Part 2

1498 Words

الحلقة الثانية صل علي محمد...... نبدأ روايتنا بالصلاة والسلام على رسول الله ♥.... وقفنا الحلقة اللي فاتت عند....... فهد واقف قدام مليكة وبيتهمها........ وتمارا بتدافع عنها....... فهد شاور علي حمزة وقال: شايفه اللي حصل ده طبيعي تمارا: واتهامك ليها مش طبيعي بردو.... احنا كلنا شربنا نفس اللي شارب منه الباشا.... الا لو هو كان حابب بقا انه يهزر ويستظرف او كان واخد حاجه ليل بهمس ل حمزة قال: الليلة لبستك يا معلم مليكة: اه... شوف فريقك بيتعاطي اي فهد: اخرسيييي وفجأة............. تمارا ماسكه ايد فهد..... وفهد كان لسه هيضرب مليكة....... هنا بصدمة قالت ل ساندي: الموقف ده هيحتاج تصوير ساندي: اخرسي تمارا بصت ل فهد بغضب وقالت: انك تتكلم معاها بالإسلوب ده كوم.... ورفعت ايدك عليها كوم تاني.... انا مش هسمح لأي حد مهما كان هو مين انه يمد ايده علي حد من فريقي..... ولآخر مرة بقولك هي معملتش حاجه وملهاش ذنب في اي حاجه..... واتمني الحركة دي متتكررش تاني تمارا سابت ايده وبصت للكل وقالت: يلا الكل ع التدريب وبصت ل حمزة وقالت: وانت حمزة بيبص وراه بخوف: انا تمارا: هتاخد راحه النهارده من التدريب عشان وشك ده حمزة: شالله يسترك يارب ويخليهوملك.... بس والنبي اي حاجه للصداع.... مش حاسس بنص دماغي من الروصية بتاعتك تمارا ضحكت وقالت: هبعتلك برشام للصداع حمزة: واي حاجة ل وشي ده تمارا: هبعتلك مرهم كويس حمزة: وتلج عشان الكدمات تمارا: اجي اغسلك رجلك بالمرة حمزة اتخض من صوتها وقال: لأ خلاص تمارا: يلا يا شباب الكل ع التدريب فهد سابهم ودخل المكتب وقفل الباب وراه جامد بعصبية........ اللوا: خير فهد: انا مش عاوز البنات دول معايا اللوا: مش عاوز البنات ولا مش عاوز تمارا فهد: تمارا دي بالذات لأ..... انا مش هشيل مسؤولية بنت علي كتافي اللوا: خايف عليها فهد: اكيد لأ.... خايف علي المهمة تبوظ بسببها.... بنت مغرورة وطالعة فيها مش عارف علي اي اللوا: اكسبها لصفك يا فهد.... صدقني هتستفاد كتير فهد: مبقاش الا البنات كمان اللي هصاحبهم فهد سابه وخرج واللوا ضحك علي كلامه......... فهد واقف وكان بيبص علي تمارا وهي بتدرب مع البنات......... تمارا بدرب البنات وبتدرب معاهم وفجأة ساندي وقعت ع الارض..... تمارا راحت عندها ومدت ايدها ليها وشدتها وكملو تدريب........ فهد ابتسم علي اللي حصل..... واستغرب من شخصية تمارا انها بتتعامل مع فريقها كإنهم اخواتها مش فريق...... واستغرب اكتر لما دافعت عن مليكة برغم انها عارفة ان مليكة غلطانه لكن محبتش تطلعها غلطانة قدام حد......... فهد مشي وراح لفريقه............ فهد: الله الله ليل ويزن كانو نايمين ع الرملة اول ما سمعو صوت فهد اتعدلو وقامو بخضة........ فهد: حضراتكم نايمين هنا وناسيين التدريب.... البنات اللي ميجوش عضلة واحدة من عضلاتكم بيتدربو وانتم نايمين ليل: احنا قولنا ناخد ريست النهارده لحد ما حمزة يصحصح كدة يزن: وبعدين دول شوية بنات واخرهم فاضي فهد: قوم يا حيوان انت وهو ع التدريب ليل ويزن: حاضر الاتنين قامو وراحو يتدربو وفهد معاهم........ ـــــــــــــــــــــــــــــــــــــــــــــــــــــــــــ عدي اليوم بسلام علي الجميع...... والكل نام من تعب السفر والتدريب....... * تاني يوم الصبح...... الكل صحي وبدلو هدومهم وصلو فروضهم وفطرو ونزلو يتدربو....... تمارا ل حمزة: عامل اي دلوقتي حمزة: الحمد لله بخير.... شكرا فهد: يلا عشان التدريب منتأخرش والشباب مشيو....... هنا: هو ماله ابو لهب ده ع الصبح ساندي: يقول السلام عليكو هو داخل علي مقابر مليكة: ده حتي السلام لله اللوا خرج من مكتبه وجمع الفريقين......... ليل: خير يا فندم اللوا: جه الوقت المناسب اللي تعرفو في المهمة بتاعتكم.... وتوزيعكم هيكون ازاي تمارا: اتفضل يا فندم اللوا: انتم عندكم مهمة هنا قبل ما تسافرو.... مش هقدر اقولكم معلومات دلوقتي بس اللي عاوز اقوله ليكم تدربو كويس وتتعاونو مع بعض وتبقو فريق واحد مش فريقين.... وفي حاجه كمان حابب انكم تعرفوها.... انا هنزل القيادة 3 ايام وهرجع تاني.... ياريت مسمعش اي شكاوي ولا حتي لما ارجع وسابهم ومشي...... حمزة: ولا فادنا بأي حاجه خالص.... اي اللي جابه معانا ده هنا: يلا نكمل تدريب البنات مشيو والشباب كملو تدريبهم....... اللوا بص عليهم وقال: مفيش فايده ـــــــــــــــــــــــــــــــــــــــــــــــــــــــــــــــ اللوا سابهم وراح القيادة....... وحل الليل بظلامه.......... البنات كانو قاعدين في الخيمة بتاعتهم.......... ساندي: ازاي ينزل القاهره ويسيبنا كدة في وسط الصحرا هنا: وبالنسبة للأربع ضلف اللي برة دول مليكة: اصلا الخوف كله من الاربع ضلف اللي برة دول تمارا: اسد يلا في ايه وفجأة صوت ديب......... البنات صرخو...... هنا بخوف قالت: أسد.... طب حوشي الديابة دي عننا ساندي: هي مصر فيها ديابة مليكة: دي فيها وحوش هنا: راح.... مشي خلاص وفجأة صوت ديب كمان....... البنات بصو ل بعض بخوف......... وفجأة...... شافو خيال شبه الذئب علي الخيمة وبيتحرك...... البنات صرخو وطلعو يجرو من الخيمة....... واول ما خرجو هوووووب...... الشباب دلقو عليهم ماية............ البنات صرخو: عاااااااااا البنات بصو للشباب بعصبية......... مليكة بزعيق قالت: اي ده انتو اتجننتو ساندي: منكم لله هنا: في ديب هنا تمارا: اي الهبل اللي انتو عملتوه ده ليل: اصل كنا واقفين مستنيين الديب يزن: هنهجم عليه هنا: هتهجمو عليه بجرادل ماية حمزة: احمدو ربنا كنا هنحط ماية نار مليكة: ماية نار تاكلك يا بعيد فهد: ادخلو استخبو جوة ومتخرجوش دلوقتي تمارا بصت ل فهد بعصبية وغضب ودخلت الخيمة والبنات وراها...... البنات غيرو هدومهم وهما بيشتمو في في الشباب ومتعصبين ع الاخر....... اما عند الشباب كانو فرحانين جداً انهم قدرو يحققو بونط وكسبو قصاد البنات........ ـــــــــــــــــــــــــــــــــــــــــــــــــــــــــــــــ عدي اليوم بسلام والكل نام........ اشرقت شمس يوم جديد لتعلن عن قدوم يوم مليء بالكثير من الأحداث والمفاجئات....... * في مبني المخابرات العامة....... اللوا قاعد في مكتبه........ وفجأة دخل شادي ظابط برتبة رائد...... شادي: حمد الله على سلامتك يا فندم اللوا: الله يسلمك شادي: التدريب خلص بالسرعة دي ولا اي اللوا: لأ انا اللي سيبتهم ونزلت..... عاوزهم يتحدو ويبقو فريق واحد وينسو خالص ان هما فريقين شادي: يتحدو.... قصدك يقتلو بعض اللوا: الشباب والبنات لو اتحدو مع بعض وبقو فريق واحد..... القيادة هتكسب كتير جداً شادي: وسيبت البنات مع فهد..... يا صلاة النبي.... طب استأذن انا اللوا: علي فين شادي: اشوف هنستلم جثة البنات من انهي مشرحة بالظبط اللوا: اقعد يا حيوان انا ناقصك شادي: اصل حضرتك مش فاهم.... فهد بيكره صنف الستات عموما.... ومش بيطيق يشوف بنت قدامه.... تقوم حضرتك تديله اربعة.... انت عاوز تخلص منهم يا فندم اللوا: بس يا غبي.... وبعدين انت قاعد قدامي لي ياله شادي: اجي جمبك اللوا: جمبي.... اه تعال علي حجري.... انت يا حيوان مش عندك شغل والمفروض انك متنيل مسافر.... قاعد هنا بتعمل اي شادي: لأ ما انا لقيت الجماعة مريحين شوية وظش ناويين علي حاجه دلوقتي.... قولت انزل هنا استريح شوية..... هيييييح وحشتني مصر اللوا: وحش اما ياخدك وياخد امثالك.... انت ناوي تشلني ياله..... قوم من وشي شادي لسه هيقوم بص علي مكتب اللوا بصدمة وقال: اي يا فندم الموبايلات دي..... انت ناوي تفتح سايبر اللوا: قصدك دول.... ده انا لقيتهم وانا جاي في الطريق ـــــــــــــــــــــــــــــــــــــــــــــــــــــــــــــــ البنات صحيو وخرجو من الخيمة...... وفجأة..... شافو الشباب واقفين مكانهم....... تمارا: خير واقفين كدة لي ليل: نقولهم يزن: بلاش حمزة: مفيش ولا نقطة ماية في المعسكر مليكة: نعاااام يزن: اه والله ساندي: الماية راحت فين هنا: دي اكيد الماية اللي غرقتونا بيها امبارح حمزة بابتسامة عريضة قال: يااااس مليكة: منكم لله هاخد شاور ازاي انا دلوقتي تمارا: هو ده كل اللي همك.... هنشرب منين يا بنت الغبية هنا: احنا لازم نفكر بإيجابية شويه ساندي: الساعه كام دلوقتي ليل: 9 ونص لي ساندي: يا خسارة مينفعش ليل: هو اي اللي مينفعش تمارا: انا هكلم اللوا اشوفه تمارا بتدور علي تليفونها ملقتش حاجه....... تمارا: فين تليفوني فهد: انا هكلمه.... استنو فهد بيدور علي تليفونه لكن بردو مش لاقيه....... فهد: تليفوناتنا راحت فين البنات جريو ع الخيمة بتاعتهم..... والشباب كل واحد راح علي خيمته وبدأو يدورو علي تليفوناتهم....... وبعد شويه خرجو...... ساندي: لقيتو حاجه يزن: للأسف مفيش حاجه.... هيكونو راحو فين.... احنا اتسرقنا واحنا نايمين ولا اي مليكة: انا شايفه ان احنا نحفر بير.... قصدي ندور علي بير فهد: كل شوية يمشو في حتة يا جماعة.... انا شايف ان احنا نتفرق وندور علي حاجه نشرب منها..... بدل ما نمشي كلنا في اتجاه واحد ليل: وهنلاقي بعض ازاي تمارا: نرجع نتجمع هنا تاني هنا: فكرة كويسة فهد قال: ممكن سالي ساندي: ساندي يا أخ فهد: معلش.... ساندي وهنا وليل في اتجاه..... ويزن وحمزة ومليكة في اتجاه تمارا: وانا وحضرة الظابط فهد في اتجاه فهد: ساعة بالظبط وهنرجع في نفس المكان تاني مليكة شاورت علي حمزة وقالت: لأ معلش اسكوزمي.... انا مش همشي مع الكائن ده حمزة: لأ يا بت اللي انا هموت عليكي.... وقال بتريقة: لا والنبي تعالي معايا متسبنيش لوحدي ليل: اشمعنا انا اشيل مصيبتين في رقبتي ساندي: مصيبة اما تاخدك يا بعيد هنا: مين قالك اصلا ان احنا موافقين وفجأة...... الشباب والبنات بدأو يتخانقو مع بعض وبصوت عالي....... ليل: ما تلمي نفسك يا بت انتي وهيه ساندي: بت اما تبتك يا بتاع انت حمزة: انتو فاكرين نفسكم مين.... احنا نقرف اصلا نمشي معاكم في مكان مليكة: لأ حوش العسل اللي بينقط منك هنا: حاسب احسن وقع ع الأرض يزن: احنا عاملين احترام لنفسنا بس عشان مبنمدش ايدينا علي حريم ساندي: واحنا كمان منبمدش ايدينا علي حريم تمارا بصت ل فهد وقالت: قابل يا معلم فهد: يا شباب فهد بيكلمهم والشباب والبنات بيتخانقو مع بعض......... وفجأة........ صوت رصاصة دوي في ارجاء المكان...... الكل تصدم والبنات صرخت....... وووووو ـــــــــــــــــــــــــــــــــــــــــــــــــــــــــــــ ولحد هنا هنقف النهارده........ يا تري اي اللي هيحصل مع ابطالنا........ * اللوا عمل تصرف من غير تفكير وهيدفع تمنه ابطال روايتنا..... يا تري تصرف اللوا صح ولا غلط...... * فهد هيعمل اي عشان يخلي الكل يسمع كلامه........ انتظرونا في احداث جديدة ومفاجئات جديدة في الحلقة اللي جايه من بنات في تل أبيب ?..... مستنيه ارائكم وتعليقاتكم........ بحبكم جداً...... بقلمي/ اسراء جابر

Free reading for new users

Scan code to download app

App Store Google Play

Facebookexpand_more