دليل حبك

البارت الخامس

منال منال منال قومي

فركت عيونها وهي تشوف فايز لابس وكاشخ وكأنة ليلة زواجهم امس لكن مبين عليه مانام من الهالات السوداء المحاوطة عيونه

فايز بغرور: لا خلصتي تتنيح فيني قومي جهزي عمرك ترانا تأخرنا

رفعت حواجبها وهي ودها تطعنه ما اعطته ادنى اهتمام وقامت للغرفة تجهز عمرها بوقت قياسي

جلس ع الكنبة والارهاق مالي ملامحه والألم هاد حيله وهو يتذكر كلام غدير وعتابها له

داخل الغرفة

واقفة قدام المراية وهي تتذكر كلامه وتقلده بق*ف لاخلصتي تتنيح فيني قومي جهزي عمرك مالت عليك

لكن انا السبب انا الي قعدت اطالع بوجهه اوووف وش اسوي عادتي ومارح اغيرها افهي في الي قدامي ساعة من اقوم طالعت نفسها بالمراية بغرور بنشوف من الي بتنح في الثاني

أهم شيء انها فلت شعرها الغزير الطويل الي واصل لنهاية ظهرها وهي قبل زواجها بــ اسبوع قصة اطرافه ودرجته وهالشيء اعطاه حيوية

فستانها كان رايق ومناسب لصباحية مشمشي فتحة ص*رة كبيرة نوعاً ما وقصير لركبتها ظل بلون الفستان لكن الي لعبت فيه هو كحلها غلظته ومسكرت رموشها مع جلوس شفاف وبلاشر لحمي هي جميلة واي شيء تسويه لو كان خفيف تبرز جمالها وهالشيء هي واثقة منه فكرت تلبس عباتها لكن جات في بالها فكرة مجنونة : بلبسها بالصالة عشان اشوفه كيف ينهبل علي طلعت من الغرفة وهي تطالع طريقة جلسته ممدد رجولة الطويلة على الطاولة ومغمض عيونه تحس انه يجذبها بحركاته العفوية شكله بالحظه هذي مثل البيبي

فتح عيونه ولا قدر يغمضها من انبهاره فيها لما سمع كلمتها انا خلصت

منال بغرور: لا خلصت قز خل نطلع معاد الا خير

فايز بــ استحقار وبإبتسامة جذابه : دريت انك حلوة وماخذة بنفسك مقلب لكن ماتسوين شيء بعيوني ( قالها وهو يعدل شماغه بمراية الصالة )

منال ببرود : ايه احسن كود افتك من مقابلك وقريب إن شاء الله

@@@@@@@@@@@@@@@@

بعد شهر بالاردن

فتحت باب الشقة وهي مو مصدقة عيونها حضنته بكل قوة وهي تعزي نفسها بغيابه عنها شهرين بدأت تبكي بعنف وتشهق ومو قادرة توقف

مسح ع راسها وهو منهبل من طريقة بكاها وفي باله شيء واحد كيف بكون حالها لاعرفت دنائته وبشاعته وحقارته بعد نص ساعة تقريباً

فايز باهتمام : غدير ليش هاملة نفسك ومهملة صحتك ما اتفقنا على كذا

غدير تمسح دموعها وتمسك يده بقوة : خليك مني انتا كيفك وكيف صحتك وامورك وشغلك طمني على كل شيء ما تخبي شيء عني

بدأ فايز يحكي لها عن كل شيء وصحته واخباره بــ إستنثناه خبر زواجه الي اكيد راح يذ*حها لو درت عنه

@@@@@@@@@@@@@@@@@@

يلعن ابليسك اثر الزواج يحلي ونا مدري

منال : قومي فارقي أي زواج واي بطيخ عارفة شهر كامل وحنا ق*فانين من بعض تقولين حوامل وكل وحدة كبدها حايمة من الثانية

ايمان تسدحت ضحك من تعليق منال

منال بــ ابتسامة : ايه ايه اضحكي وش عليك عارفة حرام شهر عسل كامل ومصاريف على اثنين مثلنا

