بنات في تل أبيب

البداية

صل علي محمد......

نبدأ روايتنا بالصلاة والسلام علي رسول الله.......

والمتوقع دايما ان اي رواية بتبدأ بتعريف الشخصيات فأنا قررت ابدأ روايتنا بتعريف الشخصيات بردو.....

الشخصيات

البنات

* تمارا: دي البطلة بنت جميلة جدا، بشرة بيضا وعيون سمرا شعر اسود طويل مموج ، طيبة مع فريقها لكن في شغلها مبترحمش حد، بتشتغل ظابط برتبة مقدم عندها 25 سنة، ولقبها (الصقر) ومحدش يعرف اللقب دة غير فريقها واللوا وبس.

وهيه قائدة الفريق بتاعها.

* ساندي: صديقة تمارا من الطفولة ومعاها في نفس الفريق، بنت جميلة، بشرا بيضا عيون عسلي بتقلب اخضر في الشمس، شعر بني قصير، عندها 25 سنة ورتبة رائد.

مليكة: دي بقا مجنونة الشلة بتحب الضحك والهزار والمقالب طولها متوسط عندها شعر اسود مموج طويل وعيون بني غامق مع فريق اي قرار بييجي في دماغها بتنفذه علي طول بس الوحيدة اللي تقدر تخليها ترجع عن قرارها وعنها 25 سنة ورتبتها رائد.

* هنا: فريق تمارا بتحبها جدا وبتعتبرها مثلها الأعلي عنيدة جدا قصيرة الي حد ما عندها شعر قصير كيرلي وعيون خضرا مبتحبش حد يديها اوامر ومبتسمعشي كلام حد ولا حتي تمارا عندها 24 سنة رتبة نقيب.

وهما الاربعة بيمثلو فريق كويس جدا

الشباب.

* فهد : شخصية قوية مبيحبش حد يراجعه في رأيه ولا قراراته...... ظابط برتبة مقدم ٢٨ سنة قاسي جدا وبيحب شغله اوى.... طويل بشرة قمحاوي شعر اسود ناااعم وعيون زي الصقر وعضلات يعني من الآخر هييييييح???، بيكره البنات ومبيحبش يكون في شغله اي بنت وهنعرف ليه، بس لما يضطر يتعامل مع الصقر........ جيالك????

* ليل: صديق فهد المقرب وعارف كل اسراره عنده ٢٦ سنة بشره بيضا وشعر بني ناعم عيون بني فاتح وبتقلب اخضر في الشمس☺☺☺ مع فريق فهد ورتبته رائد.

*حمزة: صديق فهد وليل ومعاهم في الفريق طويل عنده بشره بيضا وغمازات وعيون زرقا اجنبي من الآخر هتقولي ازاي هقولك معرفش هو كدة وخلاص ( اي خدمة يا مليكة?)، بيحب البنات جدا وبيفرح لما البنات تكون حواليه بتاع بنات من الآخر، بيحب الضحك والهزار جدا عنده ٢٥ سنة ورتبته رائد

* يزن: بيحب فهد جدا وكان نفسه يشتغل معاه وبقه في فريقه عنيد وبيكره اي حد مينفذشي اوامره، بشره قمحاوي عيون بني شعر بني ناعم عنده ٢٥ سنه ورتبته رائد.

*اللواء محمد: شخصية جد جدا في الشغل لكن يبحب جدا تمارا ، بيحب تمارا وفريقها وبيعتبرها كإنها بنته بالظبط وهو اللي كان مسؤول عن تدريبها وتمارا بتحبه جدا وبتعتبره ابوها وبتتعلم منه كتير وبتعلم فريقها كمان.

ملحوظة:

تمارا كانت بتدرب

واللوا شاف تدريبها وشاف قد ايه هيه قوية وبقه هوه المشرف عليه وقضت سنة واحدة بس وخرجت م كلية الشرطة واشتغلت معاه.

اما فريقها ف تمارا تعرف البنات كويس ودخلتهم شرطة وفضلو تحت تدريبها هيه وقضو سنه واحدة برضو في الكلية.

واتجمعوا في فريق واحد

ملحوظة يا جماعة:

الشخصيات اللي في قصتنا حقيقية لكن اعمارهم مش حقيقي.

____________________________

وبكدة شخصيتنا تكون خلصت اي شخصيات جديدة هتظهر في الرواية.

ا

الخطر دايما محاوطك والحياة بتفرض عليك انك لازم تتعامل مع كل الناس اللي في حياتك بمختلف جنسياتهم وديانتهم.....

لكن اي رأيك لو الناس اللي هتتعامل معاهم هما ألد اعدائك...

اي اللي هيحصل مع ابطالنا تعالو بينا نبدأ روايتنا.....

في بنات في تل أبيب?

الحلقه الاولى.....

صل علي محمد.....

نبدأ روايتنا بالصلاة والسلام على رسول الله ♥...

في ساحة تدريب كبيرة......

اللوا واقف ومعاه فريق الشباب......

اللوا: اهلا بالأبطال.... حمد الله على سلامتكم

فهد: الله يسلمك يا فندم

اللوا: عاوزكم في مهمة جديدة

حمزة: المهمة دي فيها بنات

اللوا: لي

حمزة: اومال حضرتك جايبني لي

ليل: اخرس بقا

يزن: سمعت عن الأخبار الجديدة ي فندم

اللوا بص ليه باستغراب وقال: اخبار اي

ليل: الصقر

اللوا: ماله

ليل: اتقبض عليه

اللوا: لا يا راجل.... قول كلام غير ده

فهد: مش مصدق بصراحه اللي حصل.... حاسس ان الاخبار دي زي فخ عشان يوقعو بيها الصقر

حمزة ماسك الفون وبيبص فيه وبيبتسم.......

يزن: انا وحمزة عملنا استكشاف عن اخر العمليات اللي الصقر قام بيها واللي اكدت لينا ان الصقر فعلا اتكشف هويته

اللوا: ولو الصقر اتكشف هويته تفتكرو هيخبو عن العالم مين هو الشخص ده.... خصوصا ان الكل عاوز يعرف مين هو

يزن: عندك حق يا فندم... ده انا وحمزة بنتمني اننا نقابله ولا اي يا حمزة

حمزة بيبص في الفون وبيضحك.......

