vaada raha sanam

dhokha

Nitya, aaj bahut khush thi. Ho bhi kyu na aaj uski shadi ko poore ek saal ho gaye hai. Abhishek ke sath 7 saal ka pyar ka safar aur 1 saal shadi ka safar kaise beet gaya, nitya ko kuch pata hi nahi chala. Ji sahi suna apne, nitya abhishek se 7 saalo se pyaar karti thi. Uske baad ghar walo ne shadi kar di. Ab nitya ke parivaar me to koi tha nahi. Abhishek ke mata pita ko wo apna maanti thi. Aur uske chacha chachi, jinhone Abhishek aur nitya ki shadi fix kar di. Nitya to aaj khushi ke maare poore ghar me chahal kadmi kar rahi thi. Nitya ke papa ek billionaire the. Jinhone apne last time par nitya ke naam dher saari daulat chhodh rakhi thi. Lekin nitya ki saari daulat to Abhishek tha. Abhishek ne kabhi bhi apne pyaar ka izhaar nahi kiya. lekin nitya janti thi ki Abhishek bhi usse itna hi pyar karta hai jitna nitya Abhishek se karti hai. Shadi ke baad Abhishek jyadatar bahar hi rahta tha, kyuki uske upar kaam ka pressure bahut jyada tha. Abhishek ne bhi kam umra me hi apna ek makaam banaya tha. Nitya iss baat ko samjhti thi. Wo janti thi ki Abhishek ek ambitious ladka hai. Wo apni zindagi me kuch karna chahta hai. Isiliye nitya ne kabhi bhi Abhishek ko bandhne ka nahi socha. Nitya ka manna rha ki pyar kaid nahi karta wo to pankh deta hai.

Aj nitya ki 1st anniversary thi. To usne khud hi Abhishek se milne ka plan banaya. Nitya use surprise dena chahti thi. Isliye usne Abhishek ko bataya ki wo apni friend heena ke ghar ja rahi hai.heena ki tabiyat kharaab hai to wo kal hi ghar aa payegi. Aaj Abhishek ghar jo aane wala tha. Usse laga wo nitya ko apne saamne dekh kar surprise ho jayega. Lekin usse kahan pata tha ki aaj use zindagi ka sabse bada shock lagne wala hai. Nitya ko Abhishek ka reply aya, ok aur nitya ne surprise planning shuru kar di. Poore ghar ko decorats kiya. Har taraf white curtains air whits lights aur unke beech me red roses ke bouquet. Sab kuch perfect. Meera ne apne hatho se badi mehnat se cale bhi banaya. Aur ja kar taiyaar hone lagi. Taiyaar hone ke baad meera pane almirah me chhup jati hai. Usse pata tha ki Abhishek aate hi pahle apne kapde change karta hai. To wo aate hi meera ko dhoondh lenga. Meera apne plan par khush ho rahi thi ki tabhi usse thodi aahat hoti hai. Meera bilkul chuo ho jati hai. air bahar ki halchal sunne lagti hai. Bahar Abhishek ke sath sath ek aur awaaz aa rahi thi. Wo thi tanya ki. Tanya uske chacha ki beti thi. Tanya Abhishek ko bolti hai. Abhi tum yaha ghar kyu aaye ho? Kya tum uss b***h ke sath apni anniversary manane aaye ho?

Abhishek kahta hai, Tanya afar aisa hota to wo aaj ghar par hoti. Usme bola ki wo heena ke ghar ja rahi hai tabhi to mai tumhe yahan le kar aaya hu. Aur socho na isse bada humiliation kya hoga uske liye ki uski anniveesary ki raat uske hi bedroom me uske hi bed par mai kisi aur ladki ke sath hu. Itna bol kar dono hasne lagte hai.

Tanya poochhti hai, aage kya karna hai. Tumne property ke papers signed karwaye nitya se. Abhishek kahta hai, nahi uski zaroorat nahi padegi.

Tanya poochhti hai kyu?

To Abhishek kahta hai. Kyuki ham sab ne mil kar nitya ko maarne ka plan banaya hai. 3 din baad mere naye hotel ka inaugration hone wala hai. Sab waha jayenge. Tabhi mai kisi kaam se nitya ko wapas ghar bhejunga, aur jiss car me nitya aayegi uska break fail bhi hoga. Aur petrol ki line me hole bhi kiya hua rahega, jisse car thodi dur hi chalkar jal kar rakh ho jayegi. Aur nitya ka kaam khatam, fir nitya ki property hamare paas, kyuki mai hi uska ek akela rishtedaar jo hu mai. Ab Abhishek ki baate sun kar Tanya hasne lagti hai. Fir kahti hai air ham shadi kab karenge. To Abhishek kahta hai uske baad ham shadi bhi kar lenge. Pahle baad ki rashme poori kar lete hai. Aur fir Abhishek Tanya ko apni giraft me le leta hai. Tanya kahti hai. pichhle ek saalo se tum kaam ke bahane bahar rahts ho aur mujhe aise hi pareshan karte ho. Ab tumhe jaldi hi mujhse shadi karni hogi. Abhishek tumhe malum hai na ki mai pregnant hu.

Abhishek kahta hai haan baby mujhe pata hai. Isiliye to ma aur papa bhi chahte hai ki jaldi se jaldi nitya ka chapter close ho aur tum ghar me aa sako. Jisse unka pota bhi surakshit rahe. Aur tumhare mom dad ne to baat bhi kar li hai pandit ji se. Bas ab nitya ka kaam ho jaaye. Fir tum aur mai hamesha ke liye ek ho jayenge. Itna bol kar Abhishek tanta ke lips par apne lips rakh deta hai, aur usse kiss karne lagta hai.

Idhar almirah me nitya chup chap baithi sab kuch sun rahi thi. Usse to vishwaa hi nahi ho raha tha ki uske apno ne uske sath aisa dhokha kiya hai. Uske Abhishek ne aisa kiya. Uske chacha chachi ne aisa kiya. Ye wahi Abhishek hai, jiski jaan bachane ke liye nitya ne apni jaan ki parwaah nahi ki thi. Nitya ne uss accident me Abhishek ko itna blood diya tha ki doctor ne kah diya tha ki nitya ka bach pana mushkil hoga. Lekin sirf apne pyaar ko bachane ke liye ni tha ne ye sab kiya. Kyuki Abhishek ka blood group rare tha to asaani se milta nahi tha. To nitya ne jaan bachayi thi Abhishek ki. Aur ye baat nitya ne kabhi bhi Abhishek ko pata nahi lagne di.

Ab nitya chahti thi ki kaise bhi karke wo yaha se chali jaaye. Usse maarne ka plan to 3 din baad ka tha, lekin wo to aaj hi mar gayi thi.

Hello friends kaise hai aap sab? Ye meri teesri kahani hua. please ise bhi apna pyaar dijiyega. Aur padhte rahiye abhi bahut kuch hone wala hai kahani me. To bane rahiye, meri kahani wada Raha Sanam ke sath.

Thank you