تدرين ايمان انحطيت بموقفين مثل الزفت هناك شيء الله لا يوريك

ايمان بحماس : وشو احس فيه اكشن

منال : اكشن وبس الا احراج

كنا بالسوق انا وياه قاعدين نتقضى هدايا وشغلات خلاص كانت بــ آخر الايام تقريباً دخلت بنوتة تعطينها 15 سنة تقريباً قعدت تقز فيه تبين الصراحة من غير كذب كان يخقق لو مو هو زوجي خطبته

ايمان متسدحة ضحك : وش فيك انتي خبلة تراه زوجك

منال : ماعليك انتي فوتي كان لابس جينز وقميص ابيض وشعره مسرحه بطريقة عذاااب

ايمان : المهم ماعلينا خلك من الغزل فيه

منال : من جد مالت علي المهم وين وصلنا

ايمان : عند البنت الي عمرها 15 سنة

منال : ايه وخليجية تخيلي راحت جهته وبصراحة البنت نعومة وكيووت سألته انت خليجي وأنا كنت أناظرهم من مكان بس هم مايقدرون يناظروني

رد عليها الاخ بالله ايه امريني مسوي فيها جنتل

البنوتة والدلع يقوطر منها مالت عليها لا بس حبيت أسأل

رد عليها تبين مساعدة أي شيء تراني حاضر انتي مضيعة اهلك

البنوتة لا شكرا ما قصرت

عاد انا يا ايمان ماتحملت جيت وكأني بحاسب ع الاغراض ايه فايز انا خلصت يلا نحاسب

فايز التفت لي زوجتي

البنت هلا والله تشرفنا ترا زوجك وسيم حطي بالك عليه وراحت وانا منبطة منها شوي ولا اسمعه الكريه

ما شاء الله وين الاغراض الي تبين تحاسبين عليهم

انا انحرجت لان كانت ايديني فاضية طاح وجهي والي زادني ابتسم ذيك الابتسامة الي تنرفز ترا حركاتك مكشوفة وثاني مرة اقولها لك تراك ولا شيء بعيوني

ايمان بقهر: عمى إن شاء الله غ*ي غ*ي والله شايف نفسه زوجك وماخذ بنفسه مقلب

منال : قهرني ومسوي فيها رجال وشهم ويساعد وانا زوجته قدامه مفروض يحترمني

ايمان بخبث: بصراحة ايمان انا اشم ريحة غيره

منال بقهر : انا عارفة الموضوع بنفهم كذا بس بجد الموقف يستفز حتى لو كان قلبي حجر

ايمان : والموقف الثاني وش هو

منال : الثاني العن والعنين تخيلي كنا بمكان زحمة مرره وانا موتي ولا امشي جنبه واخلي مسافه بيني وبينه المهم ما وعيت الا وانا مضيعته وابكي ذاك البكى يا ايمان الي عمري في حياتي ما ابكي كذا وتجيني الافكار الي تفجع والحظ التافه جوالي بطاريته فاضية

السالفة صارت 4 العصر وجاء وقت المغرب وظلمت الدنيا وانا بــ مكاني ماتحركت قعدت اسب نفسي مسوية كرامة حتى وانا بالغربة شوي الا يطلعون السكارى والي يترنحون من كل جهة انا ذاك الوقت قلت خلااااص انا انتهيت شوي الا اشوف سكران ومسكني وصار يخربط

You are beautiful come with me plz

انا صرت اصرخ وهناك كلن بحاله محدن حولي وهو ما خاف صار يخربط ويقولي do not shout no body hears you

وشوي الا احس واحد ماسكني من زندني التفتت وانا أصرخ وابكي الا القاه فايز لو شفتيني كيف تعلقت فيه ومن بعدها ما حسيت بــ شيء الا وانا بالفندق ونايمة ع السرير وهو نايم على الكنبة الي جنبي وأنا أحمد الله انه ماصار شيء لي عارفة أيمان جاني احساس اقوم وابوسه واضمه واشكره على الي سواه معي كنت أناظره وانا ممنونة له كان تعبان ومجروح بــ جبهته فــ عرفت انه اكيد متهاوش مع ذاك السكران

