NALAMAN ng team CISA ang nangyari sa lola ni Kier. Kinagabihan nga ang nagpasya si Reynan na magyakag sa kanyang teamates kung sino ang gustong sumama sa kanya papunta sa burol. Nang gabing iyon, si Macky at Ricky lang ang sumama sa kanya. Ang ilan ay sinabing bukas sila pupunta. Si Coach Erik naman, gusto sana niyang sumama ngunit may tinatapos pa ito sa school. Kaya nasabi na lang nito na pupunta siya kapag natapos ang kanyang ginagawa. Pupunta raw siya sa araw na bakante siya.
Nagpaalam naman si Kier na hindi muna siya makakapasok hangga't hindi pa naiilibing ang kanyang lola. Naintindihan naman ito ng coach kahit abot ito sa araw ng game nila sa CCC. Ramdam ni Coach ang lungkot sa boses ng kanyang player nang makausap ito sa cellphone. Hindi ito ang Kier na nakilala niya.
Pinatigil n
