وتين?

الفصل الثامن

الفصل الثامن

توقفنا الفصل اللي فات لما وتين اغمي عليها من الض*ب

صرخت والدتها ..عصام البت قطعه النفس مش بتتحرك

عصام ..سيبيها يكش تموت واخلص منها

واكمل شرب من ازازة الخمره اللي في ايده

نظرت له بق*ف واستحقار ..روح يا شيخ منك لله

تحركت مره اخري الي غرفة وتين ووجدت برفان مرمي علي الارض اخدته وبدأت ترش علي وشها وتحت مناخيرها لحد ما استعادت وعيها مره اخري

وتين بصريخ ..ابعد عني ابعد

اخذت تهديها والدتها حتي استكانت ونامت بعمق

عدي اليوم بمشاكله وتعبه ومصايبه

بس كان في قلوب مش نايمه من الوجع

لمار كانت اقعده ضمه رجليها ليها وبتعيط ..اخذت تقلب في الشات اللي بينهم وكلامهم لبعض ضحكهم وهزارهم اخذت تبكى بانهيار فاهى لا تعلم لما تغير معاها بهذه السرعه ?

اما عمر فاكان بيقلب في صوره هو ووتين اللي جمعاهم سوا واحلامه بزواج منها نزلت منه دمعه علي حالهم دلوقتي حاول الاتصال بها كثيرا ولكن في كل مره يتراجع فاهو لا يعلم ماذا يقول ?

اتي الصباح تحركت لمار نحو المرحاض وارتدت ثيابها وخرجت من غرفتها مما اثار دهشه والدتها

تحركت لمار دون ادني كلمه وجلست لتتناول وجبة الفطور

والدة لمار ..انتي كويسه

لمار ..اه كويسه

والدة لمار ..اتصالحتي مع عمر ولا ايه

لمار ..لا

والدة لمار ..اومال كويسه ازاي

لمار ..هو لازم علشان اكون كويسه لازم يكون عمر في حياتي لا مش شرط ولو بتسالي علي اللي بيني وبين عمر فادا بقا شئ منتهي واحنا مش هنرجع لبعض تاني

والدة لمار .. ليه يا بنتي

لمار ..هو هيخطب يا امي وبتهيالي مفيش سبب اكبر من كدا

تحركت لمار دون ان تتنتظر رد والدتها واتجهت نحو الشركه

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

اما عمر فانزل من غرفته

والدته ..مش هتيجي تاكل يا عمر

عمر ..لا شكرا مش عايز

والدته ..مالك يا عمر في حاجه

عمر ..انتي عارفه في ايه وعموما مش قادر اكلم علي الصبح في الموضوع دا انا رايح الشغل

خرج عمر من المنزل اما والدته فاوجدت زوجها ينظر اليها بغضب

محمد ..اللي بتعمليه دا غلط وانا ساكت بس علشان مقللش منك قدام ابنك

والدته ..بس هي بنت مناسبه

محمد ..لا مش مناسبه وانتي عارفه كدا كويس انتي عايزه تجوزيه وخلاص

والدة عمر ..ايوه عايزه اجوزه علشان اشوف احفادي

محمد ..يبقا تسيبيه يجوز اللي بيحبها

**تت والدة عمر وطلعت الي غرفتها وهي لا تقتنع بكلام زوجها

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

وصلت لمار للشركه ودخلت المكتب بتاعها وبدأت تكتب استقالتها

دخلت عليها نور بعصبيه ..لمار انتي بردو هتنفذي اللي في دماغك

لمار..اه يا نور انا همشي ورا اللي عقلي هيقولي عليه وبس

نور ..بس ليه دمري شغلك

لمار ..شغلي لو معاه يبقا هفشل

نور ..ليه يا لمار

لمار ..علشان مشاعرنا مش بايدينا يا نور علشان مفيش زورار هندوس عليه فاننسي ونتعامل عادي علشان قلبك اللي هيحنله مش بمزاجك علشان الحب بيوجع اكتر ما بيفرح وانا تعبت من الوجع ومعنديش طاقه اتوجع تاني اكتر من كدا

نور ..مش ممكن لما تقعدي معاه وتتكلموا تعرفي انه مظلوم

لمار ..اللي شوفته بعيني كفايه يا نور

اكملت لمار كتابه استقالتها وخدتها وراحت بيها مكتب

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

مروان ..في حاجه يا لمار

لمار ..عايزاك توصل الاستقاله ديه لعمر

مروان بصدمه ..استقاله ايه

لمار ..استقالة يا مروان انا مش هكمل شغل هنا

مروان ..لمار صدقيني عمر ....

