#رواية / #بنت_الأصول

#رواية / #بنت_الأصول /#البارت_الاول

رواية

#بنت_الأصول

#البارت___الأول

______

معقول يا احمد الكلام ده .

تبقى رجل أعمال اد الدنيا و عندك كل المال و النفوذ ده و ضيف عليهم الشباب و الصفات دي وعايش و حيد كدة مش لاقي اللي تفهمك و تفهم عقليتك و تشاركك حياتك و مسؤولياتك وتكون سند و أنيس ليك و انتا خلاص كده قربت عالتلاتينات . أحمد بيكلم نفسه و بيقول لا انا فعلا كبرت و لازم ألاقي البنت اللي احبها و تحبني كفاية قافل على حالي و خايف من اي علاقة كده . فدخل علي المكتب على احمد و قاله صباح الخير و احمد سرحان ما ردش عليه . فراح علي قاله الوووو أحمد باشا شارد في ايه بقالي ساعة بقولك صباح الخيير صباح الخييير و انتا ولا هنا خالص . فبصله أحمد و قاله ها علي صباح النور يا صاحبي انت دخلت امتا . فرد عليه علي و قاله من شوية بس مالك يا صاحبي شارد في ايه كده لدرجة انك ما تلاحظش وجودي خير احكيلي في ايه . فأحمد قاله مانتا عارف يا علي بفكر في حالي و الوحدة اللي انا عايش فيها دي و الزمن اللي بيجري بيا ونفسي الاقي بنت الحلال اللي احبها و تحبني و اتزوج و يبقالي عيلة و عزوة و بصراحة الكل بيضغطوا عليا و اولهم ماما كل يوم على ده الحال عاوزة افرح بيك يابني و اشوف عيالك قبل ما اموت و بصراحة هي معاها حق انا تعبت من الوحدة صحيح ماما ربنا يخليهالي مالية عليا حياتي من بعد موت بابا و ما حسستنيش بعدم وجود ابويا كانت دايما بتحاول تعوضني عن غياب بابا بس برضو باحس بالوحدة واهلي كلهم عايزيني انجز في موضوع الزواج ده وانا خلاص كبرت وبقيت بالتلاتين فمعاهم حق . فرد علي و قاله طب ما كويس اهو وجه اليوم اللي نفرح بيك يابو الصحاب ايه بقا اللي شاغل بالك ومخليك شارد في واحدة معينة بدماغك يعنى . فرد عليه أحمد . قاله واحدة ايه بس يا علي مانتا عارف انه ما فيش لاوحدة ولا نص حتى و قولتلك انا حاولت و بحاول بس خايف انتا عارف ياعلي اني ماليش في علاقات الحب والغرام دي من زمان انا دايما جد و عمري ما فكرت حتى اني اعمل علاقة مع واحدة . فرد علي و قاله عارف يا صاحبي بس ما تقلقش هتلاقيها يا احمد انتا شاب محترم و حلو و مركز ويسيط يا صاحبي و اكيد هتلاقي البنت اللي تفهمك و تفهمها و تدخل قلبك و تحس بيك . فرد عليه احمد و قاله افضل انفخ فيا كده لحد ما افرقع يا علوة . فراح رادد علي و قاله هههههههههه ضحكتني يا صاحبي يوووه و نستني ياخي انا جاي في ايه بص انا جاي اعزمك على عيد ميلاد هدى اختي بكرة وانا عارف انك ما شوفتهاش من زمان من ساعة ما سافرت بره مع ماما و بابا و كملت دراستها هناك و اهي رجعت مصر و دي اول سنة ليها هنا و هي خلصت إدارة أعمال خلاص و هتمسك شركة بابا و هتكمل دنيتها هنا بمصر و هتعيش معايا هنا بناءا على طلبي . و ده اول عيد ميلاد ليها اعمله و قولت اعزمك و تسلم عليها بالمرة فرد احمد و قال يااااه يا صاحبي والله زمان يا علي و هي عاملة ايه بالوقت كويسة اكيد كبرت و بقت زي القمر . فرد علي قاله ايه يعم هتعا** اختي قدامي رد احمد قاله اعا** ايه ياعلي ما اانت عارف اني مش من النوع ده و هدى دي زي اختي .رد علي خلاص يا بواحميد بهزر ياعم انت هتزعل ولا ايه . رد احمد قاله ولا زعل ولا حاجة ربنا مايجيب زعل يارب وهاحضر عيد الميلاد إن شاء الله ما تقلقش يا صاحبي هاجي عالميعاد بإذن الله . فعلي رد عليه قاله تمام يا صاحبي انا بانتظارك ما تتاخرش تمام . أحمد قاله تمام يا صاحبي .

