دليل حبك

البارت السادس

فايز يتحلطم : ايه هين بلاكن ما عاشرتنها

نجلاء : غريبة فايز جاي بدري اليوم العادة بعد العصر يخلص دوامك

فايز بخبث : وش عليك انتي منولة حبيتي وزوجتي ما سألتني تجين انتي تحشرين نفسك وتسوين فيها ليش

نورة بإستهبال : احلللللللللللللللللللللى اموت على الي يستحون

فايز ناظر منال لقاها فعلاً بتتقطع حياء

نورة اقول فايز منال تبي تطلبك طلب ومستحيه

منال طيرت عيونها ونورة قعدت تغمزلها عشان لاينتبه فايز وتقوله عن روحة السوق

فايز : وشو

منال وهي تلوي فمها : ولا شيء مابي شيء خواتك يتبلن علي

فايز : يلا منال وش تبين لاتستحين

منال: نبي نروح السوق عندنا ملكة ونبي نتقضى لها

فايز : طيب ومتى تبون

نورة : نبي ع المغرب

فايز وهو يفسخ شماغه : خلاص بوصلكم بس خليكم جاهزات بدري

ويلا عاد ابي ارتاح بغرفتي فارقن

نورة ونجلاء : طيب هد اعصابك بنطلع مابتطير مرتك

جات منال بتطلع وراهم بس مسكها فايز : وين

منال : معليش وخر يدك والله منيب رايقه اتهاوش

فايز : ومن قلك اني ابتهاوش

منال : انا لاني من اشوفك يفور دمي

فايز بقهر نفضها : انقلعي فالحه تضحكين وتبوسمين لغيري وانا قالبة وجهك

منال وهي تفتح الباب : عندك الي يسوونك وقفلت الباب

@@@@@@@@@@

ليش؟

فايز وهو متنرفز من الزحمة : وشو الي ليه

نورة : ليش تبي تنزل معنا السوق ماله داعي راح تضايق وتضايقنا معك بصراحه يعني من غير ماتزعل

منال : ايه صادقه نحنا مطولين وانت راح تربكنا

فايز : لا منيب رابكن يلا خلصن بسفط السيارة وبينا كول

منال : اووف اخوك هذا عنادي بشكل ينرفززز

نجلاء : ايه بصراحه دقه قديمه

نورة : خل ندخل لا يجي يسويلنا سالفه

في محل فساتين كانوا البنات ماخذين راحتهم ومو ماخذين بالهم من انفسهم ان اصواتهم علت

نورة : من جدك البس هذا مره قصير تبين امي تكفخني

منال عادي البسي معه كيلون ولا تجيبينه غليظ تصيرين لحجية جيبيه شفاف شوي عشان يبين انه في شيء تحته ( وبضحكة ) يعني انك سترتيه

نورة والفستان مرا راقلها وينفع حق حفلة خطوبة قصة الص*ر مررا فضيعه ومخصر جسمها الي مايل على الضعف راح يبين جسمها رويان

هذي اقتراحات منال فنانة العايله

نورة : لحظة منال وش معنى لحجية

منال بضحكة : هذي كلمة شرقاوية يعني انك ماتعرفين تلبسين الذوق بجهة وانتي بجهة ثانيه

نجلاء : اسم لله عليك ذووق وتفكير وروقان

منال : من ذوقك حبيتي

كان فيه شاب بالعشرينات شايف وسامع كل شيء

قرب منهم وصار يرمي كلام قليل ادب وجريئ نوعاً ما

والبنات من حماسهم ما انتبهوا قرب اكثر وصار قريب من مناال اكثر

الشاب بمياعه : انتي الذوق والحلا آآآه عيونك تدوخني وجسمك يذ*حني ممكن نتعرف

طيروا البنات عيونهم من سمعوا الكلام وخذوا الفستان وحاسبوا عليه وطلعوا وصار الرجال يلحقهم من غير اهتمام او خوف

نورة بخوف: والله لو يشوفه فايز حنتكفخ وبيرجعنا البيت

منال بارتباك : الخايس شكله بايعها ( وتلفونها يدق ) هذا فايز وش اقوووله

نورة ردي عليه وقوليله اننا بالحمام الي عند البوابه 3 ونقوله اذا وصل يعطينا دقه واذا شافنا الشاب معه راح يرووح

