Isang bagay lang ang ninanais ko sa panahong ito. Ang bumagal ang oras para mas matagal ko pang makasama si Raphael.
Hindi na namin pinag-usapan pa ang tungkol sa aming dalawa. O ang nalalapit naming paghihiwalay. Babalik kami sa dati. Isang bagay na mahirap tanggapin at gawin ngunit kakayanin ko. Kakayanin ko para kay Raphael.
Katatapos lamang namin mag-dinner. Nasa terasa ako at nakatanaw sa malayo. Naramdamn ko ang presensiya niya sa aking likod ngunit nagkunwari akong hindi siya napansin. Niyakap ko ang aking sarili dahil sa papalamig na simoy ng hangin.
Napapikit na lamang ako nang maramdaman ko ang kanyang mga braso na pumulupot sa aking katawan. Ang kanyang baba ay itinukod niya sa tuktok ng ulo ko.
"Malalim ang iniisip mo?"
Hindi ako sumagot. Baka kasi maiyak ako. Ayaw kong
