"Nagkaroon ng emergency task si Grand sa Falcon Air at kailangan muna niyang manatili sa kompanya ng pamilya niya kaya matagal siyang hindi makabibisita sa Corp," paliwanag ni Kane sa lahat nang umagang iyon. Naroon silang pito sa conference room— tulad ng nangyayari tuwing Lunes ng umaga— para sa weekly meeting.
"So... baka gusto mong magsalita, Rave?"
Napatingin si Raven kay Marco nang marinig ang sinabi nito. Ang lahat ng mga kaibigan niya'y nakatingin sa kaniya— naghihintay ng paliwanag.
Dumaan na lang ang buong weekend pero hindi niya sinagot ang alinman sa mga tawag at text messages ng mga ito, kaya alam niyang hihingan siya ng mga ito ng paliwanag.
Naka-ilang tikhim muna siya bago nagsalita. "I want to... keep things private between me and Gazi."