قطعته لمار بحده ..مش عايزة اسمع مبررات هتسلمها ليه ولا انا اللي اسلمهالوا

مروان ..لا اديهالوا انتي

لمار ..تمام

خرجت لمار من المكتب ورزعت الباب وراحت مكتب عمر خبطت وبعدين دخلت حطت الورقه قدامه علي المكتب وكانت هتخرج

نظر سريعا عمر وقام بسرعه مسكها زقها قبل ما تخرج الباب وبقا محاصرها الباب من وراها وهو قدامها

خرجت شهقه منها مفاجاءه من ردة فعل عمر

لمار .. استاذ عمر لو سمحت ابعد شويه

عمر ..لا مش هبعد يا لمار.. احنا من ساعة لما عرفنا بعض واحنا بنقرب بس ليه دلوقتي عايزانا نبعد عن بعض

نظرت له بحزم ..مش انا اللي ببعد

عمر ..والاستقاله

لمار ..عادي مش حبه الشغل وصح مب**ك سمعت انك هتخطب الاسبوع اللي جاي

عمر ..لمار لو سمحتي مدخليش عواطفنا في الشغل انا مقدرش اكمل من غيرك

لمار ..وانا مش عايزة اكمل يا استاذ عمر

عمر ..استاذ..من امتي

لمار ..من دلوقتي يا عمر انا قدمت استقالتي وبتهيالي كدا خلاص كل شئ انتهي اشوف وشك بخير

زقته لمار بسرعه وخرجت تجري علشان متتضعفش قدامه

جلس عمر علي الكرسي بتعب ومن الضغط اللي عليه من كل النواحي مبقاش عارف يعمل ايه ويرضي مين

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

عند روان كانت تتحدث مع صديقتها نوران في الهاتف

نوران ..يا بنتي طالما هو مش طايقك كدا هتتخطبي ليه ليه

روان ..علشان فلوسه طبعا

نوران ..بس دا مش مبرر

روان ..هو حلو وغني وناجح ومشهور واهم حاجه بنسبالي وانتي عارفه عنده فلوس الباقي بقا مش مهم الحب دا مبقاش ياكل عيش

نوران ..يا بنت الأذينة دا انتي دماغك سم

روان ..ديه دماغ متكلفه مش زيك راكنها

دخلت عليها والدتها

سوزان ..روان يلا اقفلي تيليفون علشان ننزل نشوف هنعمل ايه في التظبيطات بتاعت الخطوبه

روان ..حاضر يا مامي..سلام يا نوران

اغلقت مع صديقتها وارتدت ثيابها ونزلت مع والدتها لتشتري الحاجات اللي نقصها

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

في مكان اخر كانت تجلس تتذكر ما حدث لها منذ ان ولدت

ولدت وتين في حي شعبي لأب سكري وكل يوم يجي هو وصحابه ويقضوا سارهتهم عندهم كانت وتين تري نظرات مقززه من اصدقاء والدها وممكن الامر يتتطاول للمس ووالدها ساكت من أجل المال

وعندما ترفض ان تخرج لهولاء الرجال كانت تتلقي الض*ب المبرح حتي ان تفقد الوعي

وتين بدموع ..يارب خلصني منه بقا ...انا عارفه ان دا اختبار بس اختبار صعب اووي والله انا طاقتي نفذت ساعدني يارب

اخذت تبكي حتي قطعها صوت والدها

عصام ..البسي واجهزي عايزك برا شويه

وتين ..انا تعبانه مش قادره اخرج

عصام ..تمام خليكي وانا هطلع امك

وتين ..لا خلاص هخرج انا

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

فاوالدتها مريضه قلب لان تستحمل كل هذا

روحت لمار البيت واخذت تبكي في حضن والدتها

لمار ..انا تعبانه اووي يا ماما تعبانه اووي

والدتها ..ياريت وجع قلبي دا فيا ومش فيكي يا بنتي

لمار ..بعد الشر عليكي يا امي ربنا ما يوريه لحد وجع قلوبنا دا صعب اووي يا ماما مكونتش اعرف ان الحب بيوجع كدا

والدتها ..حبيبتي مفيش حاجه كامله زي الحب ما بيدي بياخد البدايات دايما حلوة لكن النهايات اغلبها وحشه قولي الحمد لله وصدقيني بكرا ربنا هيعوضك عن وجع قلبك دا وهيجبر بخطرك علي كل دمعه نزلت من عيونك

لمار بدموع..يارب يا امي بس هو كدا هيخطبها هي وانا لا يا امي

والدتها ..هو اللي خسران يا قلب امك بس صدقيني الموضوع في حاجه غلط عمر بيحبك والتغير دا مش بساهل