منال: من جد جبتيها

وردت منال وقالت له الكلام الي اتفقوا عليه

منال وهي تدور بعيونها ولقت الشاب مستند على الجدار تقدمت لفايز بخطواات كبيرة لكنه كان اقرب لمنال اكثر من قرب فايز لها

الشاب : والله مستعد انتظرك طول عمري طولتي علي

منال هنا غمضت عيونها وهي عارفه انها حفرت قبرها بيدها

بلحظة سمعت سب وكلام طالع نازل وبنات عمها جنبها

فككوا رجال الأمن فايز عن الشاب ورجع فايز للبنات وعيونه حمرررر من كثر العصبية

فايز : هالخايس من متى وراكم

منال ردت بحزم عشان تثبت انهم مو غلطانين : كنا بمحل وشوي ماحسيناه الا هو ورانا وكلام طالع نازل ومن كذا دخلنا الحمامات

فايز وهو يأكل شفايفه : وش قال

نورة : ما ندري ارتبكنا وانحسنا

فايز : اقول قدامي ع البيت انتي وياها ومعاد فيه سوق

منال : لا ماحنا بطالعينا من هنا الا لاقضينا

فايز بقهر قعد يناظرهن بغضب وكل وحدة خايفه من ردة فعله : تقضن وخلصني

كان الجو عند البنات مره مرتبك خصوصاً ان فايز مره قريب وثاني شيء انه معصب يعني لو ارتفع صوتهم شوي بيقلب الدنيا مابقعدها

ثواني دق تلفونه ومن شاف المتصل روق وموده انقلب 180 درجة رد وهو يبتعد وماسمعوا الا كلمة هلا والله

منال انقهرت عرفت من الي داق عليه ونورة ارتبكت وخافت لمنال

تحس بشيء لانها توقعت من الي دق

نجلاء بدلاخه ^_^ : وش فيه اف*ج عننا يبيلي اروح ابوس الي دق عليه

منال بقهر : خلونا نخلص واذا خلص بدق علينا وبيجي

نورة : صادقة منال

قعدوا البنات يدورون وفايز طول وهذا الي نرفز منال وحست بقلة الحيلة حست ب*عوور غريب حست انها ولا شيء كيف شخص متزوج يكلم ويغازل الا اذا كانت مرته ناقصة او ماتسوى شيء ( جاها صوت ) طيب انتي مو شايف منك الا المنافخ وقلبة الوجه بس حتى ولو انا بنت عمه ع اقل يحترم ابوي الي هو عمه

ماحست على نفسها الا وهي عند واجهة محل والي يشوفها يقول انها قاعدة تتف*ج ع الفساتين غصت بعبرتها التفتت حولها مالقت احد من بنات عمها لكنها شافته جاي لعندها رجعت لفت ع الواجهه ولكأنها ناظرته

فايز : ليه مشيتم من غيري وش قاعده تسوين لحالك وين البنات

ماسوت شيء منال الا انها خزته خزة تذ*ح الي قدامها ولمعت الدموع بانت بعيونها مشت من جنبه ودخلت المحل وهي تهدي نفسها وتبين اللا مبالاة شافت نورة ونجلاء يتشاورون ع فستان

نورة : وينك منال هذا كله تناظرين بالفستان

منال : ايه وينه ابي اشوفه

نجلاء بإستغراب: وش فيك منال هذا هو الي لنا ساعة نتناقش عليه

غمضت عيونها منال وهي تسمع صوته وراها ويقول رايه بالفستان انه قصير وماينفع

منال بعناد وهي توجه كلامها لنورة ولكأنه يكلمها : لا يجنن وانا ابي اخذه مره راق لي

فايز :ماينفع تلبسينه برا ( وبخبث ) الا اذا كان لي هذا شيء ثاني

نجلاء بهبال : ياااااااااهو في ناس هنا بريئين وما يعرفون هالسوالف

منال لفت وهي تقلب با ألوان الفساتين وماهي معطيته وجه :

لا انا راح البسه بالخطوبه

فايز بحده : قلت لا هذا ماينلبس برا البيت

نجلاء : وش فيكم فضحتونا

منال ببرود : كلمي اخوك مسوي سالفه ع فستان

فايز با استلعان : انتي خذيه وشوفي وش يصير

منال وتناظره بقهر: انا بلبسه ولا راح اغير رأيي انا يوم اني ببيت اهلي البس الي ابيه وابوي الي هو ابوي ما تحكم بلبسي

فايز ومقهور ووده يصفقها : بس الكلام عندي غير

نورة وهي شايفة الجو محتد بينهم : وش فيكم خلاص مايسوى الموضوع شوفي لك فستان ثاني

منال بعناد : بس انا عاجبني ومنيب طالعه من هنا الا وهو معي

بدأ يأكل فايز بشفايفه وهو يصبر بنفسه

منال تكلم البياع : can I find the smallest size, please ?