فتح عيونه و**رت النظرة وغمضت عيوني وحسيت بـ ايده ع جبهتي وصوته لالحين يرن بــ اذني كان حنون بصراحه ذيك الساعه حبيته قالي كيفك الحين عساك طيبه تذكرت ان كرامتي الزم ما علي : مو شغلك وعطيته ظهري

رد علي وصوته يخوف وأحسه بكفخني : قلعتك مالت عليك انا طالع وانتي انثبري هنا مو تسوين فيها قوية وبعدين تصيحين

انا رديت عليه : احسن توفر ا**جين وتريح

ايمان بذهول ورعب : موقف رهيب يخوف يا منال انا وقاعده اسمع السالفة و اتخيل الي تحكينه وقف شعر جسمي كيف انتي وشلون قدرتي تقعدين بالغرفة لحالك بصراحة لو انا اتعلق بــ فنيلته ما اخليه يفارق عيوني

منال بغرور : لا ياقلبي انا الزم ماعلي كرامتي

ايمان : بصراحة يا منال انتي تنرفزين اسمحيلي ع هالكلمة

ايمان ايمان ايمان

ايمان : حياتي منال ماجد يناديني شوي وارجع لك

منال انقلبت ملامحها للاحمر ومستغربة ارتباكها : خذي راحتك

@@@@@@@@@@@@@@@@@@@@

ها حبيبي شو بدك تلبس ع العشاء اليوم

فايز وهو يأخذ منشفته وداخل الحمام وبخبث : ع ذوقك وأنا وش م**لني غيرك

غدير بحياء : تسلم لقلبي يا قلبي

بدت تطلع له ثيابه وهي الدنيا مو سايعتها فرحانه فرحانه مره انها بعلم وان فايز عندها وقدام عيونها

@@@@@@@@@@@@@@

بضحكه ردت : هلا بنوره هلا امداني وحشتك تو امس انا عندكم

نورة : بصراحه انتي وزوجك ماينعرف لكم تقول كأنكم متهاوشين مانتم عرسان وجايين من شهر عسل

منال بأبتسامة وتفتح الإسبيكر : ليه وش صاير

نورة : ابد بس انتي شلتي شناطك ع الشرقيه وهو شل شناطه وســـ

منال تقاطعها وهي عاقدة حواجبها : مسااافر وين مسافر

نورة وتلعثمت وحست انها خارتها : منال اكلمك بعدين امي تناديني

منال :باي

نورة : باي

منال بذهول وحيرة واستغراب: وش السالفه

ايمان بنفس الذهول : علمي علمك

عارفه منال السسالفه واضحة وضوح الشمس

منال بحيرة : نوريني يا إيمان

إيمان : لعثمت نورة مهيب طبيعيه شكل فايز بالأردن عند هذيك البنت الي حكالك عنها

منال بقهر : مستحيل فايز لو كان أنجس الخلق وأخسهم مستحيل يسوي كذا فايز تربيت عمي كيف يترك زوجته ويسافر للوحدة ما تقربله شيء

إيمان بقهر على حال صديقتها : منال إهدي والي بقولك إياه تسوينه

@@@@@@@@@@@@@@@

الحال بالأردن غيرررر أحسن مايكون فرق السماء والارض بين فايز و*دير وبين فايز ومنال

فايز كان وده يحط غدير بعيونه حتى نسمة الهواء مايبيها تخدشها او تأذيها

ماسك يدها بحب ورقه خوف انه هو يأذيها ناسي كل شيء وناسي حتى انه متزوج منال وانها تنتظره بالشرقيه واسبوع اتفاق بينهم يخليها عند اهلها ويجي يأخذها من الشرقيه وعلى جدة على طول

