Nang maisara ni Aleona ang pinto ng unit ni Ysabel, bigla na lamang siyang napairit.
"Shuta, ba't kinikilig pa rin ako?" sambit pa niya saka bumungisngis.
Kanina lang napagkasunduan na siya ang ipanglalaban na muse ng department nila. Sa totoo lang, hindi pa rin niya trip na sumali. But after what Christopher said earlier? Aba'y game na siya! If this meant makakapareha niya ang lalaki, hindi na siya magdadalawang-isip na lumaban kahit ba mapahiya pa siya.
"Ano kayang itsura ko sa coronation night?" maya-maya'y naisip niya. "Ay teka nga. Makapag-check na nga ako ng pwede kong isuot for the pictorial."
Agad siyang nagtungo sa dressing room.
Dalawang attire ang pinapahanda sa kanila: smart casual and formal attire. Kinalkal niya ang wardrobe kung saan niya nilagay ang mga binili ni Ysabe
