روايه حبيبي لغز حيرنى
الحلقه الخامسه
بقلم جنه الاحلام
★★★
في المستشفى
دخل شاب شكله مريح وهادىء
الشاب: السلام عليكم
سلوى: وعليكم السلام ورحمه الله وبركاته
الشاب: حضرتك الدكتوره سلوى؟!
سلوى: ايوه مين حضرتك!!؟
الشاب : انا اسمى الدكتور يوسف دكتور اسنان لسه منقول هنا
سلوى: اهلا وسهلا بحضرتك تشرفنا
يوسف: الشرف ليا حضرتك لسه تعين جديد؟!
سلوى: اه يادوب خلصت التكليف وانت؟!
يوسف: لا انا متخرج من خمس سنين بس كنت بشتغل في السعوديه بقالي كذا سنه انتى عارفه الشغل هنا مابيأكلش عيش قلت اسافر كام سنه احوش حاجه أأقدر افتح بيها عياده
سلوى: عندك حق الظروف هنا تعبانه اوى ربنا يصلح الحال وحضرتك فتحت العياده ولا لسه؟
يوسف: لسه والله بجهز المكان اصلي لسه راجع من اسبوعين بس
سلوى: بالتوفيق يادكتور
يوسف: متشكر ماقولتيش ايه نظام الشغل هنا
سلوى مبتسمه: نظام وشغل كمان ماشاء الله حضرتك عندك روح دعاب
