EPISODE 25
RACHEL’S POINT OF VIEW.
Ayaw ko man na iwan ang probinsiya ng Governor Generoso ay wala na akong magagawa pa. Sumama ako sa aking mga magulang pauwi sa Manila. Habang nakasakay kami ngayon sa aming private plane ay tahimik lang ako sa aking upuan. Kung minsan ay kinakausap ko ang mga magulang ko lalo na kapag ako ay nagutom. Ayoko man silang makausap pero hindi pwedeng magutom ako at magtiis kaya kailangan ko ng pagkain. Pagkatapos kong kumain ay muli akong napasandal sa may bintana habang nakatingin sa mga ulap sa labas. Nakatulog na rin ako sa aking katahimikan at ginising nalang ako ng aking ama na nasa Manila na kami.
Kahit sa pag sakay sa kotse namin at pauwi na sa aming bahay ay tahimik pa rin ako. Nahalata na ng mga magulang ko ang aking katahimikan kaya kinakausap nil
