Pinuno ko ng hangin ang aking baga at marahas na bumuga. Palabas na kami sa NAIA ni Rapha. Humingi ako ng tulong sa isang porter na naroon dahil tulak ko naman ang stroller ni Rapha. Alas kuwatro ng madaling araw ang dating ng eroplano namin. Delayed ng isang oras kaya halos alas sais na noong kami ay nakalabas sa airport. Tamang tama lamang dahil maliwanag na at hindi nakakatakot bumiyahe. Wala kami ni isang sundo at gaya ng sinasabi nila, marami ang manloloko. Ayokong unang tapak pa lang ni Rapha sa Pinas ay ma-trauma na ito sa karahasan.
Hawak ko sa kamay ang address na nakuha ko kay Aling Virgie. Nagbigay ako ng limang daan sa porter na nagbuhat at nagtawag na rin ng masasakyan namin na taxi ni Rapha. Ngayon nga ay lulan na kami ng taxi at patungo sa address nila Mama.
Magkasaliko
