وتين?

الفصل التاسع

الفصل التاسع

وقفنا الفصل اللي فات لما لمار دخلت ولقت عمر نايم في مكتبها اقتربت منه ووضعت يدها علي شعره فافاق من نومه

عمر ..لمار انتي هنا ولا انا بحلم

لمار ..لا انا هنا فعلا انت مبتحلمش

وقف عمر واحتضنها فجأه ..لمار انا مش مصدق نفسي..انا بحبك اووي والله و ....

لمار ..هششش مامتك حكتلي كل حاجه

عمر بصدمه ..مامتي

لمار ..اه جت وشرحتلي كله وهي اللي اكدتلي انك هنا

عمر .. مكونتش متوقع الصراحه يعنى انتى مسمحانى

لمار بمكر ..هفكر

عمر ..لا مفيش تفكير انا مش هقدر استنى تانى اكتر من كدا

لمار ..بمعنى

عمر بضيق ..انا تعبان اووى وهى مش حاسه بيا

لمار باستغراب..هى مين ديه إللى مش حاسه بيك

عمر بضيق ..حتى وهى بتسأل غ*يه ومش فاهمه

لمار باستغراب ..انت بتكلم كدا ليه انا مش فاهمه حاجه

عمر بضيق .. لحد دلوقتى مش فاهمه يا لمار

لمار ..مش فاهمه ايه

عمر بتنهيدة ..مش فاهمه انى بحبك من اول يوم شوفتك فى عند الأسانسير وخ*فتينى بعيونك دول من اول يوم وانا بحبك ومش قادر اشيلك من دماغى من اول يوم وانا بفكر فيكى حاولت انساكى كتير بس مقدرتش قولت ممكن يكون حب صداقه بس لا انا بحبك ودايما شايفك حبيبتى بس شكل ان دا حب من طرف واحد والايام ديه اكدتلى انى ولا حاجه بنسبالك

على العموم انا فرحان اني اتعرفت على واحده زيك وبقت صديقه ليا وكان نفسي يبقا الشعور مش من طرف واحد انا اسف انى .....

لمار كانت مصدومه انوا بيبدلها نفس الشعور بس لما لقتوا بيقولها اسف انى وهى عارفة التكامله حطت ايديها على شفايفوا

لمار بحب..عمر دا مش شعور من طرف واحد انا كمان بحبك ومعجبه بيك من اول يوم شوفتك فيه انا بحبك يا عمر

وكنت خايفه انك تكمل مع روان وانا اكون ولا حاجه بنسبالك

عمر بصدمه..بجد بتحبينى يا لمار

لمار ب**وف..ايوة بحبك وبطل ت**فني بقا

عمر شدها لحضنوا ولف بيها ..بحبببببك

لمار ب**وف..نزلنى يا مجنون كدا عيب احنا فى المكتب

عمر وهو بيحط ايدوا على شعروا..اة صح انا اسف بس مش قادر امسك نفسي بقولك ايه انتى لازم تتصلى بباباكى وتاخدى منوا معاد بسرعه

لمار بصدمه..ايه اخد معاد من بابا بسرعه ديه

عمر ..اة هستنى ليه كفايه انى استنيت ٣ شهور مش هقدر بعد كدا وانا مجنون وممكن اخ*فك

