“Congrats, Malieya! I am so proud of you!” sigaw muli ni Zinnia nang salubungin niya ako. Dahil kinausap pa ako ng direktor ay nauna na silang lumabas sa akin sa gymnasium. Tinignan ko naman ang reaksyon ni Nadia at Simon at masaya rin sila na ako ang nanalo.
“Congrats, I knew that you will win this competition,” puri rin sa akin ni Kien.
“Thank you sa inyo. Hindi ko akalain na mahuhulaan ko ang word na ‘yon. Wala talaga akong maisip kanina,” sambit ko dahil ‘yon naman ang totoo.
“Medyo nagulat pa nga ako na pangatlo ka na sa nakapindot. Ang inaasahan ko ay ikaw ulit ang mangunguna,” sabat naman ni Nadia sa usapan. Hindi ko naman nararamdaman na masama ang loob niya dahil natalo siya. Mabuti rin at ayos kami. Hindi kasi katulad kapag sa ibang mga magkakaibigan na nagpapataasan at nak