البياع : sure ma,am

فايز وهو مقهور : وش عندك انا طرطور

منال : بليز مانحنا بالبيت

البياع جاب طلبهم لكن رد عليه فايز وهو ماسك يد منال بقوة

فايز Thanks , we have changed our mind :

البياع No problem :

طلعوا من المحل ونجلاء ونورة مستغربين الي بين فايز ومنال

نفضت منال يدها من يده وهي مقهورة منه

منال وهي ترتجف: ليش كذا ليش تفشلني انت مالك دخل فيني فاهم

فايز بقهر: ايه هين مالي دخل فيك أجل من الي له دخل فيك

ماقدرت منال تتحمل الضغوط الي هي تمر فيها معاملتهم لبعض وسواته الي يسويها وانه يكلم ويغازل ولا هو محترم وجودها جنبه هي صحيح تعرف تتمثل اللامبالاة والبرود لكنها من داخل غيرهي شفافة وحسااااسة

قعدت تبكي وتشهق مسكت نورة منال ودخلتها اقرب دورة مياه ونجلاء دخلت وراهم

اما فايز طير عيونه ابد ماظنها تبكي هو ماخذ فكرة عنها انها انسانه بلا احساس او مشاعر ودموعها مستحيل تنزل : معقولة هذا كله عشان فستان لالالا السالفه اكبر من كذا بكاها من قلب بكاها حق قهررررر

@@@@@@@@@@@@@@

منال مالي دخل انا مو قادرة اشوفك واسكت انا لااازم اكلم ابوي

منال تحاول تماسك نفسها عشان ماتشغل اختها : لا ريوم انا بخير لا تدخلين اهلي بينا انا قوية واعرف اتصرف لا عاقت معي انا بقول لأبوي بنفسي بس انا من جد ابي انزل عندكم ابي ارتاح ابي اخذ فترة نقاهه

ريم بضحكة : الحمد لله وش فيك منال ضيعتي الناس يأخذون فترة نقاهه بدول سنعة انتي صراحة بتعبين نفسك بتجين الشرقية

اوووم الرطوبة

منال : تكفيييين جدة ألعن وألعنييين الرطوبة مغسلتنا

ريم : وين بنات عمك مالهم حس

منال : مشغولين بعمرهم عندهم ملكة خويتهم اليوم ومختبات بأعمارهن

ريم : وانتي منتي برايحه

منال : الا بس انا خالصة بس اسوي مكياجي وفستاني وتو بدري على هذا كله

ريم : وش بتلبسين

منال بقهر: اووف قهرني والله الفستان يجنن ياريم يخقق حتى القماش خقااق

ريم : والله من جد دقة قديمة زوجك هيئته من برا تقولين هذا مفتل ومتحرر لكن سوالفك عنه

منال : بصراحه احلى يجيك واحد متحرر كل شيء عنده عادي يحوم الكبد لالا بس فايز مزودها شوي

ريم بلكنة جداوية: ياااهو يابويا ايش المودوع بدينا نحوبه ولا ايش

منال : ههههههههه لا يا اومي ايش بك انتي ماحبيناه ولا بنحوبه

ريم ومنال ضحكوا على لكنتهم الجداوية الي ما ضبطوها صح

ريم :ماقلتيلي وش بتلبسين اليوم

منال بحقد : بلبس اخلع شيء بالدولاب

ايه ذكرت شفتي ذاك الفستان الي شريناه انا وياك وايمان من غير امي ماتدري

ريم بشهقه : من جدك انتي انا مدري كيف قدرتي تحاسبين لالالا منال انتبهي

منال وحلت لها السالفه : الا بضبط على وقت دخلته بخليه يموت حره وانا وياه متهاوشين يعني مايقدر يكلمني

ريم بتحذير: لا راح يقلب مودك ويتهاوش معك فا إكتفي شره احسن لك

منال: الا الا راح البسه

ريم بضحكه : تخيلي منال يلحجك يخليك تلبسين بدي وتحت الفستان يلبسك بنطلون يظنه بلوزة ههههههههه