لمار بصدمه ..بس بابا مسافر

عمر ..لا لازم ينزل فى اقرب وقت لا مش هقدر والله

لمار ب**وف ..خلاص حاضر هكلموا بليل

عمر ..بليل ايه اقولك هاتى رقموا انا هكلموا حالا

لمار ..استنى يا مجنون بس

عمر ..لا مفيش،استنى هاتى الرقم وخد الرقم وكلم باباها

عمر ..الو يا عمى

أمجد بابا لمار ..مين حضرتك

عمر ..انا عمر السيوفى صاحب شركه السيوفى إللى بنت حضرتك بتشتغل فيها

امجد ..اهلا وسهلا بيك يا بني في حاجه

عمر ..كنت عايز اطلب طلب من حضرتك واتمني مترفضش

أمجد..اتفضل يا بنى

عمر ..انا عايز اجوز بنتك

أمجد بصدمه ..نعم

عمر ..ايوة عايز اجوزها ولازم حضرتك تنزل بسرعه بدل والله ما خ*فها

أمجد..ايه تخ*ف مين

عمر ..اسف بس والله انا بحبها ومش قادر استنى اكتر من كدا

أمجد ..خلاص اول الشهر إللى جاى هنزل ونتفق

عمر ..نعم اول الشهر ايه لا ما ينفعش

أمجد ..هو ايه إللى ما ينفعش

عمر..بص يا عمى قدامك 48 ساعه وتكون قدامى مش هقدر استنى اكتر من كدا ياما هجبها واجيلك

أمجد..يا بنى اهدى عليا مستعجل ليه ما هي اقعده اهي هي هطير

عمر ..خير البر عاجلهُ ارجوك جوزنى بقا ممكن تطير فعلا

أمجد ..خلاص هنزل كمان يومين طالما لمار موافقه نخلى الخطوبه اخر الشهر ومتقوليش متاخر هو حلو كدا

عمر ..خلاص تمام يا عمى سلام

امجد ..سلام

? ? ? ? ? ? ? ? ? ? ? ? ? ? ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

عمر وهو بيقرب من لمار..اخيرا هتبقي بتاعتى

لمار ب**وف وتوتر ..ايه إللى انت عملتوا دا

عمر ..انا كنت هموت بس علشان تقولى بحبك وخلاص قولتيها نجوز بقا والله انا كدا هعنس يا ناس

لمار ب**وف ..خلاص اهو بابا هينزل ونبقا نتخطب

عمر ..اة اخيرا

لمار ب**وف ..همشي انا بقا اكمل شغلى

عمر ..شغل ايه لا انا هوصلك البيت واروح انا كمان يلا

وخرجوا لقوا الشركه كلها بتف*ج عليهم لا وكمان كانوا سامعين كل حاجه ونور ومروان واقفين يضحكوا علي جنانهم

عمر شد لمار ومشيوا بسرعه ناحيه العربيه

عمر ..بتعرفي تجري

لمار باحراج..اه

عمر ..اجري يا مجدي قصدي يا لمار

جريوا فعلا ناحية العربيه

عدى يومين وجه بابا لمار واتفقوا ان الخطوبه وكتب الكتاب اخر الشهر بعد إصرار عمر انها تبقا كتب كتاب كمان

? ? ? ? ? ? ? ? ? ? ? ? ? ? ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

مروان وهو بيبص لنور ..ايه مش ناوي تحن يا جن بقا

نور .. احن وجن بيئه اووي ?

مروان ..انا بيئه يا ست نور سبنالك الإتيكيت ? ?

نور ..قفوش اووي انت يا ميرو

مروان ..ايه ميرو ديه ?

نور ..مش انت قولتلي اول ما جيت الانترفيو قولتلي او قوليلي ميرو .

تذكر مروان اول مقا**ه ليهم

فلاش باك

نور اول ما دخلت ومروان رفع رأسه وشافها فضل باصص عليها وسرح فى جمالها

نور ..يافندم انا دخلت .... يا كابتن انا دخلت ..يا بنى هو انت قطعت إرسال ولا ايه...طيب قولي اعمل ايه علشان الارسال يرجع تاني .

مروان فاق واحرج من نفسه..اتفضلى حضرتك

جلست نور بعصبيه

مروان بدون ان ينظر الي الc.v ..حضرتك مقبوله فى الشغل

نور بصدمه ..نعم وحضرتك مش هتشوف c.v بتاعى

مروان ..حتى لو شوفته انتى مقبوله فى الشغل خلاص

نور في نفسها ..دا ع**ط دا ياربي ولا ايه .

