Kakababa lang nila ng yate. Enjoy si Uela sa mga nakikita niya. Hindi niya akalain na maganda rin pala ang kabilang panig ng isla. Puting buhangin din ang nasa dalampasigan nito pero hindi nga lang gano'n kalawak katulad ng nasa harap ng beach house.
May napansin din siyang mga rock formation sa may bandang dulo. Marami rin ang puno ng mga niyog doon. Halos nagtatayugan din at maraming bungang buko. Medyo may kasukalan lamang ito kumpara do'n sa pinanggalingan nila. Pero pag nadevelop ito ay pwede na ring maging kasing ganda ng nasa beach house.
Medyo hindi na gaanong masakit ang tiyan niya. Mukhang umepekto na ang gamit na ininom niya. Naupo muna siya sa buhanginan. Gusto niya munang pagmasdan ang dagat. Napakalmado niyon. Mabuti na lamang at hindi na gano'n kainit. Kahit paano ay hind
