MALAKI ang pasasalamat ni Mia dahil sumang-ayon si Marta sa kaniya. Alam niyang madadamay ito kapag nalaman ng mommy niya ang paghiling niya ng opinyon mula kay Dr. Rena. Pati si Lora at nakisama na rin sa kanila ni Marta.
Pero si Rena ay nagdadalawang-isip pa kung pagbibigyan nga siya nito. Nais ni Rena na tulungan siya pero kailangan muna nitong makausap kahit isa sa mga magulang niya.
"Si Daddy na lang po, mas madaling kausap. Siguradong hindi magugustuhan ni mommy itong gagawin ko," aniya kay Rena.
"Hayaan mo, kapag may pagkakataon kakausapin ko siya," tugon ng ginang.
Bumalik muna sina Marta at Lora sa ganapan ng party. Hindi rin nagtagal ay nagpaalam si Rena sa kaniya dahil babalik ito sa ospital. Niyaya siya ni Renny para maglakad-lakad sa hardin hanggang sa makarating sila s
