SINAMANTALA ni Mia ang pagkakataon na wala ang mga magulang niya. Dinahilan niya ang pagtatampo niya sa mga ito para huwag siyang guluhin sa kaniyang kuwarto. Pero tumakas siya sa pamamagitan ng bakod sa likod ng bahay nila. Nataon din na hindi pumasok ang hardinero nila.
Nakipagkita siya kay Renny sa kanilang tagpuan. Nag-aalala naman si Renny baka bigla siyang hanapin sa bahay nila.
"Hindi nila ako hahanapin. Alam ng lahat kung gaano kasama ang loob ko dahil sa ginawa ng mommy ko," giit niya.
"Bakit, ano ba kasi iyon?"
"Matutuloy ang flight namin papuntang New York. Pero ayaw ko. Mas gugustuhin ko pang lumayas at mamatay sa labas kung ganoon man lang ang plano nila."
Nabalisa si Renny na nakatitig sa kaniya.
"Paano iyan? Masasayang ang ibinayad nila sa ticket at sayang ang pagka
