"Saan ka matutulog?" Tanong ko sa kan'ya dahil naglalatag siya ng banig sa sahig.
"Dito," turo niya sa sahig. Parang may kung anong kirot na tumusok sa aking puso. Oo nga naman, hindi sapat ang kasal kung hindi naman niya ko mahal. Ganun lang dahil may kasunduan kaming dalawa. Pero nasasaktan ako.
"Bakit diyan ka pa matutulog sa sahig kung pwede naman dito. Maluwang pa naman itong kama ha," ani ko.
"Diyan ka na matulog. Okay lang ako dito Rose. Sige na magpahinga ka na riyan at maaga pa tayong aalis bukas," ani niya. Nahiga na ito sa sahig na may latag na banig at makapal na kumot. Wala siyang suot na damit pang-itaas nang ipikit na niya ang mga mata niya.
Napasimangot na lang ako rito sa kama habang ang mga mata ko ay nakatuon sa kisame. Hindi ako makatulog ngayon. Ayaw akong dalawin
