CARMELA
“Ano bang sinasabi mo?” Tanong ko kay Sunny.
“Alam ko na narinig mo ako. Ayaw mo lang tanggapin at nais mo pa na ulitin ko.”
“Hindi totoo ang sinasabi mo. Hindi!” sigaw ko sa kanya.
“Kung ayaw mong maniwala sa akin ay sa kanya mo na lang itanong.” sabi niya sa akin.
“Iha, akin na muna si Adam.” sabi sa akin ni manang kinuha niya ang anak ko.
Tumingin ako kay Sunny. Wala akong makitang emosyon sa mga mata niya.
“Sabihin mo, ano ba ang tunay na dahilan kaya ka nagpakilala sa akin? Dahil ba sa kapatid kita o dahil sa asawa ko?” Tanong ko sa kanya.
“Sa asawa mo,” mabilis na sagot niya sa akin.
“Ano ba ang gusto mo? Aagawin mo ang asawa ko? Bakit hindi ka na lang umalis? Bakit ka pa nanatili rito? Tanggapin mo na ako na ang mahal niya at tapos na kayong dalawa.” sabi ko sa ka
