Church
Celeste's POV
Sunday.
Hindi ko maalala kung kailan ako huling nagsimba nang walang iniisip na deadline pagkatapos. Simula nang mawalan ng trabaho si Papa, parang naging sunod-sunod na lang ang lahat. Mga requirements sa school. Mga tutoring sessions pagkatapos ng klase. Mga manuscript na kailangan kong tapusin. Mga gastusing kailangang paghatian sa bahay.
Pakiramdam ko, bawat araw ay may checklist na kailangan kong ubusin bago ako payagang huminga.
At kahit ginagawa ko naman ang lahat ng makakaya ko, may mga pagkakataong pakiramdam ko hindi pa rin sapat.
Hindi ako umiiyak, hindi rin ako nagrereklamo pero pagod na pagod na ako. Hindi lang katawan ko, pati isip ko at ang puso ko.
Kaya paggising ko kaninang umaga, may kung anong nagsabi sa akin na kailangan kong huminto kahit s