نور ابتسمت ..شكرا لحضرتك

مروان بهيام..حضرتك ايه بس انا مروان او ممكن تقوليلى يا ميرو

نور وشها احمر من الغضب .. هي وصلت لميرو عن إذن حضرتك انا مش جايه اهزر دا ايه الق*ف دا

مروان ..استنى بس انا اسف ....والله مكانش قصدي حاجه

نور وهي تذكر نفسها انها بحاجه الي هذا العمل ..خلاص حصل خير

مروان ..هشوفك بكرا صح

نور ..ان شاء الله

اتجهت نور الي الخارج وهي مندهشه من هذا العبيط

انتهي الفلاش باك

? ? ? ? ? ? ? ? ? ? ? ? ? ? ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

نور ..هاا افتكرت

مروان ..احم اه

نور ..كنت ع**ط اووي ساعتها انا بعدها اقعدت اتنمر عليك

مروان ..شكرا يا رجوله ديه اخرتها

نور ..ما انت اللي كنت واقع اووي

مروان ..ما بسببك

نور ب**وف ..طيب انت عايز ايه دلوقتي

مروان ..تيليفون باباكي واجي اخطبك بقا ونخلص

نور..لا مش دلوقتي احنا لسه بندرس بعض

مروان ..نعم يا اختي ندرس ايه بقالنا ٣ شهور ولسه بندرس بعض اه ياني ياما

ضحكت نور علي منظره

مروان ..ايوة كدا ايه الضحكه الجامده ديه

نور بخجل ..ميرسي

مروان ..بردو مش هتخليني اقابل باباكي

نور ..لا مش دلوقتي انا لسه مش جاهزه

ابتسم مروان لها بحزن فاهو يشعر بأنها لا تريده

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

عمر ..انا مبسوط اووي يا لمار ان خلاص كلها شهر وتبقي مراتي

لمار ببتسامه ..لا لاحظ ان كتب كتاب مش فرح يعني بلاش العشم الزيادة دا

عمر .. بس قدامي ربنا هتكوني مراتي

لمار ..طيب اتلم بقا شويه

عمر ..حاضر هتلم اهو يكش تحسي باللي حاسس بيه بقا

لمار..انت اللي فظيع بجد ايه السرعه ديه

عمر ..علشان بحبك

لمار ..وانا كمان بحبك

سمعوا صوت مروان وهو بيقولهم ..يلا ناخد صوره نوثق بيها اليوم دا ابتسموا كلكم يلا

كلوا بدا يبتسم والصوره اتخدت

انتهي اليوم وعمر استاذن والد لمار انه ياخدها ويخرجوا

دخلت لمار المطعم لقته فاضي ومليان ورود وبلالين

لمار ..ايه دا المطعم فاضي

عمر ..ما انا حجزته لينا احنا بس

ابتسمت له لمار ومن ثم دخلوا وجلسوا علي الطاوله واتي لهم النادل وطلبوا الاكل

عمر ..تعرفي يا لمار انا نفسي اخدك معايا وانا مروح ما سبكيش لحظه واحده

لمار ..انا اللي نفسي اقضي عمري كله جنبك دايما بحس ان عمري قصير ومحدود وانه هيخلص بسرعه من غير ما احقق كل اللي بتنمناه

عمر ..متقوليش كدا تاني احنا اهو سوا وهنحقق كل اللي نفسنا فيه واحنا مع بعض

لمار ..انا حققت حاجات كتير اووي وخلاص يا عمر مش عايزة حاجه تاني

عمر ..ارجوكي بطلي كلام في الموضوع دا لاني بزعل يرضيكي ازعل

نفت لمار ..لا طبعا

عمر ..يبقا نتبسط يلا نقوم نرقص ?

اشتغلت اغنيه وبدأ عمر ولمار يرقصوا بجنون عليها

مر اليوم بسعاده وعمر وصل لمار للبيت وروح بعد كدا بيته

مروان نشر الصوره وعمل اشاره لعمر ولمار وطبعا اللي شافتها كانت روان وكانت بتغلي من الغيره والحقد ?

