استعدت الفتاتين للذهاب للحفلة ارتدت دنيا فستانها الارجواني وتأنقت فبدت كأميرة صغيرة بينما ارتدت داليدا فستاناً أزرق اللون فبدت فيه رائعة الجمال
فاطمة وهي تودع الفتاتين: بسم الله ما شاء الله زي القمر يا بنات ربنا يحفظكم و يبارك فيكم ويبعد عنكم شر العين
دنيا: امين يارب
داليدا: شكرا يا طنط
عبدالله: على فين يا بنات؟
دنيا: احنا معزومين على حفلة عيد ميلاد واحدة صاحبتى يا بابا
عبدالله: طيب مين هيوصلكوا وهترجعوا امتى ؟
دنيا: رحاب صاحبتى هتعدي علينا توصلنا وقبل ما هنروّح هنكلمك يا بابا
عبدالله: لاء مينفعش تتأخروا بره على الساعة 10 بالكتير هكون عندكو و محدش منكم يتحرك من الحفلة إلا لما اجي مفهوم؟
دنيا: بس يا بابا 10 بدري اوي ده الحفلة مش هتكون ابتديت اصلا لسه
عبدالله: يعني عاوزة ترجعي نص الليل يا دنيا؟
عايزة الناس تقول بنات عبدالله جاد راجعين الفجر لوحدهم؟
دنيا: بس يا بابا
عبدالله:
