PANSIN na pansin ng mga estudyante ng CISA na lumalampas sa maliit na covered court ng gym ang tila ganadong pagpa-practice ng varsity team nila. Makikita sa bawat isa ang seryosong paglalaro at hataw kung hataw sa mga paggalaw. Pagkatapos ng pagtakbo ay sinundan iyon ng pagtakbo habang nagdi-dribble. Pagkatapos uli noon ay isa-isang pinatama ng mga players ang bola sa board ng basket kung saan ay sasambutin ng nasa likuran at papatamain uli ng susunod doon.
"Assemble!" Malakas na tawag ni Coach Erik at biglang pumila nang maayos sa harapan niya ang kanyang mga pawisang players. Tanging sina Kier at Macky lang ang wala roon. Magkaganoon man, naninibago ang kanilang coach sa ipinapakita ng kanyang team. Hindi sila ganito dati, at iba na nga talaga ngayon.
Nag-practice shooting naman ang t
