Alyssa POV
MAGHAPON ko na namang hinintay si Brix pero hindi siya umuwi. Akala ko, dahil sa pinakita niyang pag-aalaga sa akin at pagbabantay, mas pipiliin na niya ako kaysa kay Jessy. Nag-iilusyon lang pala ako.
"Alyssa, kumain ka na rito, maglilinis muna ako sa labas ha?" saad ni yaya na may dalang walis tambo at dustpan.
"Hindi pa po ako nagugutom 'e," sinabayan ko siya sa paglalakad papunta sa labas. "Magpapahangin muna po ako," sagot ko.
"Hay nako, iyong Brix na 'yon hindi na naman umuwi. Pinabantay ka lang sa'min, tapos nawala na naman."
Napatingin ako kay yaya habang nanlalaki ang mata. "Ano ho? Pinapabantayan?" usyoso ko.
"Oo. Bago siya umalis, sabi niya ako na raw ang bahala sa'yo. Baka ilang araw na naman kasing mawawala ang batang 'yon," aniya.
Lumukot ang mukha ko
