Mainit pa rin ang hangin mula sa elevator nang bumalik si Sebastian “Bash” Castillo sa executive floor.
Tahimik ang paligid, pero mabigat — parang bawat yapak niya ay may dalang alaala ng eksenang iniwan niya kanina.
Ang mga salamin ng city skyline sa labas ay kumikislap sa huling sinag ng araw, habang sa isip niya, paulit-ulit pa ring umaalingawngaw ang boses ni Althea Velasquez.
“Hindi ko kailangan ng proteksyon mo, Mr. Castillo.”
Pero bakit parang gusto ko pa ring gawin ‘yon?
“Uy, Bash,” boses ni Dylan, basag sa katahimikan.
Kasunod niyang pumasok ang best friend niya, naka-unbutton ang polo, bitbit ang tablet, at may ngiting alam mong walang magandang balak.
“Akala ko hahabulin mo si Ellen Gardovas para makipagsabunutan sa boardroom. Hindi ko inaasahan na si Ms. Velasquez pala a