غدير ماسكه يد فايز بقوة ومتشبثه فيه خوف انه يروح منها وبنفس الوقت تخاف انها تحلم وان الي هي فيه مو واقع

لحظات قصيرة وفايز وعى من سرحانه على صوت غدير وهي تغني بكل حب وصوتها يحلي الأغنيه الي تغنيها

أول مرة تحب يائلبي اول يوم اتهنى

يا ما على نار الحب ئالولي ولئيتها من الجنة

ليه بئولو الحب أسيه ليه بئولوا شجن ودموع

أول حب يمر عليا ئاد لي الدنيا فرح وشموووع

افرح واملى الدنيا أغاني لا أنا ولا أنت حنعشئ تاني

افرح واملئ الدنيا أغاني لا أنا ولا أنت حنعشق تاني

اول مرة اول مرررررررررة

فااايز وهو متنح بصوتها وجماله ورقته الي اول مره يسمعها وهي تغني : غدير وش هالصوت الي معك

غدير : لات**فني حبيبي

فايز بحب : والله ما أكذب ولا أجامل صوتك بجد رهيب خطيرررر

غدير بحياء : اتركك من صوتي الغنية إالك

فايز : غدير عارفه وش ودي الحين

غدير : شو

فايز : اصرخ بكل صوووووتي واقول يا ناس هذه حبيبتي ويابختي أنا بحبيتي

@@@@@@@@@@@

3 أيام مررت

ريم بقهر : منال مال امك داعي ماصدقت يوم جيتي وقلتي بقعد اسبووع ألحين تخونين

منال بقهر : والله حتى أنا بس في شيء هناك لازم اسويه

ريم : بدينا نخبي خلاص تزوجنا كبرنا وصار عندنا أسرار

منال : بقولك بس وعد ماتقولين لأحد سرر بيني وبينك

ريم ::: أوعدك

@@@@@@@@@@

بعد 5 ايام

دخل الصالة وهو زعلان انه قضى أحلى ايام حياته مع غدير وهو مو شبعان منها كان وده يقعد معها طول العمر ظل يصبر نفسه لسفره الجاية كشت ابتسامته وعيونه تطيح على اول زوج من العيون تناظره بحده وقهر

فايز وبو فايز ونورة ونجلاء : الحمدلله ع سلامتك

فايز بغضب من الي جالسه هنا ومن يشوفها يتكدر ويرمي كل الاسباب الي مفرقته مع غدير منال هي السبب الوحيد الي عايق اتصالهم مع بعض

فايز ويتمالك اعصابه : الله يسلمكم إن شاء الله

منال وعيوونها تقطر قهر وغضب ونيران بتحرق فايز وبنبرة غريبه جداًً : الحمدلله ع سلامتك سلامة الأسفار

فايز ومستغرب النبرة : الله يسلمك

بو فايز ومو عارف عن سفرة فايز للأردن الا نورة وبس : وينك فيه رايح وتارك عروستك هنا

فايز بضحكة وارتباك : الله يهدينا وياك يبه انا قايلك سطام خطوبته ولزم اننا نكون معه انا ومعاذ وقعدنا معه ورحنا لـ ا****عة الي خطب عندهم واتفقنا نحنا وياهم على كل شيء وبإجازة العيد بنحضر ملكته

ام فايز : روح يمه ريح وتالي احكي لنا وش صار معك

فايز: صحيح تعبان وهلكان توصون شيء

الكل : سلامتك

دخل غرفته ومن واجب منال إنها تدخل وراه عشان تشوف وش يحتاج وش يأمر فيه وهي تغصب نفسها ع الشكليات قدام اهلهم

لف عليها ولقاها متكتفه ورا الباب وتناظره نظرات مستفزة

فايز وهو رافع حواجبه : خير إن شاء الله تعالي اض*بيني اصرف مع هالنظرات

منال وهي تصد وبغرور وداخلها نيررران شابه : عسى ماشر اض*بك وانجس ايديني بواحد ل**ب ومسافر يقابل وحده صايعه مدري من وين ملتم عليها و ما تقرب له شيء

تتوقعو كذبة منال "بخصوص قصة الحب اللي بينها وبين أخو صديقتها لها بيكون تأثير بعلاقتها بفايز !