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

مر يومين والحال رجع تاني زي الاول ولمار وعمر نزلوا الشغل

كانت لمار تجلس في مكتبها فالقت محمد زميلها داخل من غير استاذان

لمار ..خير يا محمد حصل حاجه

محمد ..لا خير يا استاذه بس في حاجات غلط في الت**يمات

لمار ..وريني كدا

قربت منه علشان تشوف الت**يمات

كان عمر اقاعد فى المكتب وكان بيشتغل

افتكر انوا مشافش لمار انهاردة فكر يروحلها

عمر راح ناحيه مكتب لمار لقاها واقفه مع المهندس محمد إللى ماسك قسم المراجعه على الت**يمات

ولقا ان محمد قريب جدا من لمار وعمال يهزر معاها وهى بتضحك

لمار ..تاني مره اهدي شويه بلاش توتر زيادة

محمد وهو بيضحك..مش عارف اقولك ايه يا استاذه انتي بجد انقذتيني

لمار..لا قولي لمار بس بلاش المسميات ديه

محمد ..تمام يا لمار

عمر اتغاظ جدا ودخل المكتب عليهم

عمر ..ايه هو مش وراكم شغل

محمد باحراج ..لا ورانا بس كنت بورى لمار بعض التعديلات فى الت**يم الجديدة

عمر ..نعم لمار كدا من غير استاذه

لمار بمقاطعه ..انا اللي طلبت منه كدا

عمر ..تمام اتفضل على شغلك وانتى يا لمار عايزك

لمار بتوتر ..تمام يا فندم

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

عمر راح مكتبوا وكان مضايق جدا وحس ان محمد ممكن يكون معجب بالمار وعلشان هما لسه ملبسوش الدبل بقا ممكن فاكر انه مفيش حاجه بينهم

عمر ..ورينى الت**يمات ديه هضيف عليها بعض الملاحظات

لمار ..اتفضل

عمر كان باين على وشوا الضيق

ولمار لحظت

لمار ..مالك يا عمر مضايق ليه

عمر بضيق..مفيش

لمار ..لا في مالك احنا مش متعودين نخبي على بعض حاجه

عمر ..الواد السمج دا ميقربش منك تاني

ضحكت لمار بصوت عالي ..ايه يا بطه بتغيري

عمر ..لمار بس بطه ايه ووزة ايه انا بكلم بجد

لمار ..بس تصدق شكلك حلو اووي وانت بتغير

عمر ..عجبك يعني يا اختي

لمار ..اه واووي كمان

عمر ..طيب يلا علي شغلك وزي ما قولتلك ملكيش كلام معاه تاني

لمار ..بس يا عمر

عمر ..ما بسش يلا اسمعي الكلام

لمار ..اووف حاضر

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

انتهي اليوم ونور روحت البيت بس كانت الصدمه لقت مروان اقاعد مع باباها

رفعت حجبها باستنكار ..ايه اللي جابك هنا

والد نور ..في ايه يا بنت اتلمي في حد يكلم عريسه كدا

نور ..نعم عريس مين

مروان بفخر ..انا

نور ..دا عريس نص لبه

مروان ..انا نص لبه

نور ..اومال فاكر نفسك ايه جاكي شان

مروان ..لا البه كلها ?

ضحكت نور وعيلتها ..

مروان ..شوفتي وكمان فرفوش هتلاقي عريس زي فين بس يضحك كدا زي ? ?

نور..حوش التواضع اللي بيشر منك دا ?

مروان ..طيب ما تاخديلك حبه

نور ..خفه

مروان ..طبعا يا بنتي دمي خفيف مش زيك دمك سم

نور ..طالما دمي سم جاي تجوزني ليه

مروان ..علشان انا بحب السم بعشق السم بموت في السم

ا**فت نور وباباها ضحك ورد علي مروان ..خلاص يا مروان انا مش هلاقي عريس زيك لبنتي

نور ..بابا انا لسه مقولتش رأي

والد نور ..قال يعني هترفضيه يعني ما انتي واقعه علي بوزك والكل عارف

نور ..بابا

والد نور ..بلا بابا بلا زفت بقا خلينا نخلص منك بقا

نور ..اهلي بيحبوني اووي واضح طبعا

ضحك مروان ..اووي اووي ..ثم نظر الي والدها..بس انا عايز اعمل خطوبه وكتب كتاب الشهر اللي جاي مع عمر ولمار

