Tahimik si Ingrid buong umaga. Nakauwe na rin kami sa kanila. Ngayon ay nasa kwarto niya lang siya at nagpapahinga. Ako naman ay nasa opisina ni Mayor dito sa kanilang bahay. Pinag-uusapan namin ang pagiging bodyguard ko kay Ingrid. Nasa loob din sila Zoriel at magkatapat kaming nakaupo sa mahabang sofa. Si Mayor ay nasa gitna namin sa unahan.
“As I am saying, Gelo. Ang trabaho mo ay bantayan si Ingrid 24/7,” ani Mayor.
Tumango ako. “Opo.”
“Lahat ng pupuntahan niya ay dapat andoon ka rin. Kikilalanin mo ang mga taong lalapit sa kanya. At h’wag mong hahayaang makalapit sa kanya si Nicholas Rivera.”
Napahinga ako nang malalim noong mabanggit ni Mayor si Nicholas. Mula noong malaman ko ang ginawa niya kay Ingrid ay nakaramdam na rin ako ng galit dito. Hindi ko pa rin maisip na may tao
