Kabanata 26
“Maraming salamat,” bungad ni Sphere pagkarating pa lang ni Peter sa silid kung saan sila tumutuloy ni Kinro. “Kinuwento sa ‘min ni Kinro ang lahat ng nangyari matapos kaming mawalan ng malay. Utang na loob namin ang buhay namin sa inyong dalawa.”
Ito na naman sila sa mga utang na loob. Hindi talaga komportable si Peter sa tuwing may nagsasabi nito sa kaniya. Hindi naman niya ito tinulungan dahil gusto niya ng kapalit. Tumulong siya dahil iyon lang ang nararapat na gawin sa mga oras na ‘yon at iyon ang pakay niya.
Nasanay na siya noon na tumulong nang walang kapalit. Miski simpleng pagtatapon ng basura ng kanilang kapit-bahay ay ginagawa niya lalo na kung magtatapon din naman siya ng kaniya. Wala namang masama roon dahil hindi naman siya mahihirapan. Isasabay niya lang talag
