"AYAW ba talagang sabihin ni Kuya Rain kung ano ang ginawa niya kung bakit iyak nang iyak ang mommy mo?" tanong ni Mia kay Renny.
Nagkaroon na naman siya ng pagkakataong tumakas at nagtagpo sila ni Renny sa gubat.
"Ang sabi ni Kuya sa akin ay may kasalanan lang daw siya sa school na ikinagalit ng professor niya. Pero parang hindi ako naniniwala na ganoon ang nangyari. Kasi kakaiba ang iyak ni Mommy. Parang may mas malalim pang dahilan," ani ni Renny.
Magkahawak-kamay sila habang binabaybay ang daan sa gilid ng ilog.
"Tinanong mo na ba sa mommy mo kung bakit?"
"Oo, pero walang exact answer na natanggap ko. I mean, dahil may ginawa raw na hindi maganda si kuya sa school. Hindi lang ako kontento sa sagot nila."
"Hayaan mo na lang muna. Malalaman din natin iyon kapag tumagal. Ako nga rin