والد نور ..انا معنديش مانع لو عايز تاخدها من دلوقتي متغلاش عليك

مروان ..انتي عملالهم ايه هنا

نور ..انا دا انا بريئه انا ملاك كدا يتحط علي الجرح يطيب بس هما اللي مش مقدرين يا مروان يا اخويا

ضحك مروان ..باين انك بريئه وملاك

والد نور..ايوة زي ما بتقولك كدا خدها بقا وربنا يقويك ابقي طمني عليك كل شويه

مروان..قصدك اطمنك عليها

والد نور ..لا اطمن عليك انت هي ميتخافش عليها يتخاف منها

ضحك مروان ونور وقروا الفاتحه وتحدد موعد كتب كتابهم مع لمار وعمر

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

بعد رحيل مروان

نور كلمت لمار

نور..شوفتي جه واتقدم

لمار ..انا كنت عارفه

نور ..يا ندله ومقولتليش

لمار ..علشان تكون مفاجأه يا ع**طه

نور ..كنتي قولتيلي وانا كنت هعمل نفسي متفاجئه

لمار ..والله انتي مجنونه المهم

احكيلي ايه اللي حصل

بدات نور في سرد ما حصل تصاحبها ضحك لمار

لمار ..الصراحه باباكي عنده حق

نور ..حتي انتي يا لمار

لمار .. اكدب يعني واخش النار

نور ..لا يا اختي متكدبيش

لمار ..طيب هتعملي ايه دلوقتي

نور..هطلع اخلص علي الحج اللي برا بعد ما فضحني

لمار ..ربنا معاكي يا استاذه ريا قصدي يا نور

نور.. بابااااااااااااااااا...سلام بقا

لمار ..الله يكون في عونك يا حج كنت انسان طيب والله

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

اما عند روان فاكانت تتحدث مع احد ما في الهاتف بسريه

روان..عملت ايه قولي

محمد .. قربت منها النهاره وعمر بدأ يغير وعلي حسب ما فهمت انه نبه عليها متتكلمش معايا تاني

روان ..كمل علي كدا انا عايزه في اقرب فرصه يسيبوا بعض

محمد ..تمام بس اهم حاجه الفلوس توصلني

روان ..متخافش كل اللي انت عايزه هديهولك

محمد ..خلاص تمام بس انا عندي سؤال هو انتي ليه بتكرهيها كدا

روان ..علشان خدته مني واللي بياخد مني حاجه بندمه علي اليوم اللي عرفني فيه

محمد ..اخ تمام ليكي حق الصراحه

روان ..يلا بقا كفايه اسئله وفكر هتعمل ايه

حاول محمد انه يقرب من لمار بس كان كله بدون جدوه وفشلت كل محاولاته لانها اغلب الوقت مع عمر

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

مر الشهر سريعا وجه اليوم المنتظر اللي استنوه كتير اووي

عدى الشهر وجه يوم كتب كتاب لمار وعمر ونور ومروان

فى الوقت دا صحيت بطالتنا الجميله وقامت صلت وجهزت علشان تروح الفندق إللى هيتعمل فيه كتب الكتاب

فى الوقت دا دخلت عليها نور

نور ..هااا خلصتى يا لمار حاجتك

لمار بتوتر ..اة بس ناقص الفستان مش عارفة مين هيجيبوا من الاتيليه

نور ..انا كلمت مروان امبارح وهو قالى ان الفساتين كلها هتروح على الفندق هناك فامتشيليش هم

لمار..خلاص تمام استنى أكد على بقيت حاجتى

نور ..يا بنتى اخلصي ورانا مليون حاجه ولسه قدامنا سفر مش حضرتك طلبتى كتب الكتاب لازم يكون قدام البحر معرفش ماله يعني لما كان يبقا في البيت والمأذون واتنين شهود وخلاص بخ احنا ناقصين وجع دماغ