رأيكم بمواقف شهر العسل

تقيييمكم بخصوص مشاعر فايز ومنال

رأيكم بسفرة فايز بعد شهر العسل ! وتوقعكم بحصزص علاقته مستقبلا بغدير

الاهم توقعااتكم بخصوص موقف منال من فايز بعد ماعرفت بسفرته !

وتصرف فايز يوم يعرف انها عرفت كل شي هل بيعترف لها !!

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لا احلل مسح اسمي من على الرواية ..

تجميعي : ♫ معزوفة حنين ♫..

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الفصل السسساادس

منال وهي تصد وبغرور وداخلها نيررران شابه : عسى ماشر اض*بك وانجس ايديني بواحد ل**ب ومسافر يقابل وحده صايعه مدري من وين ملتم عليها و ما تقرب له شيء

فايز طير عيونه وش عرفها ذي

منال تكمل : علبالك صدقت سفرتك للإمارات وخويك ياحرام ( وبتريقة) مايقدر يدبر اموره من دونك ولززم عليك تخيل لزم عليك انك تساعده اصله هو مايعرف يسوي شيء وسبحان الله الملكة بإجازة العيد يعني تراني بسافر مره ثانيه لا حد يناقشني

فايز بغضب من اسلوبها المستفز وبنفس الوقت مستغرب كيف عرفت الموضوع وكانها كانت معاه : انتي وش قاعدة تخربطين ( وصوته يحتد ) امسكي ل**نك واكتفي شري تراني منيب رايقلك

منال وهي تتوجه لتسريحه وتاخذ جواله وبكل بروود : امسك اتصل بلي تروقك وتنسيك منال وقبيلة منال كلهم (وبغرور) اصلا واحد مثلك حقير ودنيئ والتربيه متبرية منه مايستاهل انه يشم انفاسي

فايز بقهررر : شوفي يابنت الناس انا ماقد مديت يدي على احد ومنيب من الي يمدون اياديهم على حريهم لكن والله لو ماانقلعتي من قدامي بتترحمين على عمرك

منال وهي تتكتف : سوها وشوف وش بيصير لك راح تن**ر يدك تفهم

(ولفت بتطلع من الغرفه)

مسكها فايز من زنودها ولفها له وهو وده يكفخها :شوفي يامنال هالاسلوب ماينفع معي وتراك لألحين ماشفتي وجهي الثاني صدقيني مهو من صالحك الي قاعده تسوينه

منال نفضت ايدينه : قلت لك وريني مراجلك ببنت الأردن حبيبة القلب

فايز ضحك بشماته : أهااااا قولي غيرانة كان سهلتي علي وعليك المشوار

منال ناظرته من تحت لفوق : تدري مدري على وشو شايف نفسك قلت لها وبقولها لك مرة ثانيه تراك ماتسوى ظفري

وطلعت من الغرفة والحال بينهم من سئ لاسوئ

@@@@@@@@@@@@@@

منال تكفين انزلي الشرقيه من عرستي ماشفناك شهرين تقريباً

ريم وايمان ومنال مشبكين خطوطهم

ايمان : صادقة ريموه من جد تراك وحشتينا

ريم : ريموه بوجهك تعدلي وانتي تناديني يستحسن تناديني عمتي ريم

ايمان : ايه هين انثبري بس

صحيح منال فاتك قبل امس انا وريم رحنا السوق ووقت صلاة العشاء رحنا المصلى نصلي وريحنا وريم الخبلة قلك بتلعب بنوتة تقريباً 4 سنوات قعدت ترفع نقابها وتنزله وتشقلب بعيونها ماسمعنا الى البنت راحت تصيح عند امها وتطالع فينا فشلتنا مع المرأة كان ودي اقول هذي ما اعرفها ولا تقربلي

