SAMANTHA POV
Umaga na pero wala pa din si Zyne. Iyak ako nang iyak kagabi habang inaalala kung gaano ako kadaling iwan ni Zyne hanggang sa nakatulugan ko na. Mula sa pagkakahiga sa kama ay bumangon ako at naligo. Hahanapin ko si Zyne. Papabalikin ko s'ya. Mag s-sorry ako sa kan'ya.
Pagkatapos kong maligo at magbihis ay lumabas na ako ng bahay. Una ko munang pupuntahan ang company dahil baka nandoon s'ya. Sumakay ako ng taxi at nagpahatid sa company. Nagbayad naman ako bago nagtuloy sa loob. Hindi ko na nga nabati ang lahat ng mga nakakasalubong ko dahil sa pagmamadali ko. Pagbukas ng elevator na sinakyan ko ay patakbo akong pumunta sa office ni Zyne ng makasalubong ko si Seven.
''Oh, Samantha. Bakit naman tumatakbo ka? Paano kapag nadapa ka? Mag ingat ka naman. Buntis ka pa naman,'' na