______

يكمل احمد يومه كالمعتاد

و تاني يوم بالمساء احمد ياخد شاور و يحط عطره المميز و يلبس بدلة غاية في الاناقة زادته وسامة علي وسامته و يخرج من فيلته مرتديا نظارته و يركب عربيته الجيب و ينطلق سريعا إلى وجهته

____________

و عند علي وصل عمنا احمد حافظ صديقه و علي يستقبله بالترحاب علي قاله ايه ده يا عم أحمد ايه يا صحابي التاخير ده كله

احمد قاله اسف علي التاخير الطريق كانت زحمة يا صاحبي اسف مرة تانية

علي رد عليه و قاله ولايهمك يا صاحبي ما تتاسفش . المهم انك جيت . تعالا عشان نطفي الشمع احسن هدى اكلت دماغي و الكل حاضرين

والكل اتجمع و احتفلوا و طفوا الشمع و الكل قدم هدايا عيد الميلاد بأشكال و الوان فراح احمد قرب من هدى عشان يقدم هديته فبص لهدى وقالها عيد ميلاد سعيد و عقبال مية سنة يارب هدى ردت عليه بخجل شكرا يااا أحمد صح

فأحمد ابتسم و قالها صح يا أنسة هدى هو انا احمد

فردت هدى و قالتله انتا صاحب علي و صديق الطفولة اللي كنت دايما بتيجي عندنا و بتذاكر مع علي ايام الثانوية و الجامعة و كنت باقولك يا ابيه صح ولا غلطانة

أحمد ابتسم و ردد أبيه و وقف و بصلها و سرح في جمالها و دقق بتفاصيلها لثواني معدودة و كأن الزمن وقف بيهم

فهدى نادته بعدما انتبهت لعيونه احم احم نحنا هنا ي احمد بيه فاحمد قالها بارتباك اسف يا آنسة هدى انتي بسم الله ما شاء الله عليكي كبرتي و بقيتي أستاذة و آنسة جميلة

هدي و قد خجلت من مدحه ووشها بقى احمر من شدة الخجل فقالتله شكرا يا احمد ميرسي ده من زؤقك وبعد ما شكرت احمد استئذنته و مشيت و كملت الحفلة مع صحباتها بس طول الحفلة بتراقب احمد من بعيد لبعيد و احمد عينة ما نزلتش من عليها ابد من اول نظرة شكله اتعلق عمنا احمد بيه

لان هدى عجبته اوي في كل حاجة و بصراحة كل حاجة دي كلمة قليلة فهدى دي هي فتاة بال ٢٥ من عمرها و مميزة بكل الصفات من جمال و رقة وادب واحترام وثقافة و اصالة وشياكة و اكيد هنتعرف عليها كويس مع الاحداث اللي جاية فخلينا دلوقتي في احمد اللي هدى اخدت كل تفكيره من اول ما شافها و احمد قعد يفكر شوية و قرر مع نفسه و قال هي دي اكيد اللي هتفهمني كويس و قرر انه يتقرب منها و يتعرف عليها اكتر بس ما قدرش يبين أي شئ الا لما يتأكد من مشاعره الاول و يعرف اذا كانت هدى بتفكر زيه ولا لأ او بقلبها حد تاني او لا غير كده فهي اخت صديق عمره وفضلوا يتبادلوا النظرات فيما بينهم من وقت للتاني طول الحفلة ولا يعلمون السر في ذلك ان كان اعجاب او مودة زائدة و انتهت الحفلة و بارك الجميع و غادر الكل إلى بيته و ودع احمد صاحبه و أخته و غادر منزلهم نحو فيلته .

