لم أكن أنتويه حباً فأصبح بالحلال عشقاً الجزء الأول " اليمين"

الحلقه التاسعة

ضحكت سمية من قلبها وهي بتقول" يوه جتك الهنا يا ام حسام والله ضحكتيني، ازيك جالك قلبك تسبيهم ينادوا عليكي و يترجوكي كده "

ردت ام حسام عليها وقالت" اسيب مين هو انا هبله، دنا حلفت ليهم لو مبطلوش صريخ بره هطلع ليهم بالخرزانه اعلقهم واض*بهم هما والخلفوهم، ابتلاء ايه ده يااختي كل وحده رميه عيلها عليا وقاعده براحتها فوق "

ضحكت ام عمرو وهي بتقول" انتي الحضن الكبير، هما بعملوا كده عشان انتي حبببتهم"

ردت ام حسام وقالت" حبهم عفريت اعمى، دول قرود حيلي ان*د امبارح وانا بوضب وراهم ، وربنا ما افتح ليهم النهارده ولا هما ولا الي خلفوهم عشان يعرفوا يجيبوا عيال زي دول "??

( مين الست الي فوق ديه ? ?)

......

بشقه صغيرة كانت نرمين قاعده بترتب سفرة الغدى و هي بتبص على الساعة وبتقول" اتأخر قوي المرة ديه "

اتصلت على سليم اكتر من مرة مردش عليها، استغربت الأمر قعدت ساعة واتنين وتلاته بدون ما يرد عليها و يجي زي اتفاقهم، اضطرت بالأخير تلبس عبايتها و نقابها و تروح بيت اهلها...

قعدت طول الليل تبعت ليه رسايل بدون ما يرد عليها، ع** الي بيحصل مع اميرة الي كان احمد هو الي بيبعت ليها رسايل كتير بدون ما ترد او تفتحها اصلا..

وبيوم جديد بالجامعة انصدموا البنات بخبر اختفاء صحبتهم شيماء و بحث اهلها عليها ، عيطت نور على حالة امها الي بتقطع القلب وازاي كانت حزينه و بتلف علي البنات بتدور على معلومه صغيرة عشان يقدروا يوصلوا ليه..