Humahangos na dumating sa kusina ang nag-aalalang ina ng dalaga kasunod ang kapatid nitong kambal. Laking gulat nito ng makita ang hitsura ni Eli. Namumula ito at panay ang kamot sa buong katawan habang inaalalayan ni Zandi. Tiningnan niya ng makahulugan ang anak. Kunot noo itong nagpalipat lipat ng tingin sa dalawa. Bigla itong lumapit sa tahimik na si Eli. Kinapa niya ang namumulang mukha nito.
"Zandi anong nangyari kay Eli?" tanong niya sa dalagang halos ayaw tumingin sa ina.
Kinakabahan man ngunit wala siyang magawa kundi sabihin ang totoo sa ina.
"Baka po may nakain siyang bawal sa kanya." Sagot nito na halos di makatingin ng diretso sa ina.
Binalingan ang dalagang halos di na makakita.
"Iha, ano bang nakain mo na bawal pala sayo?" ang nag-aalalang tanong sa dalagang namama