منال : ما استبعد عنه شيء قلك يغار مالت عليه

ريم : من جد اتخيل شكلك

منال لاتلبسينه ظهره ثلاثة ارباعه مفتوح ومافيه اكمام ولنص فخذك وان جلستي فخوذك كلها بتبان

منال بخبث : احلى شيء

ريم وشعرك كيف بتسوينه

منال بتفكير : اممممممم أنا ودي افله صاير يخقق من بعد ماقصيته عليها قص يجنن شكلي لانزلت عندكم بروح عندها تعدلي اطرافه ( بخبث ) بس بما ان فستاني مفتوح من ورا لازم ارفع شعري عشان يبان ظهري وارفع ضغطه

ريم : منال البسي غير الفستان وفلي شعرك مالك داعي ترفعينه شعرك عذااااب

منال : اممممممممممممم تقولين خلاص راح اسويه ويفي واحطه على جنب

ريم : يقلع ابليسك احسك بتطلعين خقاااااق وقوليلي الهوشة الي بتصير

منال : انتي من جدك بتصير هوشه مارح يصير شيء

ريم بحماس : هو اسود صح سوي روج احمر ومناكير احمر وارسمي عيونك بالأينر

منال : لاتوصين كله راح اسويه

يلا ريومه معاد الا خير بقوم بصلي وببدأ اضبط عمري لا أخرهم

@@@@@@@@@@@@@@@

كيف امورك هالأيام عساك مستقر

فايز : آآآآآآآآآآآه يا معاذ خليها بالقلب تجرح

معاذ : اووووف سلامتك يا خوي وش فيك

فايز : حاااس أني مقصر مع بنت ابو كمال ما اكلمها تمام طول الصباح الى العصر بالدوام والوقت الثاني مقابلين التجار والمال والحلال والليل هوااش مع بنت عمي

معاذ بتنهيدة : وش اقوولك يا فايز معاد ينفع العتاب بس هالكلام كله قلته لك وانت كنت واثق وما سمعت كلامي المهم الله يعينك

فايز :آآآآآآآآآآه انا تعبان قلبي مقبوض احس اني من جهة بنت ابو كمال اني نذل وحقير كنت معشمها وبحط لها القمر بـ ايد والشمس بــ ايد واني بسوي فيزتها وبجيبها جدة

والمصيبة بنت عمي حاسة ان فيه شيء وتحذف كلام وانا مسوي اني مو سامع ومو منتبه ( وبتنهيدة )

يلا انا ماشي معاذ توصي شيء

معاذ : سلامتك حبيبي انتبه لنفسك،

@@@@@@@@@@@@

اهلين بابا تفضل

ابو كمال : كيفك بنتي شو عاملة

غدير : منيحة من الله كيفك انت كيف كمال وماما ام كمال

ابو كمال : كلنا بخيرر كيفه جوزك

غدير : الحمد لله كل يوم بحاكيني

ابو كمال : ما خلصت الفيزا تبعك

غدير : لا يا بابا بئول انه بعامل فيها لسى

ابو كمال : بدك السدئ بابا

غدير : شو

ابو كمال : جوزك هاد مني مرتاحله بنوب

غدير : لا يا بابا ماتئول هيك فايز كتير منيح وبحبني

ابو كمال بجدية : انا لازم اتصرف معه بشوف أي احد من ئرايبينا ( اقاربنا ) هونيك

غدير بخوف : لا بابا ماتحكي هيك فايز بحبني ومنيح

ابو كمال : ماتخافي إن شاء الله كل شيء بكون ok

غدير بخوف والهواجس بدت تتلاعب فيها : إن شاء الله بابا إن شاء الله

@@@@@@@@@@

فتح باب الغرفة والمواضيع الي فتحها مع معاذ هدت حيله

تنح من الي قاعد يشوووفه

هذي منال بنت عمي الملسونه ولا ملااك

منال ما كانت منتبه له كانت مخلصة كل شيء شعرها مكياجها لبسها كل شيء مابقى الا رتوش كانت تحط البلاشر اللحمي على خدودها البارزة المرسومة

حست في نفس في الغرفة وكل قواها ووقاحتها الي بتقابل فيها فايز تبخرت استحححححت حيل ولعنت هبالها وجرائتها لفت راسها وهي تكلم نفسها الي بديتيه يا منال كمليه

