Hinang hina akong sumakay ng taxi pauwi. Alas diyes na ng gabi at alam kong nag-aalala na ang mga tao sa bahay. At si Rapha? Baka umiiyak na iyon dahil wala pa ako. Unang beses na ganito ako ka-late umuwi kahit nag-text na ako.
Napapikit ako at nahihiya pa rin sa sarili. Bumigay ako! Bumigay ako kay Rafael at pinagkamalan siya ang kapatid niya. Isang kasalanan dahil lalo kong dinagdagan ang sama ng loob niya. Para bang sinabi kong walang makakapantay sa kapatid niya. Isang kasalanan dahil tila pinagtataksilan ko ang isang tao.
Ipinilig ko ang aking ulo. Wala naman talagang makakapantay kay Raphael sa puso ko. Wa...la...
Kalalabas ko lamang sa taxi nang mamataan ko si Ken na mabilis at malalaki ang mga hakbang palapit sa akin.
"What are you doing? Bakit ngayon ka lang?" galit siyang tu
