NAKATANAW sa malawak at kulay asul na karagatan si Elizabeth habang nagmamalabis ang masasaganang mga luha sa magkabilang sulok ng kanyang mga mata. Ang kaalamang minamahal din siya ng lalaking iniibig ay nagdudulot ng kasiyahan at kasawian sa puso niya.
Oo, nga at nagkaroon din siya ng maraming manliligaw pero walang isa man sa mga iyon ang umagaw ng atensyon niya tanging kay Arnold lamang niya naramdaman ang ganitong kaigaigayang pakiramdam, ang unang lalaking nagpadama sa kanya ng ganitong kaligayahan at kung paano maging isang ganap na babae. Pero habang hindi pa nahuhuli ang lahat ay marapat lang niyang kitilin ang damdaming nanahan sa puso niya para sa binate. Hindi niya itong dapat mahalin kagaya ng isinisigaw ng puso niya higit sa lahat ay isakatuparan ang totoo niyang pakay.
"T