________

وعدى كام يوم واحمد كل همه بيفكر ازاي يتقرب من هدي ويتعرف عليها اكتر لحد ما جاتله فكرة وقال بكرة عندي صفقة مهمة جدا من اهم الصفقات اللي هعملها وان شاء الله هاخدها وقال بنفسه ودي تكون الحجة اللي اعمل حفلة علشانها واعزم هدى بما انه علي اخوها شريكي اكيد هتحضر واتعرف عليها كويس وتبقى حفلة صغيرة على شرف اتمام ونجاح الصفقة دي وفضل احمد يدعي انه الصفقة تتم لصالحه .

____________

وعند هدى برضه تشابهت الأوضاع تقريبا فقد كان احمد شاغل فكرها من وقت ما شافته وبتفكر في نفسها وتقول ياترى هاشوفه تاني ازاي بالرغم انه اخوها علي واحمد صحاب من زمان الا انه ما شافش هدى من وهي صغيرة باعدادي وهدى تعتبر يعني ماشافتش احمد الا قليل جدا وكانت هدى صغيرة وقتها ولما احمد شافها في عيد الميلاد اندهش بأنها كبرت وبقت آنسة و اتفاجأ بجمالها ورقتها اللي ما تتوصفش وهدى كمان ما كانتش بتشوف احمد الا قليل برضو قبل ما تسافر وكانت طفلة صغيرة وهي كمان اتفاجات بشخصيته واناقته ووسامته وطيبته..

__________

نامت هدى وهي بتفكر ياترى هاشوفه تاني امتا وياترى ايه الإحساس ده اول مرة احسه يمكن علشان ماشوفتوش من زمان ولا يمكن علشان اتفجأة بواسامته ولا ايه الحكاية ..

___________

تاني يوم صحي احمد كالمعتاد واخد شاور وحط عطره المميز ولبس و خرج على الشركة زي كل يوم

انما كان اليوم ده مختلف تماما عن باقى الايام لانه هيكون فيه صفقة مهمة لاحمد و كمان لو اخدها هتبقى بداية لحاجات كتير هتغير حياته تماما فيما بعد و بدأ الاجتماع و بالفعل تمت الصفقة و احمد و علي اخدوها زي ما كانوا مخططين و احمد المرة دي فرح جدا على غير العادة فعلي بص لاحمد باستغراب وسأله في ايه يا ابو احميد مالك فرحان كدا على غير العادة دي مش اول صفقة نربحها بسهولة فرد احمد عليه و قاله لانه دي اهم صفقة يا خفيف من بين كل صفقات الخمس سنين اللي فاتوا و الصفقة دي بالتحديد هتغير حاجات كتير بحياتي فعلي رد باندهاش و قاله مش فاهم ازاي هتغير حياتك يعني . فرد عليه احمد و قاله هتفهم بعدين مش وقت شرح بالوقت المهم عاوز اعمل حفلة بالمناسبة دي واعزم ناس كتير . فرد عليه علي قال فكرة حلوة بس هنعمل الحفلة عندك ولا عندي . فاحمد قاله هنعملها عندي احسن راح علي قاله تمام وأهو ابقى اجيب هدى معايا اهو تتعرف على جو الشغل عشان لما تستلم الشغل مع بابا تبقى واخدة على جو العمل و البيزنس و حفلات البزنيس فرد احمد و قاله فكرة برضو واهي تتعرف على ناس جداد فرد علي و قاله خلاص تمام يا صاحبي بس هنعمل الحفلة امتا . فاحمد رد قاله يوم الجمعة الجاي ايه رأيك فرد علي قاله كويس واهو يوم أجازة برضو والواحد يجهز ويتمنجه علشان الحفلة ونشوف لينا كام مزة كدة نتكلم معاهم . احمد قاله كام ايه . لا بقولك ايه شغل العيال المراهقين ده تخليه في النوادي بتاعتك اياك يا علي تعا** اي واحدة في الحفلة هانسى انك صاحبي فاهم وبعدين يابني انتا المفروض رجل اعمال اد الدنيا فرد علي و قاله و يعنى هم رجال الاعمال مالهمش نفس يتعرفوا على الانسات المحترمات برضوا . فرد احمد و قاله لا يا خفة يتعرفوا بس بادب وزوق واحترام مش معا**ة . فرد علي قاله يوووه خلاص مش هاكلم حد و يعدين اصلا مش هاعرف لانه الانسة هدى زيك مقفلة و ما بتحبش الحاجات دي و هتفضل تقولي عيب و ما يصحش و هتزعل مني و انا بصراحة هدهدتي اختي حبيبتي ما باقدرش على زعلها . فرد احمد و قاله طب والله محترمة و بنت أصول مش زي اخوها الطفس و فضل احمد و علي يهزروا مع بعض

