77-80! May natitira na lamang na tatlumpung segundo at apat na minuto bago matapos ang laro ng CISA at CLCC. Lamang pa rito ang CLCC, ngunit nakagawa ang Flamers ng limang puntos at wala silang nagawang sagot kontra rito. Iyon nga ang naging dahilan upang tumawag si Coach Wilson ng time-out.
Seryoso ang tingin ng coach ng CLCC nang makalapit ang kanyang mga players. Hindi niya maisip kung paanong ang isang player na hindi pumupuntos ay makakagawa ng impact sa game na ito. Tila namimiligro tuloy ang iniisip nilang sure win kung magpapatuloy ito.
"Gumising kayo! Nasaan ba ang mga isip ninyo?" Medyo may inis na tanong ng coach sa kanyang mga hinihingal na players.
Si Castillo naman ay mabilis na uminom ng tubig at seryosong tiningnan ang buong team.
"Hindi tayo matatalo! Kasama ninyo ako!
