Kabanata 24
“Isa akong mortal,” panimula ni Dante, “iyon ang akala ko. Nakatira ako sa isla ng mga mortal, sa baryo ng Plexure kabilang sa tribo ng mga Lorn. Pero pagtuntong ko sa ikadalawampu’t limang kaarawan ko, nakaramdam ako ng kakaiba. Para bang natakam ako sa bagay na hindi ko alam kung ano.”
Taimtim lang na nakikinig ang dalawa sa kwento nito. Tinanggal na rin ni Peter ang itim na usok sa mga kamay nito ngunit nakaupo pa rin siya sa sahig. Inutusan niya itong manatili roon bilang unang parusa sa mga nagawa niya. Nakatayo naman sa isang sulok si Kinro habang nakasandal sa pader. Magkakrus ang dalawang braso nito sa dibdib.
“Bata pa lang ay pinag-aaralan na namin ang lahat tungkol sa mga mortal at iba’t ibang uri ng mga imortal. Akala ko alam ko na ang lahat ng tungkol sa inyo per