لمار ..حتي لو كدا كان كلمني هو كان شرحلي هو مش ادخل اشوفه مع واحده في المكتب وتطلع في الاخر خطيبته

والدتها ..احنا منعرفش يا بنتي ايه اللي منعه فابلاش نظلمه كنتي اديتيلوا فرصه النهاردة يحكيلك ممكن يقنعك

لمار ..لا يا امي مفيش حاجه ممكن تغير رأي

دخلت لمار غرفتها واخذت تبكي فاهي مازلت تحبه

اما عمر فالم يذهب الي البيت اخذت والدته تتصل به عدت مرات حتي اجاب عليها بصوت مبحوح

عمر ..الو

والدته ..انت فين يا عمر قلقتني عليك يا بني

عمر ..انا مش كويس انتي السبب يا ماما انتي السبب

والدته ..سبب في ايه

عمر ..في وجع قلبي دا في بعدي عن اللي بحبها بعد ما لقتها ليه عايزة ت**ري فرحتي ليه هو انتي مبتحبنيش

والدته بدموع ..انا يا بني مبحبكش انا ليا مين غيرك انا بس عايزاك مبسوط

عمر ..وانا مش هكون مبسوط الا معاها يا امي واهي سابتني ومشيت من غير ما تسمعني

والدته ..انت ليه عايز تحسسي بتانيب الضمير

عمر ..علشان انتي ضيعتي احلامي ضيعتي كل حاجه كنت بخطط ليها معاها هي وبس وفجاه لقيت واحده تانيه ولا اعرفها ولا تعرفني مش شبهي حتي وعايزاني اجوزها بس علشان تشوفي عيالك امي انتي مش عايزة مصلحتي انتي بدوري علي اللي يريحك انتي مش انا

والدة عمر بدموع ..قولي ايه اللي يريحك وانا هعملهولك يا بني

عمر..تعرفي يا امي ترجعي الماضي..لو تعرفي يبقا هو دا اللي عايزه يا امي

**تت والدة عمر واخذت تفكر كيف ستصلح العلاقه بينه وبين لمار

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

في اليوم التالي كانت تركب السياره وتذهب في اتجاه منزل لمار

كانت تجلس تبكي كعادتها في هذه الأيام ولكن قطعها صوت جرس الباب فتحت الباب والدة لمار

والدة لمار..مين حضرتك

والدة عمر ..انا مامة عمر

نظرت لها بحزن ..اتفضلي

والدة عمر ..هي لمار موجوده

والدتها ..اه موجوده بس هي قفله علي نفسها مبتكلمش مع حد من ساعة لما استقالة من الشركه

والدة عمر ..نعم استقالة تذكرت حالة ابنها البارحه فاهو لم يأتي للبيت

والدة لمار ..هو كان في حل تاني طيب

والدة عمر ..انا السبب

والدة لمار ..نعم ازاي

بدأت تسرد لها كل ما حدث خلال هذه الفتره ..انا والله كنت متخيله اني بعمل كدا لمصلحته معرفش اني كدا بضره لو كنت اعرف مكونتش وجعت ابني وبنتك بشكل دا

والدة لمار ..هي يا عين أمها منهاره جوه ومش راضيه تصدق اي حاجه غير اللي شافته بعينها

والدة عمر ..طيب ممكن أدخلها جوا يمكن اعرف أقنعها

والدة لمار..طبعا اتفضلي

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

دخلت والدة لمار وعرفتها ان مامت عمر برا وعايزة تدخل تقا**ها

دخلت والدة عمر واعجبت جدا بالمار برغم شحوب وجهها الا انها مازلت محتفظه بملامحها الهاديه الجميله

والدة عمر بدموع حزن علي حالتها اللي وصلتلها ..انا اسفه يا بنتي سامحيني بس انا ام زي اي ام اهم حاجه عندها انها تشوف ابنها مجوز وعنده عيال فالما لقيته محكاش ليا عنك ولا قالي انه بيحبك اختارت ليه عروسه علشان اشوف احفادي قبل ما اموت

لمار ..بعد الشر عليكي

ابتسمت والدة عمر ..وكمان قلبك ابيض واحده مكانك مكانتش حتي قبلة تشوفني

لمار ..لا طبعا انا مش بغلط هو انا شوفته بعيني وهو والبنت ديه قريبين من بعض اووي واللي يشوفهم يقول بيحبهم

