Eros POV
Masakit ang mga araw na nagdaan. Hindi ko rin maiwasan na hindi mainis sa sarili. Bakit naman kasi kay Hera pa tumibok ang puso ko? Bakit siya pa, ha?
Kung tutuusin ang daming nagpaparamdam sa akin mula pa noong high school ako. Ang daming nagbibigay ng mga love letter, may mga bulaklak pa nga at mga chocolate pa kung minsan.
Never akong dumikit sa ibang babae, kay Jemma lang. Kababata ko rin kasi siya. Isa pa, sa akin siya hinabilin ng kaniyang itay.
Teka, bakit hindi na lang kasi si Jemma? Total kilalang kilala ko naman siya dahil kasabay ko siyang lumaki. Pero wala eh, kapatid lang talaga ang turing at nararamdaman ko para sa kaniya.
“Bakit pa kasi Hera ikaw pa?” paulit-ulit kong tanong at bulong sa sarili habang nakahiga sa aming bubungan, tanaw ang buong kalawakan.
T