تصنعت القوة وهي كذابة الرجفة في كل جسمها : في شيء تطالع فيه

فايز بخققان ونسى الي قدامه منال : ليه في احد غيرك يستاهل اني اطالع فيه

منال بغباء وردها ماله داعي : اسم لله علي ما شاء الله تبارك الله

فايز رفع حاجب : يعني اني بنظلك مثلاً

منال مرتبكة وتأخذ اشياء من التسريحه وترجعها وماتعرف وش تبي : ايه ليش لا

فايز وهو ماشي جهتها وملاحظ احراجها حط العطر الي بيدها ورجعه : لا تخافين ما أحسد الناس الي أحبهم

ناظرته منال من تحت لفوق : طيب

فايز انقهر من ردها : وشو الي طيب

منال : ممكن توخر ابي امر

فايز بقهرر : مدري ليش انا من اشوفك تطلع اباليسي

منال ابتسمت

فايز : وشو الي يخليك تبوسمين

منال : تذكرت شيء يضحك ما أضحك يعني

فايز الي يبغى يهبل بها : وش الحلا هذا ربي يحفظك لي

منال طارت عيونها اعتراف خطير هذا منه ابتسمت بحياء ماقدرت تخفيه : نورة ونجلاء ينتظرونا لا نأخرهم

فايز ومية علامة استفهام : ليش وين رايحين

منال بخبث : يعني انا ليش لابسة بنروح ملكة صديقة نورة ونجلاء

فايز طير عيونه : ونا علبالي لابسة لي انا

منال : وليش البس لك انت عندك الي يسوونك ( قالتها وهي تناظر عيونه بقوة )

فايز : انا ابي افهم وش قصدك ترمين كلام ونغزات عندك شيء قوليه صريح

منال بجمود : انت فاهم وانا فاهمة لا نلعب على بعض

فايز : فهميني منيب فاهم

منال : فايــــ

قطع عليهم حدة نقاشهم

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لا احلل مسح اسمي من على الرواية ..

تجميعي : ♫ معزوفة حنين ♫..

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الجزء السابع

منال : فايــــ

قطع عليهم حدة نقاشهم دقة الباب

وصوت نورة : منال خلصتي

منال : تأخرنا كثير ممكن تتركني عشان ما ابي نتأخر زيادة

فايز بحدة : وانتي بتطلعين بهــ اللبس

منال بملل : رجعنا لموضوع اللبس

فايز : نحنا مانتهينا منه عشان نرجع له

منال بملل : اووووو فايز مو وقتك

فايز بقهر وصوته اعتلى : مناااااااااااال اسمعي الكلام

دخلت نورة منفجعة من صوت صرخة فايز

نورة بخوف: وش فيكم

فايز بعصبية : والله ثم والله يامنال ربع ساعه بطلع وان رجعت وانتي باقي ع لبسك ما تضمنين وش اسوي

منال بقهر : وش بتسوي يعني وش بتسوي لا ربع ساعه ولا ساعة شيء عندك الحين سوهه

فايز وهو ضاغط على اسنانه : نورة عقلي بنت عمك

نورة : فايز وش فيك مشتط الحفلة حق بنات

فايز ينهي الموضوع : نورة الي قلته مارح اعيده

منال بقهر : منيب رايحه ارتحت

فايز احسن

نورة : حبيتي منال الله يخليك عشاني اكتفي الشر وخلينا نروح الله يخليك ودي بك وودي اعرفك على صديقاتي عشاني ( وباستها ) الله يخليك يلا قبل يخترب مكياجك

منال وبدأت تهدى : والله عشانك

نورة : اوكي ماعليك منه تراه معقد

غيرت اللبس ع لون مناسب للمكياج ولبست فستان ابيض سواريه

بين تفاصيل جسمها المنحوت

الغريب ان فايز كان بعلق ع الموضوع لكن حس انه مصخها

@@@@@@@@@@@@@@@@

ها يمه كيف فايز معك ترا ان سوا لك شيء حله عندي لا يردك الا ل**نك وأنا اوريك فيه

منال : لا عمي لا تشغل بالك نحنا تمام ومن أحسن مايكون

ابو فايز: الحمد لله ولد عمك كل يوم بمزاج وما ينعرف له

منال ابتسمت

ابو فايز بضحكة : داخلين ع رمضان والله يعينك الصوم هنا مهوب مثل الشرقيه

منال ضحكت : توني اقول لريم امس تعالوا ترمضوا عندنا قالت لا المغرب يبطي عندكم بنجي نعيد

