Liegh
Nakatulog nga si Raphael pagkatapos niyang magbihis. Ako naman ay nagpasyang magluto ng magiging hapunan namin. Alam kong gugutumin siya pagkagising.
Bago ako makapunta sa kusina ay nadaanan ko muna ang sala. Doon ay nahagip ng mga mata ko ang gamot na ininom kanina ni Raphael. Hindi pamilyar ang pain reliever na iyon sa akin kaya naman naging kuryoso akong kinuha at binasa ang nilalaman noon.
Napanguso ako dahil pain reliver nga lamang talaga iyon. Dala ko ang gamot ni Raphael ay ibinalik ko iyon sa medicine cabinet. Pagkatapos ay nagtungo sa kusina para inilabas ang balak lutuin para sa hapunan.
Nakakita ako ng manok sa freezer. Magluluto na lamang ako ng congee o arozcaldo. Ewan ko kung kumakain ba si Raphael ng ganoon pero mas maganda na itin ang kainin kapag may dinaramdam.