___________

وجه ميعاد الحفلة و هدى بتجهز نفسها عشان الحفلة و حطت ميكاب خفيف جدا زادها جمال على جمالها الطبيعي ولبست فستان انيق و محتشم جدا و كانت طالعة زي الاميرات .

و بينما علي واقف تحت و بينادي يالا يا هدى اخلصي بقا معقول ده كله بتجهزي نفسك يالا خلصينا بقا مش شوية بوهيا هتحطيها علي خلقتك دي

وهدى تقف كالبرنسيسات امام مرآتها بجمالها ورقتها وخجلها وبتنادي وتقول في ايه ياعلي اهدى مالك مش لازم اجهز نفسي كويس يعنى دي حفلة كبيرة واول مرة احضر حفلات كبيرة زي كدة فطبعا لازم اكون انيقة واشرفك ياعلوة فرظ عليها علي قالها طيب ياختي خلصيني انتي اصلا تشرفي اي حد يا هدهدوبعدين انتي برنسيسة مش محتاجة اي اضافة فبلاش تتعبي نفسك انتي قمر و ملكة من غير حاجة ردت هدى قالت خلاص خلصت اهو يا خويا يالا نازلة و نزلت هدى علي السلم و علي واقف تحت مستنى اخته فاول ما شافها نازلة زي الاميرات على السلالم بدأ يصفر و ينادي ويقولها ايه يا بت الجمال ده كله ما شاء الله عليكي طالعة زي الاميرات الله اكبر عليكي بقى انتي اختي هدى بجد ولا برنسيسة من بتوع الحكايات

فردت هدى و قالتله فيه ايه يا واد يا علوة انتا بتعا**ني ولا ايييه

فرد عليها علي قالها اكيد طبعا هتتعا** يا مززز يا قمررر انتا يالا نمشي بقا ردت هدى قالتله طيب يالا يا علوة علشان ما نتأخرش اكتر من كدة رد علي قالها يالا يا قمررر يا قلب اخوكي انتي ..

____________________

عند احمد كان طول الوقت بيراقب الباب و بيبص فى الساعة ومش مركز خالص مع اللي حواليه و عينه هتطلع عالباب عاوز يشوف هدى و بيتمنى تدخل من الباب بالوقت بينما احمد بيراقب الباب عشان وصلول علي و هدي للحفلة و نزلت هدي من العربية زي الأميرات و كل اللي كانوا بالحفلة لما شافوها كانت عينيهم ها تطلع عليها من شد جمالها و لفتت انتباه الكل بجمالها و اناقتها و رقتها و احتشامها فاحمد اول ما شافها راح ناحيتها بسرعة واستقبلهما لكن كان .......... ???

يا ترى ايه اللي هيحصل وايه التطورات اللي هانشوفها سويا مع هدى واحمد وعلي وايه الجديد بحكايتنا هذا ما سنعرفه في الحلقة المقبلة ان شاء الله فانتظرونا

والسلام عليكم ورحمة الله تعالى وبركاته

تحياااتي الطيبة لكم جميعا