لمار..اه دا كان حلمى ولازم احققوا يا نور كتير عليا انى احقق حلمى

نور ..لا يا ستى مش كتير يلا بقا هنتاخر

لمار ..مستعجله انتى على الجواز اووى

نور بملل..جدا يلا بقا

لمار . يلا يا ستي

ونزلت لمار ونور وراحوا على أشهر فندق فى اسكندريه قدام البحر

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

عند بطالنا قام من النوم وجهز ونزل لقا مروان قاعد بياكل

عمر ..صباح الخير يا بابا صباح الخير يا ماما

محمد ..صباح النور يا عمر يا بنى ايه الجمال دا

والدة عمر ..صباح الجمال علي عيونك يا حبيبي

عمر ..ديه اقل حاجه عندي يا حج

مروان ..يالهههوى على التواضع بتاعك يا بنى هتتحسد من كتر التواضع

عمر ..ملكش دعوه انت خليك فى اكلك اطفح يا اخويا اطفح

مروان ..فعلا الاكل تحفه اووى انهاردة تسلم ايدك يا حبيبتي

والدة عمر ..تسلم يا حبيبي بالهنا والشفا

عمر ..يا بنى انت على طول همك على بطنك كدا دايما لا وكمان اقاعد تغازل غي امي

مروان ..اة وملكش دعوه انا وامك حريين مش كدا يا قمر

والدة عمر .. ايوة خرج نفسك انت بقا منها

عمر ..بقا كدا ماشي

محمد ..كفايه خناق مع بعض واقعد كل يا بنى

عمر ..لا مش قادر يا بابا وبعدين هنتاخر كدا يلا يا مروان هنتاخر

مروان ..استنى بس اخلص اكلى

عمر ..يلا بدل ما اقومك بمعرفتى

مروان..لا خلاص اهو قايم

وركب عمر ومروان العربيه وطلعوا على الفندق

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

فى الوقت دا كانت لمار ونور وصلوا الفندق وطلعوا الجناح بتاعهم

لمار دخلت لقت فستانها محطوط على السرير والبنت بتاعت الميكب ارتست وصلت

نور بهمس ل لمار ..ازاى كل حاجه وصلت فى الوقت دا دا مفيش حاجه ناقصه

لمار ..يا بنتى احنا مش هنجوز اى حد دا عمر السيوفى ومروان صاحبه فاهمه يعنى ايه

نور ..فاهمه وعارفة واحنا مش اى حد بردو

لمار ..صح يلا بقا نجهز

نور ..لا استنى اكل سندوتش

لمار ..هو انتى مش هتبطلى اكل

نور ..لا مش هبطل دا انا ممكن اموت من الجوع

لمار ..خلاص اقعدى كلى وخلصينا لس متقليش في الاكل اووي علشان نخلص

نور ..لا متسربعنيش لو سمحتي سيبيني اكل براحتي

لمار..كلي يا اختي يا عيني عليك يا مروان هتاخد مصيبه سوداء

نور ..بتقولي حاجه يا لمار

لمار ..لا مش بقول انا عايزه اجوز يا حبيبتي مش مستغنيه عن عمري

نور ..ايوة بحسب

بدات لمار تجهز الاول ونور اقعده بتاكل .

سمعت لمار صوت رساله وصلتلها فتحت التيليفون و .....

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

خلص البارت اتمني اسمع رايكم وتوقعتكم بحبكم جدا واستنوا الروايه بكرا ان شاء الله.

الخاتمه

الحب مش كلمه بتتقال من اربع حروف فقط هو فعل هو تقبل الشخص اللي قدمنا بكل اخطاءه وعيوبه نشوف مميزاته يكون في ترابط قوي بنهم واهم حاجه يكون في ثقه ونكون جاهزين لمرارة الحب زي ما احنا دايما جاهزين للذته ?

روايه / وتين ♡

للكاتبه / اسراء محمود ♡