┈┈┈┈◦•✩•◦┈┈┈┈
"Tumigil na kayong dalawa sa patutsadahan ninyo. Walang mangyayari sa pag-uusap ninyo kung pareho kayong magyayabangan sa isa't isa," pakli ni Marcus.
"Iyan ang mayabang. Akala yata niya, komo ipinakasal siya kay Adriana ay pag-aari na niya ang nobya ko. Kasal lang sila sa papel, at mananatili lamang ito hanggang papel. Gagawin ko ang lahat upang mabawi ko si Adi. Natupad na nila ang kasunduan na maikasal sila, ngayon naman ay wala na siyang magagawa pa kapag ipinawalang bisa na ni Adi ang kasal nila," may galit na ani ni Sebastian.
"Ibang klase ka rin ano? Ang laki ng bilib mo sa sarili mo. Sa tingin mo naman ay gagawin 'yan ni Adriana? Baka nakakalimutan mo ang sinabi ko sayo kanina lang? She despises you bro, uulit-ulitin ko ba 'yan sayo?" mapang-asar na wika ni Gavin n