يزن: حمزة... ولااا

حمزة: ها

فهد: بتعمل اي

حمزة: فرس جامد

ليل: واي كمان

حمزة: اسمر

فهد: هو اي ده اللي اسمر يا روح امك

حمزة: الشعر... اوباااا اي ده

يزن: روحنا في داهيه

اللوا بصوت عالي قال: اجوزهالك

حمزة واتخض ورمي الفون علي يزن......

حمزة وبيأدي التحية العسكرية: تمام يا فندم

اللوا: ده انت اللي فندم..... انت بتعمل اي يا حيوان

ليل بمكر وبيغمز قال: فرس صح

حمزة: اه... قصدي فرس معروض للبيع كان نفسي اوي اشتريه

اللوا: عملت اي في المهمة اللي كلفتك بيها يا حمزة

حمزة بابتسامة عريضة قال: مهمة اي يا فندم

اللوا: قابل يا فهد... شوف فريقك

فهد بص ل حمزة وقال: معلش يا فندم..... تلاقيهم بس تعبانين من السفر وعاوزين يستريحو شويه

يزن بهمس ل حمزة قال: اجبلك عيش وحلاوة

حمزة: اقرالي الفتحة

وبعد مرور 10 دقايق.......

فهد قاعد ع الكرسي وقدامه حمزة ع الارض......

حمزة وقع ع الارض: خلااااص مش قااااادر

ليل: انت هتعمل 100 ضغط لسه 99

حمزة: ليييييه.... وانا كل ده بعمل واحد

يزن: اخلص

حمزة: منك لله.... انت تخرص خالص.... انت كانو برضعوك اي يلا وانت صغير

يزن: رز بلبن

فهد: اخلص يا خفيف انت وهو

حمزة: طب شيلو الواد ده من عليا

وده طبعا كان عقاب حمزة..... حمزة بيعمل 100 ضغط ويزن نايم فوق وبياكل لب........

فهد: حلو الفرس صح

حمزة: مش عاوز اعرفها تااااني

يزن بياكل لب: انا بقول ان احنا لازم نتغدا هاتولي الاكل هنا

حمزة: وانا بقول تخرص خالص

ليل: تعلق البت في 3 دقايق.... 3 دقايق يا مفتري

يزن: ده بالنسبة ل حمزة وقت كبير

فهد: انا رايح مكتب اللوا ارجع الاقيك خلصت مفهوم

فهد سابهم ومشي.....

حمزة: قوم من عليا يا حيوان هموت

يزن: مقدرش.... انت عاوز فهد ييجي يقعد هو فوقي

حمزة: ليل انا صحبك.... والنبي حوش عني

ليل قعد ع الكرسي مكان فهد وقال بغرور: اتحايل عليا شويه

حمزة: هشقطلك البت صحبتها وخلصني والنبي

ليل: هنخرج امتا

حمزة: هجبهوملك النهارده لو عاوز

ليل: خلاص يا يزن سيبه

يزن: متأكد

ليل: قولت خلاص.... قوم سيبه

يزن قام وقف وحمزة مرمي ع الارض........

حمزة: ااااه يا ضهراااااي

في مكتب اللوا..........

دخل فهد بثبات وقعد قدام اللوا.......

اللوا: خير يا فهد

فهد: حاسس ان استدعائك لينا وراه حاجه

اللوا: حاسس ولا متأكد

فهد: كدة اتأكدت..... خير يا فندم

اللوا: فعلا.... انتم تم استدعائكم لمهمة خطيرة جدا

فهد: حضرتك عارف ان فريقي دايما جاهز وفي اي وقت

اللوا: بس المرة دي مش هتشتغل لوحدك

فهد بص للوا بعدم فهم وقال: يعني اي

اللوا: هينضم معاك فريق كمان

فهد: مين دول

اللوا: زمانهم علي وصول

__________________________

في احدي المطاعم في تل أبيب.......

دخل 3 بنات المطعم وقعدو علي ترابيزة.......

مليكة: شوفيلي حاجه أكلها

ساندي جابت ليها عصير: اطفحي ده

مليكه بشك قالت: عصير اي ده يا بت.... ليكون ضفادع

هنا: انتي لسه بتشتغلي وناسية ان ورانا طيارة

ساندي عدت من جمبهم وشايله صينية عليها اكل وقالت: خلاص قربت اخلص اهو

تمارا: لأ خدي راحتك عادي

هنا بزعيق وصوت عالي قالت: تاخد راحتها اي.... واللوا اللي مستنينا

مليكة تفت العصير من بوقها وساندي بصت ليها وتمارا بصت ل هنا بغضب وعصبية......

مليكة: يا بنت الغبية

تمارا: هقتلك

هنا بتبلع ريقها بصعوبة وقالت: Sorry

صاحب المطعم: شالوم بنات

مليكة: شالوم

تمارا: شالوم راسيل

راسيل: علي وين بدكن تسافرو

هنا بسرعه قالت: مصر

مليكة داست علي رجلها وهنا صوتت.....

راسيل: ليش مصر

تمارا: انت عارف انها بتحب الهزار..... احنا مسافرين المالديف

ساندي جت ووقت جمبهم وقالت: تعبنا كتير الفترة اللي فاتت وعاوزين نستريح شويه

راسيل: وطبعا بدك اجازة

تمارا: ده بعد اذنك

راسيل: بتعرفو ان هون ب اسرائيل الشغل نمبر وان.... ما بناخد اجازات هيك بالفاضي

مليكة: دول 4 ايام وهنرجع علي طول يا روسو

هنا: بلييييييز

راسيل: اوك.... موافق

تمارا: اسبوع وراجعين تاني.... شالوم

راسيل بص بصدمة وقال: شووو.... اسبوع.... لك انتو..... بنااات

تمارا والبنات خرجو من المطعم........