ابو فايز : يا لله انك تحييهم

منال : الله يسلمك ياعمي ويعز مقدارك

دخل فايز المجلس : هلا يبه مساك الله بالخير

بو فايز : مساك الله بالنور والسرور

بو فايز : ها بشر عساهم أعلنوا بكرة رمضان ولا لاء

فايز : والله مدري يبه ( وهو يأخذ الرموت) دامهم تأخروا أكيد بعد بكرة

منال بعقل : بكرة ولا بعده عسا الله يعينا على قيامه وصيامه

فايز رفع حاجب وكأنه يقوول والله مغتشين فيك العيله

بو فايز : الله يكملك بعقلك يمه والله ما غلطنا يوم أنا تخيرناك من بين كل البنات

ناظرت فايز وفايز ابتسم بإستهزاء

وهو يقرأ الشريط الأخباري الي أعلنوا انه بعد بكرة رمضان

@@@@@@@@@@@@@@@@@@@

شووووووووو

ابو كمال ومقهووووووور على حال بنته :الكلام الي سمعتيه يابنتي هيدا الشاب الي حاربتيني من شانه مجوزك هون وكل ماحب جاء لعندك يغير جو لئاك بإستئباله ارخصتي بنفسك يابنتي وأنا الي شاركتك بالي عملتيه

غدير وحياتها معه وكل تصرفاته معها ماتتخيل انها كذب كانت تشوفها بعيونه وتشوف الصدق والحب والخوف سدت اذونها وهي ماتبغى تسمع كلام ابوها : بس يا بابا بس بكفي بككككككككفي خلاص

ابو كمال ومن قهره قاعد يقسى على بنته : لا مابكفي ومجوز هونيك بنت عمه ومبسوط معها ومجوزها بالنووور وانتي بالسر

غدير : لا يا بابا فايز أهله كلهم بيعرفوا انه مجوزني

بو كمال : وليش ما إجوا معه ليــــش

غدير بقهر : بابا مامته وخواته حكوا معي وباركو لي

بوكمال : بكزب عليكي بئول الفيزا ماخلصت والفيزا لناس مثله مستحيل تكون صعبه عليه بفترة ئصيره بخلصها

غدير بكت بعنف بكت حبها المكتوم بكت حياتها بكت كل شيء كل شيء وانهارت بكل قوة وهي ترتطم بالأرض وحالها يصعب على الكافر

@@@@@@@@@@@

دخلت الغرفة تبغى تدخل دورة المياه لقته مسكر وعرفت انه فيه

شدها شيء سمعت صوت غريب طالع من الحمام

طيرت عيونها وهي تسمع فايز يبكي كان يبكي بعنف كان يتأوه وجعها قلبها عليه ما جاء فبالها مستحيل فايز يبكي فايز في بالها انسان مغرور ومستحيل تنزل دموعه او يضعف مهما كان السبب

طلع من الحمام ولقاها بوجهه كان كارهها وكان كاره انها تشوفه بهــ الضعف هو مستحيل يبين لأحد ضعفه فكيف بإنسانه يبغضها وهي السبب بكل الي هو فيه

فايز بكره وحقد وصوت عالي : وش تبين ها وش تبين واقفه هنا وخري عن وجهي الله يلعنك ويلعن ساعه عرفتك فيها

منال بقهر : ليش تنافخ علي احترم نفســـ

ماكملت كلمتها لأنها لقت نفسهاااا مرمية على الأرض بغمضة عين وباب الغرفة هز الغرفة من قوة التسكيرة

@@@@@@@@@@@

ريم تمزحين وصلت معه لكذا

ريم بقهر : شفتيه الحقير انا مستحيل اسكت لازم اكلم ابوي ويتصرف معه

ايمان بدموع مكتومة : لا ريم لا تسوين شيء من غير ماتدري اخاف تزعل صدقيني مارح يعجبها حابه تقولين لأهلك اول شيء خذي الاذن منها

ريم : آآآآآآآآآآآآآآآآآآآآه منال منال الي مستحيل احد يدوس لها ع طرف او يأذيها تنض*ب ايمان اخاف يتعود ع هالشيء

