EPISODE 23
RACHEL’S POINT OF VIEW.
Isang linggo na kami dito ni Louis sa Governor Generoso at sa pag sa-stay namin dito ay wala pa namang naghahanap sa amin na mga tauhan ng mga magulang namin. Sinabi na rin pala ni Bonnie na hinahanap na ako ng mga magulang ko at pinuntahan na rin siya nila Mommy dahil si Bonnie ang huli kong kasama bago ako makipagtanan ni Louis.
“Kumusta ka diyan, Rachel? Wala bang problema diyan?” tanong ni Bonnie sa kabilang linya.
Alas syete na ng gabi ngayon at tumawag sa akin si Bonnie. Nandito ako ngayon sa may terrace habang si Lous naman ay nasa may kusina habang nagluluto nang hapunan naming dalawa.
“Okay lang naman kami ni Louis dito, Bonnie. Baka ang hirap lang talaga hanapin ang lugar na ito, sabi pa ni Sebastian ay nasa dulo raw ito ng mapa hindi ko
