Part 3

1543 Words

الحلقة الثالثة... صل علي محمد..... نبدأ روايتنا بالصلاة والسلام على رسول الله ♥.... وقفنا الحلقة اللي فاتت عند....... الشباب والبنات كانو بيتخانقو........ وفهد بيحاول بيفصل بينهم وفجأة..... صوت رصاصة دوي في ارجاء المكان....... الكل بص لبعض بصدمة والبنات صرخو....... فهد ماسك المسدس في ايده وقال بصوت عالي: الكلام اللي قولته هيتنفذ..... واقسم بالله اللي هسمع صوته منكم لافرغ المسدس ده في دماغه.... واظن انتو عارفين فهد كويس لما بيقول حاجه بينفذها مليكة كانت لسه هتتكلم هنا حطت ايدها علي بوقها........ فهد: في حد عنده اعتراض هنا: ربنا ما يجيب اي اعتراض يا فندم فهد: يلا ابدأو.... كل واحد منكم هيتحرك في اتجاه تمارا: احنا ممكن نخليها في الاربع اتجاهات.... يعني كل اتنين يتحركو في اتجاه.... كل ما اتفرقنا اكتر كل ما كان احسن لينا فهد: لأ اللي انا قولته هيتنفذ.... انا القائد هنا.... يلا اتحركو.... ليل انت القائد وحمزة القائد يعني كلامهم يتسمع تمارا بصت ليه بغضب ومشيت....... وليل وساندي وهنا اتحركو في اتجاه...... وحمزة ومليكة ويزن اتحركو في اتجاه تاني........ ـــــــــــــــــــــــــــــــــــــــــــــــــــــــــ الشباب والبنات كل مجموعة اتحركو في اتجاه........ * عند حمزة ومليكة ويزن....... كانو ماشيين ومليكة ماشية قدامه........ مليكة بتبص في الارض وهي ماشية...... حمزة: هو في حاجه واقعة منك بتدوري عليها مليكة: بشوف اي اثار اقدام تحاول توصلنا لحد يساعدنا حمزة: بقولك اي بطلي اختراعات بقا.... انا القائد وسبيني اتصرف مليكة: يعني اي القائد.... يعني منفكرش حمزة: لأ محدش طلب منك تفكري مليكة: لي.... ساحب معيز وراك يزن: يا شباب حمزة: بقولك اي.... كلمتي تتسمع فاهمة يزن: يا جمااااعة مليكة: هو اي اللي كلمتي تتسمع..... كنت الخدامة اللي اهلك جابوهالك حمزة: متعصبنيش عليكي مليكة: وريني كدة هتتعصب ازاي.... وريني يزن: انتو يا بهاااااايم انا بمووووووت حمزة ومليكة بيتخانقو مع بعض........ وفجأة بصو ل يزن واتصدمو....... حمزة: احييييه مليكة: يا نهار اسود ـــــــــــــــــــــــــــــــــــــــــــــــ * اما عند ليل وساندي وهنا........ كانو ماشيين في اتجاه تاني خالص........ وفضلو ماشيين في الصحرا شوية لحد ما وقفو وبدأو يبصو ل بعض بصدمة........ هنا بصدمة قالت: اي ده ليل: مستحيل ساندي: هو احنا علي صحرا ولا جزيرة ودي كانت الصدمة..... التلاتة واقفين وقدامهم شجر كتير جداً وطويل اوي كإنها غابة...... هنا: غابة في وسط الصحرا.... ازاي ليل: بنات احنا المفروض في صحرا صح ولا العنوان غلط ساندي: هنفضل نتكلم كتير..... يلا ندخل نشوف في اي ليل: لأ استنو.... احنا منعرفش المخاطر اللي جوة هنا: ايا كان اللي جوة..... دي شكلها هتبقي مغامرة توووووحفة هنا مشيت ودخلت الغابة وساندي دخلت وراها........ ليل: انتو يا مجانين.... استنوو ليل دخل الغابة وراهم....... ـــــــــــــــــــــــــــــــــــــــــــــــــــــــــــــــ * اما عند تمارا وفهد...... فهد ماشي وتمارا ماشية وراه بتبص ليه بعصبية وغضب........ فهد: هتفضلي تبصيلي كدة كتير تمارا: انا مجتش جمبك اصلا فهد: احسن تمارا بتبص ليه بقرف??...... تمارا: اي ده.... احنا توهنا ولا اي فهد: اي الأشجار دي تمارا: غابة في صحرا ازاي فهد: اكيد في حاجه هنا تمارا: تعالي نشوف فهد وتمارا دخلو الغابة....... وفضلو ماشيين بحذر............ لحد ما وصلو ل بيت من الخشب مبني فوق شجرة..... تمارا: هو في حد هنا غيرنا ولا اي فهد: مش عارف تمارا: اي اللي بيحصل ده.... احنا في صحراء مصر ولا صحراء اوروربا فهد: يمكن حد ساكن هنا تمارا: تعال نشوف فهد وتمارا طلعو ع الشجرة ووصلو للبيت...... تمارا بتخبط ع الباب....... فهد: الظاهر مفيش حد هنا تمارا فتحت الباب بالراحة ودخلت هيه وفهد...... بس المكان من جوة كان قديم اوي وكان البيت عبارة عن اوضة واحدة وصالة......... تمارا: باين كدة ان كان في ناس ساكنين هنا من زمان اوي فهد: بس ازاي في غابة.... وازاي في صحرا بردو تمارا: حاسة اننا هنلاقي بحر هنا وفجأة....... فهد حط ايده علي بوق تمارا وقال: هشششش.... في حد جاي ــــــــــــــــــــــــــــــــــــــــــــــــــــــــــــ * عند اللوا....... اللوا خرج من مكتبه واتجه ل مكتب اللوا يحيي زميله وفتح الباب ودخل وقفل الباب بعصبية....... اللوا: اللي حصل ده اسمه انتحار مش تدريب يحيي: انت مش هتخاف عليهم اكتر مني اللوا: كل ده بيحصل من غير علمي ومن غير ما اعرف يحيي: انت مسؤول عن التدريب بس يا محمد اللوا: والتدريب ده المفروض اني اكون عارف كل حاجه.... وعارف المكان كمان اللي هيتدربو فيه يحيي: انت كنت عارف المكان اللوا: انتو نقلتوهم من غير علمي.... وكمان من غير ما هما يعرفو.... ازاي يعني تحطولهم منوم وبعد كده تنقلوهم ل جزيرة وانا معرفش يحيي بجدية قال: يا سيادة اللوا لازم تفهم انك مش لازم تبقي عارف كل حاجه.... ومش كل قرار هناخده هنبلعك سيادتك بيه اللوا: بس انا المسؤول عنهم يحيي: انت مسؤول عنهم كتدريب يعني تخليهم من أكفأ الظباط الموجودين في القيادة..... لكن حياتهم واي اللي هيحصل معاهم دي تحت ايدينا احنا اللوا: طب ممكن اعرف خدتوهم فين يحيي: وتعرف لي.... احنا زارعين جوة كل واحد منهم جهاز عشان نطمن علي حالته الصحية ونعرف اذا كان عايش ولا لأ.... يعني اطمن هنبلغك كل حاجه عنهم اول بأول اللوا: المفروض اني ارجع ليهم بعد 3 ايام يحيي: احنا اللي نحدد ترجع امتا.... مش انت اللوا: بس ده كدة مينفعش انا........ يحيي قاطعه في الكلام وبص في الورق اللي قدامه ع المكتب وقال: بعد اذنك عشان عندي شغل كتير ومحتاج اخلصه في اسرع وقت اللوا بص ليه ومشي لحد الباب وبص ليه تاني وقال: لو حصلهم اي حاجه انا مش هسكت وسابه وخرج........... ـــــــــــــــــــــــــــــــــــــــــــــــــــــــــــــــ * عند الشباب........ * عند حمزة ومليكة...... حمزة ومليكة بيتخانقو مع بعض ويزن بينادو عليهم....... يزن: يا بهاااااايم انا بمووووووت حمزة: احييييه مليكة: يا نهار اسود يزن: الله يخربيتكو..... الحقونيييي يزن كان بيغرق في الرمال المتحركة والرملة بتشده ل تحت....... مليكة: بس خليك هااادي.... ريلاكس يزن: انتي بتتريقي يا روح امك حمزة: الله يخربيتك.... اثبت مكانك.... اما اشوف اي حاجه اطلعك بيها يزن: انت لسه هتشوف.... الرملة هتبلعني مليكة: مفيش اي حبل هنا يزن بيلطم: حبل في الصحرااااا يزن اتحرك والرملة بتسحبه ل تحت....... مليكة: اتصرف يا حمزة حمزة: اقلعي مليكة: نعم يا روح امك حمزة: محتاجين حاجه عشان يمسك فيها ونشده... مليكة: اتقلعت عنيك من مكانها يا بعيد حمزة: كدة مبدهاش بقا مليكة: انت هتعمل اي يا حيوان حمزة: يا مسهل يارب حمزة وقف مكانه شويه وقلع البنطلون بتاعه..... مليكة غمضت عيونها: يخربييييتك حمزة رمي البنطلون ل يزن....... حمزة: امسك جامد يزن: ده هيطلعني من هنا حمزة: اخرس وامسك كويس يزن مسك في البنطلون وحمزة بيشده......... حمزة بص ل مليكة وقال: تعالي شدي معايا بدل ما انتي واقفة ملكيش لازمة كدة مليكة: بس يا بتاع انت اخرس خالص حمزة: اخلصي يا بت مليكة بتشد مع حمزة عشان تطلع يزن....... وبعد معاناه..... قدرو انهم يطلعوه...... يزن: الحمد لله مموتش ـــــــــــــــــــــــــــــــــــــــــــــــــــــــــــ * اما عند ساندي وليل وهنا....... البنات دخلو الغابة وليل دخل وراهم........ وماشيين بالراحة...... ليل: حاسبو ساندي: اي الأعشاب الطويلة دي ليل: بالراحة وانتو ماشيين احنا مش شايفين الأرض تحتنا هنا: يا ابني دي مصر.... يعني أءمن مكان في العالم...... عااااااااااااا وفجأة....... هنا صرخت واتزحلقت وهي بتمشي وهووووب وقعت....... هنا بتتزحلق من فوق منحدر عالي وبتصرخ لحد ما وصلت للأرض...... ليل: انتي كويسة ساندي: يخربيتك البت وقعت ليل بيبص بالراحة: هنا ساندي: هنا.... ردي يا بت لو لسه عايشة هنا واقعة ع الارض: الحقوووني ساندي: متخفيش احنا جايين ليكي اهو هنا: فاصل ونعود ساندي بتجري وليل بيجري وراها........ ليل: استني يا بت.... حاسبي لتتزحلقي انتي كمان ساندي: لأ متخفش.... يالهوووووووي وفجأة...... ساندي وهي بتجري داست علي حبل والحبل مسك رجلها واتشعلقت علي الشجرة..... ساندي بتصرخ: يالهوي.... الحقوني.... الحقني يا ليل.... الله يخربيتك يا ليل ليل: بس اسكتي.... احسن تستاهلي فضلت اقولك متجريش وامشي بالراحة ساندي: ده وقت عتاب يا ابن المدايقة.... نزلني والنباااااااي ليل: ربنا رزقني بمصيبتين ساندي: هيبقو واحدة... هيبقو واحدااااا.... يا خرااابي نزلني والنبي ليل: اهدي بقا خليني اتصرف ساندي: بسرعااااااااا ليل بيبص حواليه يشوف الحبل اخره فين..... وفضل ماشي ورا الحبل عشان يوصل لاخره........ وفجأة..... وقف مكانه...... ليل بصوت عالي قال: اطمني خلاص.... لقيته.... هنزلك وفجأة....... سهم رشق جمب ليل..... ليل مد ايده ع السهم ومسكه....... ليل: احييييه..... اي ده وفجأة سمع اصوات اقدام وكإن في ناس جاية....... ليل استخبي في الأعشاب في الطويلة وبدأ يراقب الوضع....... وفجأة اشخاص لونها اسمر ولبسهم غريب اوي كانو شبه الهنود الحمر وقفو قدام ساندي وهي متشعلقة........ الناس بتبص ليها باستغراب........ ساندي: اي ده.... كفار الراجل بيتكلم بطريقة غريبة وهي مش فاهمه كلامه...... ساندي: وربنا ما فاهمه ولا كلمة من اللي انت بتقولها دي الراجل شاور علي ساندي واتنين اتحركو ناحيتها عشان يفكوها وينزلوها..... ساندي: شالله يسترك.... شالله يخليك يارب.... شالله يعمر بيتك الرجالة فكت ساندي وخدوها ومشيو...... ساندي: انتو واخدني علي فين.... طب استنو بس.... لسه في واحد معايا هو راح فين الناس اخدو ساندي ومشيو....... ليل لطم علي وشه: نهار اسود.... البت هتموت ومشي ليل وراهم....... ـــــــــــــــــــــــــــــــــــــــــــــــــــــــــــــــ * اما عند تمارا........ تمارا وفهد واقفين في البيت...... تمارا لسه هتتكلم وفجأة فهد حط ايده علي بوقها........ فهد: هششش.... في حد جاي تمارا وفهد جريو دخلو الاوضة واستخبو فيها...... تمارا: هو اي اللي بيحصل فهد: مش عارف تمارا: تفتكر حد من البنات فهد: استني وهنشوف تمار وفهد بيبصو من الباب بالراحة عشان يشوفو مين اللي جاي........ ليل بيبص من الباب...... تمارا بصوت واطي قالت: هااااا.... عرفت مين ليل: انا مش شايف حاجه تمارا: وسع كدة ليل: اتهدي بقا وفجأة ليل بص ل تمارا بصدمة وقال: اوعي تعملي اي صوت تمارا رجعت لورا خبطت كوباية وقعت ع الارض اتكسرت....... ليل: يا بنت الغبية ـــــــــــــــــــــــــــــــــــــــــــــــــــــــــــــ ولحد هنا هنقف النهارده........ * يا تري اي اللي هيحصل مع ابطال روايتنا...... عناد مليكة مع حمزة لسه مستمر بس يا تري مليكة وحمزة هيتصرفو ازاي مع بعض....... * يزن هيقرر قرار لوحده هيندم عليه بعدين..... يا تري اي القرار اللي هياخده?....... * وليل هيعمل اي عشان ينقذ ساندي........ * هنا وجنانها هيوقعوها في اكبر مشكلة في حياتها..... يا تري هتتصرف ازاي....... واخيرا..... * فهد وتمارا شافو اي قدامهم? كل ده هنعرفة في الحلقات اللي جاية من بنات في تل أبيب?...... دمتم في حفظ ورعاية الله ♥...... بقلمي/ اسراء جابر

Free reading for new users

Scan code to download app

App Store Google Play

Facebookexpand_more