ايمان بقهر : مدري مدري

وينها هي الحين

ريم : هناك مع امي

ايمان : وش عذرها انها عندكم

ريم : انها مشتاقه لنا وتبي تقعد يومين عندنا

@@@@@@@@@@@

مسك يدها بحب حبيتي سلامتك حبيتي غديـــ

سحبت يدها منه ونظراتها تصعب على الكافر كانت نظراتها أليمة وتايهة كانت تعبانه شوي بوصفها كانت منهارة كانت ميته روحياً

فايز بألم : حبيتي لاتقسين علي انا مالي ذنب مالي ذنب انا تعبان

صارت غدير تصرخ بكلمات غير مفهوومة كانت تنطق كلمات مثل

خاين – برا – كذاب – حقير

فايز منهبل من انفعالها مستحيل الي قدامه هذه غدير مستحيل

دخلو اللمرضات ومسكوه وطلعوه برا وهو يشوفهم يعطونها ابرة تخدرها وترحمها من حالها الأليم

سند راسه على الجدار ووده الي هو فيه حلم ولا يتم للواقع بأي صلة

@@@@@@@@@@@@@@@@@@@

بو كمال الله يخليك طمني عنها وش اخبارها

ابو كمال : شو بدك منا شو بدك ذ*حت بنتي وجاي تكمل عليها خليها تنساك حالة بنتي كتير حرجة من سيء لأسوء

فايز بألم : تكفى خليني اكلمها اسمع صوتها

بو كمال : بدنا اياك تطلئها وتتركها بحالها

فايز طير عيونه : وشووووووو وشو تقول يبو كمال وش هالكلام

بو كمال بقسوة : هي الي ئالت هالحكي انا ماجبت شيء من عندي

فايز بقهر : خلني اكلمها ابي اسمعها تقولها لي

بو كمال: نايمة الدكتور موصيها تهتم بصحتها

فايز : برجع اكلمها وقولها فايز يبيك ضرروري

مع السلامة

بو كمال قفل السماعة من غير مايرد عليه

غطت وجهها بيدينها الثنتين ودخلت بنوبة بكاء هستيري

بو كمال بقهر والم وكل مشاعره متلخبطه مقهور منها وعليها : ليش عم تبكي ليـــــــــــــش هيدا الي بدك اياه

غدير بألم : بابا بكفي بكفي مني نائصه تزيدني وتجرحني

طلع بو كمال من الغرفة صافق الباب من وراه

وهالشيء اعطى غدير المساحه بانها تأخذ راحتها بالبكي وتفريغ قهرها وألمها

@@@@@@@@@@@@@@

مروا يومين

جهزي عمرك بكرة بحجز

ببات ليلة والي بعدها بنرجع جدة

منال ببرود: وش المطلوب مني

فايز يصبر نفسه : مدري كأني قلت جهزي عمرك

منال : والي يقولك اني ما ابي ارجع معك وش تقول

فايز بتنهيدة : منال ابوي مريض وما ابيه يطيح مرة ثانيه من غير مشاكل ولا شوشرة سوي الي اقولك عليه

منال وصوتها اعتلى : يا سلااااااام وانا كل مرة بصبر واتحمل وبعدين تجي بكلمة تقولي عشان ابوي مريض

شوف يا فايز ترا انا لي اهل تاعبين علي ويبوني ومو انت الي تجي تطلع عقدك فيني وقالتها بكره واستحقار ( يابو البنات )

فايز ووده يرميها بوجهها ويقولها غدير زوجتي من قبلك وحبيتي من قبل لا اشوف وجهك : استغفر الله انتي من وين تجيبين هالكلام

منال بقهر : انا منيب هبلة ولا بزر تكذب علي انا عارفه انك كل مابغيت تسافر عند الي ماتسمى حطيتني عند اهلي وش قالولك انا ( وبصوت عالي) ماعندي كراااامه ولا ايش

شوف يا فايز انا الزم ماعلي كرامتي والزم ماعلي نفسي تفهم يعني لو مابتحترم نفسك معاي راح اقلب الدنيا عليك من طيب اصلي لألحين ماقلت لأهلي ولا عمي

بكلمة مني لهم راح تشوف قدرك انت وبنت الكلب الي مطيح لي عندها

فايز بقهر: شــــــــــــــــــــــــــــــــــــــــــب لعاد اسمعك تقولين كلام مثل كذا تسمعين

منال بدموع مكتومة : ياسلام الصدق ينزعل منه لو انها بنت ناس كيف ترضى تكلم واحد متزوج ومايقرب لها شيء ومتى مابغى كلمها وسافر لها ولا زهق منها سفطها

