Nag-taxi ako sa araw na iyon, hindi dahil masama pa ang loob ni Ken sa akin kundi, dahil maaga siyang pumunta sa factory dahil may aksidenteng nangyari.
"I'm sorry, Liegh. I really need to go now!" nagmamadali niyang paalam. Kumakaway pa at maganda ang ngiti sa labi.
Wrong way na kasi kapag ihatid pa niya ako. Male-late lamang siya. Mas mabuti rin naman para makapag-isip pa ako ng mabuti habang sakay ng taxi.
Hindi pa rin ako makapaniwala sa mga mabilis na pangyayari. Hindi ko rin mawari ang aking sarili. Kinakabahan ako na excited na makita si Rafael ngayon. Tila may lumalamutak sa aking sikmura habang papalapit ako sa ika limang palapag.
Dahan-dahan akong naglakad palapit sa aking desk. Kusang umarko ang mga labi ko nang mabungaran ang pumpon ng pinaghalong puti at dilaw na rosas s