ووصلو المطار.......

هنا: يا صقر

تمارا: علي صوتك كمان شويه يا بنت الجزمة.... لسه في اتنين مسمعوش

مليكة: اول ما نوصل مصر هندفنها هناك

ساندي: انا مش عارفه اللوا مستدعينا لي بصراحه..... لأ ولازم ننزل مصر

هنا: انتي عاوزة تفضلي مع اليه‍ود اللي ميعرفوش ربنا دول

ساندي: انا مقولتش كدة

هنا: مش عاوزه تنزلي مصر لي يا هانم.... عشرتك مع الناس دي هتنسيكي بلدك

تمارا: بس انتي وهيه.... اللي هتنطق فيكم هحطها تحت عجل الطيارة

مليكة: في اي يا بنات هو ده وقت خناق

هنا بصت بعصبية وغضب ل ساندي.......

______________&&&&____________

في مكتب اللوا......

فهد: لسه بدري علي ما يوصلو يا فندم

اللوا: يعني شويه

فهد: اول مره استني حد.... طب انا هقوم ابلغ فريقي لحد ما يوصلو

اللوا: مش مهم.... عاوز اقولك حاجه بخصوص الفريق اللي هيشتغل معاك

فهد: حاجه اي

اللوا لسه هيتكلم وفجأة دخلو البنات......

تمارا حضنت اللوا: بابا وحشتني

اللوا: وصلتو امتا

ساندي: من الطيارة علي هنا علي طول

اللوا حضن تمارا: وحشاني

مليكة: عليا النعمة وحشني بطريقة لا توصف

ساندي: تعال في حضن اخوك يا فواااز

اللوا: وحشتوني اوي يا بنات

هنا: احم.... نحن هنا

اللوا حضن هنا: تعالي انتي كمان

هنا: لأ انا زعلانه

اللوا: وزعلانه لي ان شاء الله

هنا: فين تذاكر المالديف يا حج

اللوا ضربها علي راسها: حج اي.... لمي نفسك

مليكة: بنضحك معاك يا ابو السيد

اللوا قال بصوت عالي: انتباه انتي وهي

البنات في نفس واحد قالو: تمام يا فندم

اللوا: اعرفكم.... فهد من اكفأ ظباط القيادة

ساندي: دي باين مهمة زي العسل

مليكة: ابغي اقول شي بس استحي

هنا: فهد.... اسم علي مسمي ما شاء الله

فهد: تشرفنا.... ولادك دول يا فندم

تمارا: يا راجل.... ولاده اي بس.... اللوا اصغر من انه يكون مخلف كل دول

فهد بص للوا وقال: اوعي يكون اللي في بالي

اللوا: البنات هينضمو معاك للفريق

فهد بصدمة قال: مستحيل

هنا: لي مش قد المقام

مليكة: ده احنا حتي عسلات وقمرات

ساندي: انت تطول اصلا

تمارا: مهمة اي دي يا فندم

اللوا: استريحو شوية عشان هتجتمعو مع بعض

فهد بص بغضب وعصبية وخرج وقفل الباب وراه جامد......

مليكة: ماله ابو لهب ده

البنات ضحكو.....

اللوا: استريحو شوية عشان تتعرفو علي فهد وفريقه

تمارا: نستريح فين في الصحرا اللي انت جايبنا فيها دي

اللوا: استريحو هنا في المكتب

ساندي: انا هاخد درج المكتب اللي تحت

هنا: وانا حطوني جمب الخزنة

مليكة: انا هاخد رف الكتب اللي في النص يا جماعة

اللوا: اترزعو في اي حته

اللوا سابهم وخرج..........

_____________________________

اما عند الشباب.......

فهد متعصب وبيضرب برجله في الصخر.........

فهد بعصبية قال: مستحيل.... علي جثتي

ليل: قول بس في اي

فهد: قال اي انا اشتغل مع شوية بنات

حمزة: يعني يوم ما ربنا يكرمنا والرزق ييجي لحد عندنا نقوله لأ

فهد بص ل حمزة بعصبية وقال: حد يسكت الكائن ده عشان بيرفعلي الضغط

يزن: بس يا كائن.... فهد بيه مش كل حاجه كدة ناخدها علي اعصابنا

فهد بزعيق قال: انتو شايفيني مجنون

حمزة: لأ احنا اللي مجانين

يزن: اللوا اكيد عنده هدف من شغل البنات دول معانا.... هما كام بنت

حمزة: اساميهم اي.... انت شوفتهم

فهد: اللوا عاوزنا نجتمع معاهم

حمزة قال بسرعة: امتا.... قصدي لازم ننفذ كلام اللوا

ليل: وانت من امتا بتحب اللوا

حمزة: من دلوقتي

فهد: بااااس..... اطلعو برة

حمزة: برة فين يا عم.... احنا في الصحرا

فهد: غورو من وشي

ـــــــــــــــــــــــــــــــــــــــــــــــــــــــــــــــ

وبعد مرور نص ساعة.......

الكل مجتمع في ساحة التدريب الشباب والبنات.....

حمزة: اللهم صلِّ علي النبي.... دي هتبقي مهمة عنب

ليل: هما دول البنات

حمزة: المهمة دي مش هتكمل يا جدعان

يزن: يخربيت فقرك

اما فهد فكان بيبص للبنات بغيظ وغضب.......

وفجأة اللوا جه ووقف قدامهم....

اللوا: ازيكم يا وحوش

الكل بيؤدي التحية العسكرية: تمام يا فندم

البنات وقفو جمب اللوا.......

اللوا: احب اعرفكم بالفريق الجديد اللي هيشتغل معاكم.... تمارا.. ساندي.. مليكة وهنا

ليل: انت متأكد انهم ظباط

مليكة: نعم قصدك اي

يزن: دي اسماء عارضات ازياء مش ظباط يا فندم

ساندي: ممكن تيجي واحنا نوريك عارضات الأزياء بيعملو اي

حمزة قرب منهم وقال: انا حمزة زميلكم وهكون معاكم وربنا يوفقنا ان شاء الله

اللوا: اقف مكانك يا حيوان

حمزة اتخض ورجع مكانه تاني........

تمارا بصت للوا وقالت: بعد اذنك يا فندم انا حابه اتكلم

اللوا: اكيد

تمارا بصت للشباب وقالت: انا المقدم تمارا.... بشتغل كعميلة سرية في المخابرات

يزن: المصرية

تمارا: لأ.... الاسرائيلية

الشباب بصو لبعض بصدمة وقالو: نعااااام

ولحد هنا هنقف........

يا تري اي اللي هيحصل مع ابطالنا واي اللي مستني ابطالنا.......

كل ده هنعرفة في الحلقات اللي جاية من

بنات في تل أبيب?

متنسوش تقولولي رأيكم........

وانتظرونا في الحلقات اللي جاية.......

بقلمي/ اسراء جابر

الحلقة التانية.....

صل علي محمد......

نبدأ روايتنا بالصلاة والسلام على رسول الله ♥.......

وقفنا الحلقة اللي فاتت عند.......

تمارا واقفة قدام الشباب وبتقدم نفسها ليهم.......

تمارا: بشتغل كعميلة سرية في المخابرات

يزن: المصرية

تمارا: لأ.... الاسرائيلية

الشباب بصو لبعض بصدمة وقالو: نعااااااام

تمارا: بالظبط اللي سمعتوه

ليل: انتي لو قاصدة تقولي انك جاسوسة علي مصر مش هتقولي كده

فهد: ازاي ظابط هنا... وانتي عميلة سرية في الموساد

تمارا: المعلومات اللي عندي اني أبلغكم باللي سمعتوه دلوقتي وبس

حمزة: دي الكاميرا الخفية يا جدعان.... هو في ظابط اسمها تمارا اصلا.... انتي اخرك تظبطي ميك اب تظبطي تسريحة شعر

مليكة: او نظبطلك وشك عادي

تمارا بصت للوا.......

اللوا: طيب يا شباب اسيبكم تتعرفو علي بعض اكتر

اللوا مشي والشباب والبنات بيبصو لبعض.......

ساندي: يلا يا بنات احسن بدأت تخنق والجو يبقي حر

حمزة: هتلاقيكي شفطتي الأكسجين كله بجنابك دول.... اي يا بت انتي ماشية وفي حجات ماشية حواليكي..... حد قالك انك هتموتي غرقانه بتعملي حسابك

ساندي بصت ل تمارا وقالت: انا سكت كتير

تمارا: حقك

مليكة: ده محدش مالي عينه

هنا: استعنا ع الشقا بالله

حمزة: انا متعودتش اني امد ايدي علي بنت

تمارا: دافع عن نفسك.... لإنك هتضطر تمدها

وهوووب البنات هجمو علي حمزة وتمارا كانت واقفة تتفرج..... وفهد منع أي شاب انه يدخل بين حمزة والبنات.......

يزن: انا بقول ندخل بقا

فهد: سيبه

ليل: 3 علي واحد حرام.... الاه الاه الاه

يزن بصدمة قال: لا لا لا.... كدة خطر

فهد: اتفرجو وبس

وبعد 5 دقايق............

حمزة متعلق من رجله في شجره بالفانلة والشورت بس...... بعد البنات ما ضربوه وقلعوه البنطلون والتيشيرت وعلقوه ع الشجرة.......

حمزة: نزلووونييييي

ساندي: ابقو نزلو القطة عشان يلم لسانو كويس

يزن: يا حبيبي يا حمزة عندك تفاح

حمزة: تفاح يا ابن المبقعة.... نزلوووني يا جدعان هتسلق

ليل: اتاخد منك اي تاني ياله

يزن: في اللحظة دي لازم يكدب عليك

هنا: خليك شويه.... اول ما تستوي هنزلك

حمزة: فهد الحقني

فهد بص للبنات وهما بيضحكو علي حمزة وبص للشباب وقال: نزلوه وتعالو ورايا

ومشي فهد......

مليكة: اللي هيقرب منه هيقلع ويتعلق جمبه

تمارا: مليكة خلاص.... يلا يا بنات

البنات مشيو.......

يزن: يا خيبتك

ليل: بتطرح تفاح ولا جوافة

حمزة: برتقان يا ابن المدايقة..... نزلووووونيييييي

ــــــــــــــــــــــــــــــــــــــــــــــــــــــــــــــ

* في مكان ما........

شخص قاعد علي كرسي وقدامه صور البنات والشباب متعلقة ع الحيطة......

وفجأة دخل شخص تاني............

الشخص التاني: بتفكر في اي

الشخص الاول: بفكر لو اجتمعو مع بعض اي اللي هيحصل

الشخص التاني: هما اجتمعو اصلا

الشخص الاول: بس لسه مش طايقين بعض

الشخص التاني: اي اللي في دماغك بالظبط

الشخص الاول: انت مش فاهم حاجه..... تخيل كدة لو كل واحد من الشباب اتجوز واحدة من البنات دول

الشخص التاني: هيتحدو مع بعض وهيبقو اقوي من الاول

الشخص الاول: مش بقولك مش فاهم حاجه

الشخص التاني: فهمني

الشخص الاول بص بنظرة مكر وشر وقال: لسه بدري علي ما تفهم.... لسه بدري اوي علي ما الكل يفهم.... وانا بقا.... هقعد اتفرج علي المسرحية وهيه بتستوي واحدة واحدة

الشخص التاني: في حاجه في دماغك

الشخص الاول: في حجات..... الشباب لو اتجوزو البنات دول.... هيخلصو علي بعض بنفسهم

الشخص التاني: ازاي

الشخص الاول: ازاي دي بقا بتعتي انا.... وانا هوريك ازاي

وحدف سكينة رشقت في نص الحيطة والصور متجمعة حوالين السكينة.........

ـــــــــــــــــــــــــــــــــــــــــــــــــــــــــــ

* في مكتب اللوا........

