Mark
Inilapag niya sa gilid ng laptop ang hawak niyang isang tasang kape. Ala-una na ng madaling araw pero busy pa rin ang asawa niya. Hindi nga ito natulog sa hotel pero parang wala rin ito sa piling niya.
“Thank you.” Tumingin sandali si Mary sa kanya at pagkatapos ay itinuon muli nito sa laptop ang paningin.
“Matagal pa ba ‘yan? Madaling-araw na, matulog na tayo. Baka mapano ka na niyan, napuyat ka din kagabi.” Paalala niya rito.
He saw her cheeks reddened. “Mark, mauna ka ng matulog sa akin. Sandali na lang ito, susunod na agad ako sa iyo promise.” Sagot ni Mary ng hindi tumitingin sa kanya.
“Mag-resign ka na lang kaya. Parang masyadong maraming pinapagawa sa iyo si Ethan.” Naisipan niyang sabihin.
“Ngayon lang naman
