ثم أخذ يطلق صفيراً في الهواء كتعبير عن فرحته الشديدة
في منزل عبدالله جاد
عبدالله : شوفتي اللي بناتك عملوه يا فاطمة
فاطمة بغضب: اه شوفت يا عبدالله
ينفع كده يعنى بقى هى دى الاصول اللى انتم المفروض تكونوا عارفينها
هى دى الثقة اللى احنا وثقناها فيكم
دنيا: بابا والله ما علمنا حاجة
داليدا: يا عمي والله وائل هو السبب
عبدالله: يا سلام شوفى ازاى ده الراجل جايبك من جوه لاء والمصيبة ان انتي اللي ولعتي الدنيا هناك لا حول ولا قوة إلا بالله لا حول ولا قوة إلا بالله العلي العظيم اوري وشي للناس ازاي بعد كده
دنيا: يابابا الموضوع مش مستاهل
عبدالله: وهو انتى ولا هى يهمك حاجة منك ليها ما انا اللي وشي في وش الناس
داليدا: يا عمي بس اسمعنا
عبدالله: مش بعيد بعد اللي عملتيه في وائل يطلب ينهي موضوع الخطوبة قبل ما يبدأ
لله الأمر من قبل ومن بعد
داليدا: يكون أحسن برضه
فاطمة: اهدى يا عبدالله بس متعم