منال بضحكة : يلعن ابليسك ريم وش هاللعب عبالك بنات خلق الله بثرين زيك

ايمان : قوليلها لما علمتها قعدت تتحلطم وتقول ان البنت مايعه

ريم بقهر : اقول انثبرن لا اقوم امحطكن وانتي يلا خلصينا وقولي لرجلك يحجز لك

منال : مسوي فيها مشغول رجل الأعمال على غفلة

ايمان : اقول اسكتي بس لاتنكبين عمرك ويسمعك

منال : مالت عليه ينقلع تونا امس متهاوشين وتافلة العافيه منه

ريم : ليه فيه شيء صار حسيتي بشيء معه غريب

منال : لا ابدا

ايمان : ما حاولتي تشوفين جواله مثلا اوراق بجيبه أي شيء

منال بحدة : لا ولا افكر اصلا اجيب لنفسي مشاكل ليش

ريم : اوكي ياحلوات امي تناديني وتسلم عليكن وتقولك منال لاخلصتي دقي ع جوالها تبيك ضروري

منال : اوكي سلمي على فيصل وابوي

ريم : يوصل ايمان سلمي ع اهلك

ايمان : اوكي طسي ماتعبتي هذرة من اول وانتي تهذرين يلا فارقي من اول تهذرين صدعتي بروسنـــ

منال وايمان شهقوا لما سمعوا صوت تقفيلة السماعة وبعدين ضحكوا مع بعض .

@@@@@@@@@@@@@@@

ها ياحلو اخبارك من عرست قلت جلساتك معنا

فايز بسخرية : ايه تدري معرس ع ثنتين ومنبسط لآآآآآخر حد ( وبتريقة ويميع صوته) شيء ما اقدر اوصف لك اياه

معاذ بضحكة : اللهم لا حسد ما شاء الله تبارك الله

فايز : تطنز مع وجهك عساني اشوفك كذا متوهق بثنتين ياارب وقريب

معاذ ضحكة : لا ياروح حريمك انت لاتحاول مابسوي سواتك لو وشو

فايز قعد يضحك وهو يدعي على معاااذ ومعاذ معطيه جوهه ومو مهتم

@@@@@@@@@@

شو غدير مافي بيبي بالطريئ

غدير بحزن : لا يا آلاء بدي احمل بسرعه بدي ائول لفايز وبدي اشوف فرحته بعيوني بدي فرحه بدي اياه يجي لهون وفرحته مو سايعته من يسمع خبر حملي

آلاء : ماتخافي حبيتي كل شيء بصير بس انتي ماتخافي وتدايئي نفسك

غدير وهي تشد على يد آلاء : الله يسمع منك يا آلاء انا كتير محتاجة لدعائك

@@@@@@@@@@@@@@@@@

نورة ونجلاء بغرفة منال وضحك وسوالف ووناسة

نورة : خلاص منال المغرب جهزي عمرك بنروح السوق لاتقولين مالي خلق

نجلاء : ايه صراحه عن الدلع

منال بضحكة : لا خلاص منيب قايله بس وش عندكم تمشيه يعني ولا في شيء ضروري

نوررة : الا في شيء ضروري صديقتي بالكلية ملكت وحفلتها قررريب مره مارح يمدينا نفصل فــ بأخذ شيء جااهز وبالمرة انتي شوفي شيء يمكن تلبسينه بالملكة

منال : لا بروح معكم لكن اقضي مو حاطه شيء فبالي لأن في فسااتين كثيرة مالبستها من جهازي

نجلاء : ما تدرين يمكن تلاقين شيء مناسب

دخل فايز الغرفة واستغرب من هاللمة

فايز بإبتسامة : وش عندكن هنا انتي واختك

نورة بابتسامة : ولا شيء بس جينا نتونس مع منولة ياخي يابختك بمرتك جلستها ماتنمل

فايز رفع حاجب وتلاقت نظرات فايز المستغربة بنظرات منال الي معناها ( شفت النعمة الي انت فيها )