والدة عمر ..هي بس محسوكه شويه وهو جه حكالي وقالي هي عملت كدا غصب عنه وهو معرفش يمنعها صدقيني ابني طيب اووي مبيعرفش يحرج حد اووي

لمار ..وعيوني اللي شافتهم

والدة عمر..اوقات العيون بتشوف حاجات غلط واوقات احنا اللي بنخلي العيون تشوف غلط ممكن غرض في دماغنا ممكن شك ممكن وسواس وخوف انه ي**نك

لمار ..ممكن

والدة عمر ..انا السبب وزي ما حكتلك عمر كان رافض وابني مرجعش البيت امبارح علشان سبتي الشركه مقدرش يروح وانا متاكده انك لو روحتي الشركه دلوقتي هتلاقيه اقاعد في مكتبك بيبص علي حاجتك

عمر بيحبك اووي فوق ما تتصوري سامحيه يا بنتي ارجوكي متشايلنيش ذنبوكم

لمار ..طيب وروان ديه هنعمل ايه

والدة عمر .. سيبيها عليا مش انا اللي كنت السبب وانا بردو اللي هصلح الموضوع انتوا متشيلوش هم

لمار ..تمام هفكر

والدة عمر ..اه يا سوسه الواد تلاقيه يا حبة عيني هيموت عليكي وانتي هنا اقعده تقوليلي هفكر يلا قومي شوفيلك طقم حلو وتجري علي الشركه واوعي تتنزلي عن حاجه انتي بتحبيها وشايفها من حقك بذات لو الشخص التاني بردو بيبادلك الشعور دا

لمار ..عندك حق يا طنط

والدة عمر ..لا طنط ايه بقا احنا بس نصلح حوارك انتي وعمر ونيجي نتقدم وتقوليلي يا ماما

ابتسمت لمار بفرح ..حاضر يا ماما

والدة عمر ..طيب يلا اجري البسي

تحركت لمار وذهبت نحو المرحاض واخذت دش دافء ومن ثم خرجت ارتدت بنطال وشميز ابيض وسيبت شعرها وحطت ميكيب خفيف وطلبت اوبر ونزلت تجري تروح الشركه

اما عن ام عمر وام لمار فاتصاحبوا واقعدوا يكلموا وينموا عليهم

ومن ثم تحركت والدة عمر نحو فلة سوزان اللي تبلغها بالغاء الخطوبه

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

سوزان ..اهلا يا حبيبتي شرفتي

والدة عمر ..يزيد فضلك

نزلت روان وسلمت علي والدة عمر بخجل مصطنع ..ازيك يا طنط

والدة عمر ..الحمد لله يا حبيبتي بس بلاش طنط ديه بتجبلي قارشة نفس

روان ..اومال اقول لحضرتك ايه

والدة عمر ..قوليلي يا ام عمر عادي

روان في نفسها ..بيئة اووي

روان .. حاضر يا طن..قصدي يا ام عمر

والدة عمر ..ايوة كدا يا حبيبتي

سوزان ..المهم خير حصل حاجه

والدة عمر..انا جيت بس اعتذر وابلغك اننا مش هنقدر نتمم الخطوبه

سوزان بزعر ..نعم ليه

والدة عمر ..ابني بيحب واحده تانيه وانا مقدرش افرقهم عن بعض والغلط من عندي انا وانا بعتذرلكم

سوزان ..هو لعب عيال ولا ايه

والدة عمر ..انتي عارفه ابني مش بيلعب ومن يومها وهو واضح وص**ح انه مش طايق بنتك بس بنتك بقا اللي لازقه وقولت معلش امشي الجوازة وخلاص بس ابني طلع عنده حق هي لا تطاق

سوزان ..ومالها بنتي يا عنيا

والدة عمر ..عايزة تربيه من جديد وعموما انا مش هقعد اتنقاش معاكم كتير ولو علي الشبكه اعتبريها هديه مننا مش عايزين حاجه يلا سلام

خرجت والدة عمر وهي تحمد ربنا انها خلصت من العيله ديه

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

اما في الشركه كان عمر ينام في مكتب لمار دخلت لمار المكتب وابتسمت بحب ووضعت يدها علي شعره فافاق من نومه

عمر ..لمار انتي هنا ولا انا بحلم

لمار ..لا انا هنا

وقف عمر واحتضنها فجأه ..لمار انا مش مصدق نفسي انا بحبك

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

انتهي البارت اتمني اعرف توقعاتكم ورايكم فيه

واستنوا البارت الجاي بكرا ان شاء الله اتمني تشاركوني رأيكم واللي تقروا بقيت رواياتي بحبكم جدا

روايه / وتين

للكاتبه / اسراء محمود