BUONG ARAW ay tulog at kain lang ang ginawa ni Alexandra. Nawala na ang kaniyang kalasingan pero sumasakit pa rin ang kaniyang ulo. Naisipan niyang tumayo at kumuha na lamang ng ice cream sa ref. Nanunuyo kasi ang lalamunan niya at naghahanap ng malamig at matamis ang kaniyang panlasa.
""Ate!"" tawag ni Xander sa kaniya.
""Ano?"" wala sa mood niyang sagot habang naghahalungkat sa kanilang freezer.
""Naalala mo pa ba ang mga pinagsasabi mo pagdating natin?"" tanong ni Xander.
Isa-isang inalala ni Alexandra ang mga sinabi at ginawa niya pagkauwi nila. Pero kaunti lang ang kaniyang natatandaan. Parang na-black out ang kaniyang memorya at iyong naalala niya lang ay ang kaniyang Mommy Kathy ang naglinis at nagbihis sa kaniya.
""May mga sinabi ba ako? Suka lang naman ako nang suka tapos b