تمارا: يا فندم احنا لحد دلوقتي منعرفش احنا تم استدعائنا هنا لي

اللوا: شوية وقت بس وهتعرفو

هنا: انا صورت اللي حصل يا بنات.... لو نزلناه بقا ع النت هنعمل قلبه جامدة اوي

اللوا: هو اي اللي صورتيه

مليكة: لا ابدا يا فندم مفيش حاجه

اللوا: تمام.... اجهزو عشان هتسافرو

وفي الوقت ده الباب اتفتح ودخل فهد.......

فهد: نسافر فين

اللوا: جمع فريقك يا فهد حالا

فهد: تحت امرك يافندم

فهد خرج وجمع فريقه في مكتب اللوا........

اللوا: انتم عندكم مهمة صعبة جداً يا شباب

حمزة: اصعب من اللي احنا فيه ده

اللوا: انتو هتسافرو تدريب لمدة اسبوعين

هنا: لأ..... تدريب تاني لأ

مليكة: حرام عليكم

اللوا: يلا كل واحد فيكم يروح وبكرة تكونو جاهزين 7 فاهمين.... 7 بالظبط يا مليكة

مليكة: مينفعش 7 الا خمسة

اللوا: لأ ينفع حاجه تانية تحبي تشوفيها

مليكة: لأ وعلى اي.... الطيب احسن

ساندي: مع السلام عليكو

البنات خرجو منمكتب اللوا ومشيو........

فهد بيبص للوا بعصبية وغضب.......

اللوا: خير

فهد: انا مش موافق يا فندم علي اللي بيحصل.... انا علي اخر الزمن اشغل معايا بنات لي.... حد قال ل حضرتك اني بصبع كفته.... او بزغط بط

حمزة: يا فندم انا هعمل اي حاجه تقول عليها..... بس البنات دول لأ

ليل: البنات دي هتبوظ لينا المهمة.... مش جديرين بالثقة

يزن: انا مع رأيهم طبعاً

اللوا بص ليهم وقال: خلصتو كلامكم

الشباب بصو لبعض وبصو للوا.......

اللوا: تقدرو تتفضلو دلوقتي عشان لازم تكونو موجودين بكره الساعه 7 عشان معسكر التدريب

فهد: اوك.... مش انت اللي جايبهم تبقي مستغني عنهم.... تمام

فهد مشي وقال: يلا يا شباب

الشباب خرجو واللوا بص عليهم وضحك.......

ـــــــــــــــــــــــــــــــــــــــــــــــــــــــــــــــ

الشباب والبنات روحو.......

* عند البنات.......

مجتمعين عند ساندي.........

مليكة: انا هاخد الأوضة دي

هنا: انا هاخد اللي فيها بلكونه

ساندي: اراكم توزعو من مال ابوكم..... انتو ناويين تباتو عندي ولا اي

تمارا: يعني نسيبك لوحدك ميصحش

ساندي: لأ يصح.... انا عاوزاكم تسيبوني

هنا: وربنا م ينفع يا كبيرة

مليكة: قولنا بدل ما نروح نقعد في اوتيل نيجي هنا عند اختنا حبيبتنا

ساندي: انا مليش اخوات اصلا

تمارا: يلا يا بنات انتشرو

البنات كل واحده جريت راحت علي اوضة......

ساندي: بت... لأ.... خدي هنا

تمارا مسكت ايدها وشدتها قعدت: خلاص بقا.... احنا الصبح ماشيين

ساندي: اي المهمة بتاعة اللوا دي اللي محتاجه تدريب

تمارا: معنديش فكرة

ساندي: طب انتي

تمارا: في اي.... مالي

ساندي: ازاي هتفضلي هنا اسبوعين.... وشغلك.... نسيتي يا صقر ولا اي

تمارا: منسيتش طبعاً.... بس اللوا قالي انه مظبط كل حاجه

ساندي: ايوة صح..... انتي لي قولتي انك شغالة في الموساد كعميلة سرية.... اي الهبل ده

تمارا: اللوا بلغني اني اقولهم كدة

ساندي: مبقتش فاهمه حاجه.... انا هقوم انام

ساندي قامت وبصت ليها تاني وقالت: انتي صحيح شغالة في الموساد

تمارا حطت رجل علي رجل وقالت: اي رأيك.... أنفع

ساندي ابتسمت وقالت: بقعدتك دي.... تنفعي طبعاً.... تصبحي علي خير

تمارا: وانتي من اهل الخير

ساندي دخلت اوضتها..... اما تمارا اتنهدت ونامت ع الكنبة وبتفكر في المهمة.........

وفجأة.......

ــــــــــــــــــــــــــــــــــــــــــــــــــــــــــــ

* عند الشباب.......

الشباب متجمعين في شقة يزن.......

يزن: اي خدمة جبتكم عندي

ليل: بقولكم اي يا شباب..... احنا لازم نشوف طريقة نخرج بيها البنات دول من المهمة دي

حمزة: ايوة لازم..... انا مش هستحمل اشوفهم تاني وخصوصا انثي العنكبوت اللي اسمها مليكة

فهد: متقلقوش.... مش هيكملو المهمة

ليل: انت ناوي علي اي بالظبط

فهد: اسمعوني كويس اوي

وبعد مرور 15 دقيقه........

فهد: فهمتو

يزن: انت متأكد من اللي هنعمله ده

فهد: م هما عاملين فيها ظباط ومبيخافوش.... نوريهم بقا الظباط بيتعاملو ازاي مع بعض

حمزة: ايوة عندك حق..... وانا بقا محدش يحوشني

ليل: محدش يحوشك.... ولا يحوش عنك

حمزة: انت سخيف وربنا

فهد: يلا كله ع النوم وبكرة تجهزو بدري مش عاوزين نتأخر

يزن: انا هنام.... تصبحو علي خير

فهد: وانت من اهل الخير

حمزة: خدني معاك انا كمان

ليل بص ل فهد وقال: مش هتنام

فهد: شوية

ليل: تصبح على خير

فهد: وانت من اهل الخير

الشباب كل واحد دخل اوضته ينام فيها.......

اما فهد قعد مكانه بيفكر في المهمة.......

وفجأة طلع تليفونه ورن علي........

: الو

فهد: ازيك

تمارا: انت جبت رقمي منين

فهد: عيب لما تسألي سؤال زي ده لظابط

تمارا: عاوز اي

فهد: تطلعي من المهمة دي خالص.... ومشوفش وشك فيها

تمارا: اولا مش انا اللي دخلت المهمة دي عشان اخرج منها انا جالي اوامر زيك بالظبط.... ثانيا مفيش واحد محترم بيرن علي بنت في وقت زي ده........ ثالثا وده الأهم إياك تتكلم معايا بالطريقة دي تاني فاهم

وقفلت التليفون في وشه.......

فهد بص ع التليفون وقال: بتقفلي السكة في وشي يا بنت ال...... انا هوريكي

ـــــــــــــــــــــــــــــــــــــــــــــــــــــــــــــ

* حل الليل بظلامه......

وأشرقت الشمس لتعلن عن بداية يوم جديد وأحداث مليئة بالتشويق.........

عند الشباب.......

الشباب جهزو نفسهم وصحيو.......

يزن: اصحا ياله الله يخربيتك

ليل: حمزة فوق ياله.... الساعة 6 ونص

حمزة بنوم: مش قادر يا جدعان جسمي مكسر

وفجأة.......

فهد بزعيق وصوت عالي: حمزاااااااا

حمزة قام ونط من ع السرير: انا لبست اهو

يزن بضحك قال: احسن..... هههههههههه

حمزة: الحمام فاضي بقا ولا اتصرف انا هنا في اي درج

ليل: انت بتتصرف في الأدراج

حمزة: اومال اتصرف في البلكونة ع الناس

يزن: اعمل حسابك اخر مرة تبات عندي

فهد: اخلصوووو

الشباب بخوف: حاضر

اما عند البنات..........

ساندي: انتي يا بت فوقي

مليكة بنعاس ونوم: امممممم

ساندي: قومي يا بت الله يخربيتك هنتأخر.... اللوا مستنينا

مليكة: قوليله بكره بكره

تمارا: بكرة اي يا بت هو بيعزمك ع الغدا.... قومي قامت قيامتك

مليكة قامت وهي بتنفخ: اوووف.... قومت اهو

تمارا: حد يشوف الغيبوبة اللي في الحمام دي واجهزي ويلا بينا

مليكة: حاضر.... جاية اهو وراكم

البنات خرجو ومليكة بصت ع الباب ورجعت نامت تاني ع السرير..........

تمارا: مليكاااااااا

مليكة وقعت من ع السرير: حاضر.... جاية اهو

ـــــــــــــــــــــــــــــــــــــــــــــــــــــــــــــــ

الشباب والبنات جهزو وصلو فروضهم ونزلو........

الشباب وصلو وركنو عربيتهم ونزلو وكان منتظرهم اوتوبيس عشان ياخدهم لمكان التدريب.......

فهد بص للوا وقال: اي يا فندم.... مش جايين ولا اي

ليل: تقريبا كدة خافو ورجعو في قرارهم

ساندي: مين قال كدة.... احنا جاهزين

هنا: معلش المواصلات بس كانت زحمة

اللوا: ولا يهمكم يا بنات.... يلا عشان نتحرك

الشباب والبنات ركبو الاوتوبيس.......

البنات قعدو ورا خالص في اخر الاوتوبيس........

ساندي شافت مليكة قايمة من مكانها......

ساندي: رايحه فين

مليكة: هعزم علي الشباب بحاجه يشربوها......... ميصحش كدة

شاندي بصت ليها باستغراب.......

مليكة قامت من مكانها وراحت ناحية الشباب ومعاها علب كانز.......

مليكة: اتفضلو اشربو..... حاجه كدة بسيطة لحد ما نوصل

ليل: شكرا ليكي

حمزة: تسلم ايديكي وعنيكي

مليكة ابتسمت وسابتهم ورجعت قعدت جمب تمارا.......

تمارا بشك قالت: انتي عملتي اي

مليكة: كل خير?

وفجأة..........

ــــــــــــــــــــــــــــــــــــ

ولحد هنا هنقف........

يا تري اي اللي مليكة عملته واي اللي هيحصل مع الشباب........

مليكة هتوقع نفسها في مصيبة كبيرة ومحدش هيعرف ينقذها...... بس تمارا هتتصرف ازاي عشان تحميها........

واي رد فعل اللوا لما يعرف باللي حصل........

احداث جديدة ومثيرة......

ومفاجئات منتظرانا.....

انتدرونا في الحلقات اللي جاية من

بنات في تل أبيب?.......

دمتم في حفظ ورعاية الله ♥.......

بقلمي/ اسراء جابر

الحلقة التالتة....

صل علي محمد......

نبدأ روايتنا بالصلاة والسلام على رسول الله.......

وقفنا الحلقة اللي فاتت عند......

* في مكان ما.......

شخصين قاعدين علي ترابيزة وبيتكلمو.......

الشخص الاول: اي الجديد

الشخص التاني: اتحركو ورايحين لمكان التدريب

الشخص الاول: عينك عليهم.... فاهم

الشخص التاني: انا مش فاهم بصراحه اي اللي بيحصل ده

الشخص الاول: وهتفضل في مكانك ده طول ما انت مش فاهم اي حاجه بتحصل حواليك

الشخص التاني: كفاية انت فاهم

الشخص الاول: انا عاوزهم تحت عينك مفهوم.... وتجيبلي تقرير بكل تحركاتهم وبيعملو اي.... لحد الحمام بيدخلوه امتا

الشخص التاني: تمام

الشخص الاول: بالنسبة للصقر.... عرفت حاجه عنه

الشخص الثاني: الموساد قال انه قبض عليه.... بس لحد دلوقتي دي مش معلومة أكيدة

الشخص الأول: لازم نكثف جهودنا اكتر من كدة..... ونحاول نعرفه بأي طريقة

الشخص التاني: انت هتعمل اي بعد ما تجمع كل المعلومات دي..... ناوي تتحالف مع الموساد ولا اي

الشخص الاول بص بابتسامه شريرة وقال: هعمل.... ده انا هعمل حجات?

ــــــــــــــــــــــــــــــــــــــــــــــــــــــــ

* عند الشباب والبنات

مليكة بعد ما راحت للشباب ووزعت عليهم كانز.....

مليكة ابتسمت وسابتهم ورجعت قعدت جمب تمارا.......

تمارا بشك قالت: انتي عملتي اي

مليكة: كل خير?

وفجأة..........

حمزة قام من مكانه ومش عارف يقف: اوعا القطر يا عم الحج.... اوعا القطر

الشباب بصو ليه باستغراب......

يزن: حمزة.... مالك ياله

ليل: قطر اي سلامة النظر

حمزة: القطر جاااااي..... انبطحوووووو

حمزة نام في الأرض والكل بيبص ليه باستغراب وبصدمة........

تمارا قالت بهمس ل مليكة: انا عرفت دلوقتي الخير اللي انتي عملتيه

مليكة: اتفرجي ده احنا هنستمتع

ساندي: هو اي اللي بيحصل

هنا: أصور

ليل شد حمزة من ع الأرض: قوم ياله مالك

حمزة بيبص ل ليل وفجأة......

حمزة نط ل فوق وبدأ يغني........

حمزة: القلب يدوخ منك يا صاروخ..... اه وربنا صاروخ اصلي.... هيهيهييييييييي

البنات بيضحكو علي اللي بيحصل وهنا بتصور.....

فهد قام وقف قدامه وقال بعصبية وبصوت عالي: حمزاااا.... اثبت مكانك.... انتباه

حمزة: انتباه... انتبه.... لا انتبه... انتبه.... لا انتبه هيهيهييييييييي.... ما تجيبي بوسة

اللوا وقف قدام حمزة: انتباه يا حضرة الظابط

حمزة: هو في ظابط هنا

حمزة شد اللوا وبيحاول يشيله......

حمزة: دي تقيلة اوي..... اي الأحجام دي لأ مليش في الكومبو انا هاخد الدايت

ساب اللوا وشد فهد وبيحاول يبوسه......

حمزة: هاتي بوسة يا بت.... هاتي حته يا بت

فهد: بوسة اي يا حيوان.... فوق ياله

حمزة: وربنا م هسيبك الا لما اخد بوسة يا موزة

فهد: انتو يا بهايم شيلوه عني

ليل ويزن بيشدو في حمزة وبيبعدوه عن فهد.....

حمزة: لأااااااا.... سيبوني.... عاوزين تاخدو..... البت مني

يزن: اي ياله الأوفر ده

حمزة ساب فهد ومسك ليل: خلاص ابوسك انتي يا قمر..... اموااااااه?

ليل بيزقه: الله يخربيت قرفك.... ابعد عني ياله

ساندي: اربطوه في الكرسي

حمزة بص وراه وشاف البنات.......

حمزة: السما بتمطر بنات ولا اي

حمزة رايح ناحية البنات ومسك ايد ساندي......

حمزة: جوزوني المهلبية دي

ساندي: المهلبية سايحة دلوقتي

وهوووووب ساندي ادته بالبوكس في وشه.......

حمزة لف وكانت مليكة في وشه وقبل ما يتكلم مليكة ناولته بالبوكس تاني في وشه.......

هنا: وانا كمان والنبي.... اضرب واحدة.... بصلي هنا كدة يا أخ

وهوووب هنا ضربت حمزة بالبوكس.......

تمارا: بس.... سيبوهولي

تمارا مسكت راس حمزة وادته بالرصية في دماغه وقع علي الأرض........

اللوا شاور علي حمزة: شيلو الحيوان ده واربطوه.... خلونا نوصل بسلام

ليل ويزن مسكو حمزة وربطوه في الكرسي.....

البنات قعدو مكانهم وهما بيضحكو............

ــــــــــــــــــــــــــــــــــــــــــــــــــــــــــــــ

* الحمد لله الشباب والبنات وصلو لمكان التدريب........

وكان عبارة عن خيمة لكل شخص.......

ولكن تمارا طلبت خيمة ليها هي والبنات......

البنات في الخيمة.......

هنا: كل حاجه اتصورت

ساندي بضحك قالت: يالهووووي يا جدعان..... هموووووت

تمارا: كل ما اتخيل منظره اضحك اكتر

مليكة: يستاهل بصراحه

هنا: انتي عملتي كده ازاي

مليكة: هقولكم........

Flash back.....

مليكة بتشرح اللي عملته.......

مليكة: انا جبت كانز علي عدد الشباب وواحدة للوا..... بس بدلت واحدة بيبسي بواحدة كينج انما اي بتخلي الدماغ طايرة....... وبعدها جبت لزقه بيبسي وغطيت بيها الكينج.... وادتها لحمزة.....

Back.....

مليكة: وانتم عارفين الباقي بقا

ساندي: اي الكينج دي

مليكة: حاجه كدة زي الخمرة بس تركيز عالي

تمارا: النسبة كام

مليكة: 78 ٪

تمارا: يخربييييتك..... الواد زمانه مات

هنا: ده دش هيصحي دلوقتي خالص

وفجأة.......

يزن بينادي عليهم: بنات.... فهد طالب الكل يتجمع

تمارا: تمام... جايين وراك

ساندي: احيييه.... يبقي اكيد عرف حاجه

مليكة: اجمدي كدة يا بت ومتخافيش

تمارا: الواد ده طلع مسخرة.... يلا نروح نشوفه

هنا: امان يا صقر

تمارا: لو قولتي الكلمة دي تاني هنا هدفنك مكانك

هنا بصت بخوف وطلعت تجري........

ساندي: معلش حقك عليا انا

تمارا: هتودينا في داهيه.... يلا نلحقها المجنونة دي

ـــــــــــــــــــــــــــــــــــــــــــــــــــــــــــ

اما فهد أمر يزن وليل انهم يجيبو حمزة.........

