس الشركه .... وشريك مع والدى فى شركات كتير فى مصر وامريكا وانا ودياب يعتبر متربيين مع بعض واصدقاء من اول اول ما دخل امريكا انا : اه فهمت .... خير عاوزه ايه بقى ليندا : دياب قبل ما يتوفى كلمنى وقالى انه قرر يسافر امريكا ومايرجعش تانى علشان كده كتب شركة المقاولات بتاعته اللى فى المقطم باسم ريهام وسليم .... والاسهم بتاعته اللى فى شركة المقاولات اللى فى مصر كتبها باسم جمعيه خيريه فى مصر .... اما بالنسبه للشركات اللى فى امريكا برضه كتبها للجمعيات الخيريه .... ودى كل الاوراق اللى بتثبت كل كلامى انا : ايه اللى اخرك ده كله ليندا : انا بعد اللى حصل جالى انهيار عصبى ودخلت المستشفى ولسه خارجه من اسبوع وبعد ما خرجت قولت لازم اجيلكم علشان انفذ وصية دياب ريهام : وانتى ايه اللى خلاكى تنهارى على موت دياب ليندا : دياب ده حب عمرى .... بس للاسف معرفتش اخليه يحبنى .... احب اقولك يا ريهام ان دياب لاخر لحظه فى حياته كان بيحبك وعمره ماحب حد غيرك انا : على العموم شكرا لحضرتك ليندا : مفيش داعى للشكر .... وفى حاجه تانى انا : خير ليندا : ده شيك ب 5 مليون دولار لمرات خال دياب واولادها .... انا مش عارفه اوصلها انا : سبيلى الشيك وانا هوصله ليندا : تمام كده .... استاذن انا لان معايا طياره الفجر انا : اتفضلى بعد ما ليندا خرجت طلعت تليفونها واتصلت ليندا : ايوه يابابا .... خلاص خلصت كل حاجه .... لا كله تمام .... انا راجعه فى طيارة الفجر ... مع السلامه نرجع عندى انا بعد ما مشيت ليندا ريهام دخلت فى نوبة صراخ وعياط وبعد ما هديت انا : خلاص يا ريهام ادعيله هو فى مكان احسن من هنا بكتير سليم : دياب وحشنى اووووى يا بابا انا : ادعيله يا حبيبى وبكده تبقى خلصت قصتنا

Free reading for new users

Scan code to download app

App Store Google Play

Facebookexpand_more