لم أكن أنتويه حباً فأصبح بالحلال عشقاً الجزء الأول " اليمين"

الحلقة الثامنة

مر اسبوع مليان بالمشاحنات و التوتر والغضب ببيت الحج جمال، كانت سمية تقول لاخت زوجه ام حسام " ديه عين وصابتنا والله في حاجه غلط انا مش فاهماها، من يوم ما دخل الي اسمه احمد ده بيتنا واتشقلبت الاحوال والاولاد بقوا مش مستحملين اي كلمة صغيره من بعض، اميرة تعيط و عمرو يتعصب و يخرج حتى اخر فتره بقى يقعد في بيته اكتر من عندنا"

زعلت ام حسام على حالهم والتمست لعمرو العذر وهي بتقولها " براحه على الولد يا سميه اكيد عشان خاطر مشاكله مع زوجته، و كمان البنت اميرة اكيد في حيره من امرها نفسها توافق وبنفس الوقت مش عايزه تسيبكم انتي نسيتي انها اجلت دراستها عشان نفس السبب، اكيد خايفه عليكم "

بكت الام سمية وقالت" نصيبها معانا كده، بس انا بقيت كويسه ومش محتاجه مساعده زي الاول وهي من حقها تعيش حياتها"

ردت ام حسام على سميه " منا قولت ليكم تعالوا اقعدوا معايا، والله البيت كبير و هويدا و دعاء كل واحده فوق في بيتها وانا بقعد زهقانه طول اليوم "

ردت عليها سميه و هي بتحاول تهدي نفسها وتبتسم " لوحدك ايه امال الاصوات الي جنبك ديه ايه "

ضحكت ام حسام وقالت " وحياة ربنا قاعدة لوحدي☺️، مفيش حد معايا ديه اصوات القرود ولاد البنات قفلت الباب وحلفت يمين عظيم ما حد يدخل الشقه عندي النهاردة عقابا للمزبلة الي عملوها امبارح، ومن ساعتها وهما قاعدين ينادوا من الشبابيك و بخبطوا علي الباب عشان افتح ليهم"