فايز : انتي وش قاعدة تخربطين وش قاعدة تقولين

منال مقهورة انه قاعد يتلاعب فيها ويعاملها مثل المجنونة الي تألف سالفه وتصدقها : فايز الحين الحين ترمي علي اليمين الحيييين

فايز : منال كلامك عندك بكرة انا بالشرقيه وبعدها اثنينا راح نكون بجدة هذا الي عندي باي

حذفت التلفون وهي مشتته مقهورة منه قاعد يهين ويذلني هو مو عارف مين منال الي ماينداس لها طرف صبرك علي يافايز ان ماربيتك ما أكون منال

قامت لما سمعت اهلها ينادونها ع السحور ما امداها تشبع من اهلها بترجع ثاني للقهرر والتعب والالم مر اسبوع وكأنه يوم بنظرها

@@@@@@@@@@@@@@@@

الحال بينهم أسوأ كانت السفرة الأخيرة مو من صالحهم اثنينهم لأنهم رجعوا لبعض وحالتهم النفسية سيئة لأبعد الحدود حتى الكلام بينهم قليل جداً بنسبة لــ منال كانت مقهورة منه ومتألمة كيف انه يمد يده عليها وغير كذا صارت تعرف سفراته ومكالماته لوحده غيرها عشيقه له هالكلام مؤلم بالنسبة لها وهالشيء كانت تكتمه بقلبها بحجة انه مايعنيها ولحد الآن هو مايعنيلها أي شيء لكن الامور وصلت لمكان مسدود الي قاعد يسويه هذا جرح لها وعدم احترام وذل واهانة وهي مو قادرة تتكلم قدام اهلها ويمكن هذا السبب الي مخليه مستقوي عليها

أما الحال بالنسبة لــ فايز كان متدهور مرض ونفسية غدير السيئة هو السبب الأول والسبب الثاني يجهله لكن الي يعرفه ان معاملة منال له شيء متعبه مايحب يكون مهمش طول عمره هو المسيطر والقائد هو مايحبها وكانت تصرفاتها توتره بعض الشيء ومجرد ما يفترقون ينسى كل الي صار بينهم لكن الحين تصرفاتها واي شيء يص*ر منها يضايقه حتى لو كان سبب جداً تافه والشيء الي تندم عليه مدة يده عليها حتى لو كانت دزة ًبسيطة لكنها تعتبر مدة يد هو مو كذا ولا يحب يكون كذا تعــب جداً تعب ونفسيته في الحظيظ

دخلت الغرفة ولقته فيها لفت بترجع تخرج سمعته يناديها

فايز: منال اسمعيني ولا تطلعين

منال ما اعطته ادنى اهتمام وطلعت

لكن فايز كان اسرع منها ومسكها

فايز : لحظة منال خلينا نتفاهم

منال من غير ماتناظره : شوف ترا حتى اسمك ما احب انطقه فتركني لأني ما اظمن وش يصير فيني ( وبحده بصوتها ) اتركني

فايز بقهر :يعني لمتى ع هالحال لمتى

منال : وبعدين معاك تراني متحمله مقابلك عشان ناس يعزوني واعزهم واحبهم فلا تخليني الحين افطر وبسببك ابعد عني

فايز نفض يدها : صدقيني بتدفعين الي تسوينه غالي

منال بنبرة استهزاء : صدقني ماتهمني

مجرد ماطلعت قفل الباب وراها بقوة خلاها ترتجف من قوة الصوت خذت نفس عميق وهي مستغربة القوة الي متجلدة فيها عيشتها مع فايز علمتها صفة الصبر بالإضافة الى اللامبالاة وتمثيل القوة .

@@@@@@@@@@@@@@@@

فديتها منوله العام مثل هالأيام كانت تتقضى معنا للعيد فديتها والله وحشتني

ايمان بحنين : اسكتي لاتبكيني مدري كيف متحملة فراقها احس اني انجز انجاز وانا بعيدة عنها عمري بحياتي ماتصوررت أننا نبعد عن بعض كنا نقول حتى ازواجنا يا يكونون اصدقاء او اخواان

ريم وماتبغى تقلبها دراما سوت نفسها تبكي وقعدت تشاهق وتستهبل : لا لا مستحيل مش عاوزه اسدئ ايه الي بتئوليه دا

ايمان بقهر ض*بتها بكتفها بقوة خلتها تميل عن مكانها