HINDI isang panaginip ang nangyaring pagkapanalo ng CISA sa una nilang game. Isa iyong panalo na kanilang pinaghirapan. Wala ni isa sa mga ito ang umako ng kredito dahil lahat sila ay may iniambag sa larong iyon.
Hindi na sila isang winless team. Sabihin na ng iba na ang padalawa sa huli na school ang kanilang tinalo, ngunit hindi maiaalis nito ang katotohanang nanalo't nanalo sila.
Umuwi nga si Reynan na hindi maalis sa sarili ang saya. Ang hinihiling niyang panalo ay sa wakas... nakuha na niya sa huli niyang season sa CBL.
"Congrats anak," ito ang bungad sa kanya ng kanyang ama nang makitang pumasok na ito sa loob ng kanilang bahay. Napatingin si Reynan sa paligid. Naroon na ang kanyang kapatid. Nanonood ito ng replay ng isang NBA game sa TV. Gaya ng inaasahan, isa iyong laro ng pabor