حمزة صحي من النوم وماسك دماغه ووشه ومش قادر يقف

حمزة: ااااااه يالهوووي ايه ده راسي مش قادر لأ دي ضهري لأ دي رجلي لأ ده وشي ااااااااه يا كلي ياانا.

ليل ويزن رايحين يطمنو علي حمزة وياخدوه عشان يكلم فهد

ليل: واد يا حمزة قوووم اييييييييه ده

يزن: بسم الله الحفيظ لا تؤذيني ولا نأذيك

حمزة ومش عارف يتكلم كان وشه كله ضارب في بعض (كان شبه هاني رمزي في غبي منه فيه)????

حمزة: في ايه يالا انت وهو هو انا ليه مش حاسس بوشي حد يجيبلي مرايا

يزن: خد

ليل وهو ماسك ايد يزن: بلاش

يزن: اوعي بس هيشوف وشه

ليل: ابوس ايدك بلاش

حمزة: هو في ايه في وشي

ليل: قول مافيهوش ايه

حمزة مسك المراية من ايد يزن وبص علي شكله????? وفضل يصرخ ويجري في قلب الخيمة

حمزة: عاااااااااااااا مين ده بسم الله الحفيظ ابعد عني عفريييييت لبس وشي

ليل ويزن ميتين ع الارض من كتر الضحك

??????...........

حمزة: مين اللي عمل في وشي كدة.... انتو والله لوريكو

ليل: للأسف مش احنا

يزن: البنات كلها علمو عليك وتمارا خادتك رصية انما ايه.

حمزة: انا حاسس انه نص دماغي مصدع والنص التاني منمل

ليل: ده تأثير الضرب يلا عشان فهد عاوزك.

حمزة: ليييه

يزن: عشان اللي انت عملته ده انت هتتنفخ النهاردة????

حمزة: انا عملت ايه

ليل ويزن حكو ل حمزة كل حاجة من اول ما ركبو الاتوبيس لحد ما نزلو منه ودخلوه الخيمة وضرب البنات ليه وحمزة واقف مصدوم لأنه مش فاكر حاجة آخر حاجة فاكرها هيه البيبسي اللي شربها وبس.

ليل ويزن: يلا يا حلوووو.

وخدو حمزة ومشيو............

ـــــــــــــــــــــــــــــــــــــــــــــــــــــــــــــــــــ

في المعسكر

تمارا واقفه هيه وفريقها وفهد واللواء مستنيين حمزة عشان يحاكموه

حمزة جاي من بعيد وشه كله ضارب في بعضه وليل ويزن مسكينه.....

تمارا والبنات اول ما شافو منظرو فطسو ضحك

بس تمارا بصتلهم عشان يسكتو....

فهد: اهلا اهلا نورت يا حضرة الظابط

حمزة بخوف قال: والله يا فندم انااااااا........

فهد: لأ فندم ايه بقة قولي يا سوسو?

اللوا: انت عارف انت هببت ايه امبارح وانت جاي ولا لأ..... انت كنت شارب ايه بالظبط

حمزة: والله يا فندم ما شربت حاجة غير البيبسي بس

تمارا والبنات بيبصو لبعض??....

زين: فين علبة البيبسي اللي شربتها

حمزة: رمتها اكيد.... وانا هخليها معايا تعمل اي هتصور معاها.... كان يوم اسود يوم ماشربته

هنا: انتو كلكم شربتو من نفس الكانز واحنا كمان شربنا منه

ساندي: يعني لو في حاجه كان زمانا مدهولين زيك كدة بالظبط

فهد قرب من حمزة ومسك وشه بإيده.....

حمزة: ااااه... وشي يا فهد بيه

فهد: انت شارب حاجه فيها كحول

حمزة: والله ما شربت غير البيبسي بس... ده حتي كان بيلسع كدة وطعمه متغير..... بس كنت عطشان ومكنش قدامي غيره

فهد قرب من البنات وبص ل مليكة.........

فهد: شربتيه اي

مليكة بتبص ل تمارا وبصت ل فهد بخوف وقالت: نعم.... قصدك اي

فهد بزعيق وصوت عالي قال: جاوبي علي سؤالي.... شربتيه اي

مليكة بخوف: اناااا.... انا....

تمارا: يعني اي شربته اي.... اظبط كلامك يا حضرة الظابط

فهد: انا موجهلتكيش انتي كلام

تمارا: واللي انت بتكلمها دي تبقي تبعي وفي فريقي وقبل اي حاجه اختي كمان.... مش معقولة اشوف سيادتك بتتهمها بحاجة واقف اتفرج

فهد شاور علي حمزة وقال: شايفه اللي حصل ده طبيعي

تمارا: واتهامك ليها مش طبيعي بردو.... احنا كلنا شربنا نفس اللي شارب منه الباشا.... الا لو هو كان حابب بقا انه يهزر ويستظرف او كان واخد حاجه

ليل بهمس ل حمزة قال: الليلة لبستك يا معلم

مليكة: اه... شوف فريقك بيتعاطي اي

فهد: اخرسيييي

وفجأة.............

ــــــــــــــــــــــــــــــــــــــــــــــــــــــــــــــــــــــ

* حمزة عمل غلطة كبيرة لما قرر يقف قدام البنات...... لكن البنات هيعملو غلطة أكبر.......

* لكل فعل رد فعل.....

يا تري اي رد فعل تمارا بعد اللي هي هتشوفه وهتتصرف ازاي........

* سر خطير هينكشف للكل.......

رد فعل كل واحد منهم هتكون اي.........

احداث جديدة ومفاجئات جديدة مستنياكم مع

بنات في تل أبيب?

انتظرونا......

وحابين نعرف رأيكم في الرواية الجديدة .....

سيبو كومنت برأيكم ولايك ....

وقولو نكمل فيها ولاااا

دمتم في حفظ ورعاية الله ♥.......

بقلمي/ اسراء جابر

بحبكم جداً