continuatuon,
Diego's POV
Maingay ang campus.
May mga estudyanteng nagmamadaling humabol sa susunod nilang klase, may mga grupo ng magkakaibigan na nagkukwentuhan sa ilalim ng mga puno, at may mga dumadaan na tila alam na alam kung saan sila papunta.
Ako naman, parang hindi sigurado kung nasaan ang isip ko.
May sinasabi si Alanis tungkol sa upcoming film project namin, pero kalahati lang yata ng mga salita niya ang naririnig ko. Ang natitira, natatangay ng iisang tanong na ilang araw nang paikot-ikot sa utak ko.
Bakit parang umiiwas si Celeste?
Mula noong open mic night, may kung anong nagbago.
Hindi naman biglaan.
Hindi naman dramatic.
Mas mahirap nga siguro dahil halos hindi mapansin sa umpisa.
Mas matagal bago aminin.
Mas matagal bago masaktan.
Noong una, akala ko busy la
