GULAT na gulat si Renny nang mahimatay si Mia sa harapan niya. Kaagad kasi niya itong tinungo sa likuran ng bahay nila matapos nitong i-text sa kaniya niya pupunta ito. Nataranta siya ngunit maagap niya itong binuhat at itinakbo sa loob ng bahay nila.
Tamang-tama na naroon ang mga magulang niya. Naabala ang hapunan nila. Tinulungan na siya ng daddy niya para maipasok sa clinic si Mia.
Lumiksi ang kilos ng mga magulang niya habang nilalapatan ng agarang lunas si Mia. Labis naman ang pag-alala niya at pinipigilang mangilid ang mga luha. Wala rin naman siyang magagawa dahil hindi niya alam ang gagawin.
"Mom, Dad, please save her!" matinding pakiusap niya sa mga magulang niya.
Hindi na niya malaman ang gagawin kaya ay ipinaubaya na lamang niya sa mga ito.
Walang malay na nakahiga si Mi
